Ɛksadɔso 5:19 - AHYERƐLƐ KRONGRON

¹⁹ Yisrael mbanyi bɔ adwuma ne wura bɛ sa nwuni kyɛ edwirɛ ato bɛ, wɔ mmerɛ bɔ bɛha behyirele bɛ kyɛ, “Mmerekese somaa bɔ ɛlɛho biala ɛmɔpɛ ne, ɛmɔngɔte so.”

Ɛksadɔso 5:19 Iomraidhean Croise

Ɛksadɔso 5:18

Ɛmɔhã bɛ nwo bɛɛyɔ adwuma! Bɛngɔma ɛmɔ ɛserɛ biala, nakoso mmerekese somaa bɔ ɔsɛ kyɛ ɛmɔpɛ ne ala yeɛ ɛmɔkɔpɛ ɔ.”

Ɛksadɔso 5:20

Befili Faro berɛ bɛ́ba nen, bɛɛtole Mose ne Aarɔn kyɛ bɛnwondɛ bɛ.

Ɛksadɔso 5:8

Mmerekese somaa bɔ né bɛpɛ ye daa ne, ɛ́mɔma bɛ́pɛ sɔ ala. Nnɛma ɛmɔte so, ofikyɛ bɛte foen, na ɛhe ati yeɛ ɔmaa besu kyɛ, ‘Maa yɛhɔ yɛɛbɔ afɔleɛ yɛma yɛ Nyameɛ ne.’

Nworɛ Dwirɛhanɛniɛ 4:1

Nza nwuni nhyɛsoɛ amukoraa bɔ ɔkɔ so wɔ wiase ɔ. Bɛ bɔ mmenia hyɛ bɛ so ne, nea bɛ nye moen, belle aworakyekyerɛniɛ biala. Tumi wura bɛ bɔ bedi anyandim ne sa. Ao, amaneɛnwunɛfoɛ nemɔ, belle aworakyekyerɛniɛ biala!

Nworɛ Dwirɛhanɛniɛ 5:8

Sɛ enwu kyɛ manzini bie anu besisi ehianiɛ, kyɛ bebua ndɛengyea, ɔne kyɛ bɛkatakata nahorɛ so a, nnɛma sɔ dwirɛ ne yɛ wɔ nwanwa, ofikyɛ panyi bie yeɛ ɔnea sɔ panyi ne so ɔ, na bewura mbanyi paa biemɔ abo.

Deuteronomi 32:36

Amba, AWURADE kobua ye mmenia be, okonwu ye ngoaa anwumvoin, mmerɛ bɔ okonwu kyɛ b’anwoserɛ ayie, bɔ ebiala nne berɛ bɔ waha, bɔ ɔte akoaa anaa dehyeɛ ɔ.