Ɛksadɔso 5:12 - AHYERƐLƐ KRONGRON

¹² Yiti mmenia ne tele bɛ nwo guale Misraim aseɛ so amukoraa bɛɛboaboale atokoɔ mmakaa wuruwaa noa bɛfa bɛkakyili ɛserɛ.

Ɛksadɔso 5:12 Iomraidhean Croise

Ɛksadɔso 15:7

Ɛnate wɔ tumi piri ne aso ɛkã bɛ bɔ bɛko betia wɔ ɔ gua; Ɛsoma wɔ yaa piri ne, na ɔyera bɛ kyɛ ngyɛngyɛma.

Ɛksadɔso 5:11

Ɛmɔ bɔbɔ bɛɛpena ɛserɛ wɔ nekaa biala bɔ ɛmɔkonya bie ɔ; nakoso ɛmɔ adwuma ne de, yɛngɔte so kaala.

Ɛksadɔso 5:13

Adwumayɔlɛfoɛ so mbanyi nemɔ hane bɛ bo kyɛ, “Odi kyɛ ɛmɔyie ɛmɔ daa daa adwuma ne, kyɛbɔ ɛserɛ wɔ berɛ ne ɛmɔyɔle ne ala!”

Yesaya 47:14

Tie, bɛte kyɛ ɛserɛ worowaa, see kɔyera bɛ, bɛngɔhora ngole bɛ nwo ngofi see wuronyiwuronyi ne sa nu, na ɛhe de, nna see bɔ otu sona nwo ɛyerɛ ɛne, yeɛ nna see bɔ bɛtena ye nwo bɛto hɔ ɛne!

Yesaya 5:24

Yiti kyɛbɔ see osi yera ngyɛngyɛma motoo, ɔne kyɛbɔ see wuronyiwuronyi osi yera ndire worowaa ne, sɔ ala yeɛ sɔ mmenia nemɔ bɛ ndii kɔporɔ ɔ, na mvrama kɔporo bɛ nyerɛen kogua kyɛ mvuture, ofikyɛ bapo Asafo AWURADE mmeraa ne, na babu Yisrael Krongronniɛ ne dwirɛ animtia.

Yoel 2:5

Behuruhuru kyɛ teaseɛnam mɔ bɔ bɛyɛ dede wɔ mmokaa so ɔ, kyɛ see bɔ ɔyera ngyɛngyɛma bɔ ɔyɛ tetɛtetɛ ɔ, kyɛ koɛhonɛfoɛ anwoserɛfoɛ bɔ begyi koɛ noa ɔ.

Obadia 1:18

Yakob boso ama kɔyɛ see, Yosef boso ama kɔyɛ see bɔ ogye ɔ, na Yisɔ boso ama de, bɛkɔyɛ ngyɛngyɛma, na bɛkɔsɔ wɔ bɛ nu bɛkɔyera bɛ. Yisɔ boso ama biala ngɔha, ofikyɛ bɔ AWURADE ahã hɔ ɛne.

Nahum 1:10

Mmerɛ bɔ batoatoa nu kyɛ mmowue, ná babobo kyɛ akɔnomnzafoɛ nen, ɔkɔyera bɛ kyɛ ɛserɛ worowaa.

1 Korintofoɛ 3:12

Na sɛ ebie fa sikaa kɔkorɛ, ɛdwetɛ, nyɔbosanyene, bakaa, ndondonyi anaa ɛserɛ toa fapem ne aso a,