Ɛksadɔso 5:1 - AHYERƐLƐ KRONGRON

¹ Nziɛ ye, Mose ne Aarɔn hɔle Faro berɛ beesele ye kyɛ, “AWURADE Yisrael Nyameɛ nwa: ‘Ma me mmenia nemɔ bɛhɔ, ná beeli aluolue bɛma me wɔ ɛserɛ so.’ ”

Ɛksadɔso 5:1 Iomraidhean Croise

1 Ahemvo 21:20

Ahabo bisale Elia kyɛ, “Eh me pɔfoɛ, bɔ mayɔ ye, ama me bo ala so?” Na Elia buale kyɛ, “Yoo, mama wɔ bo ala so. Atu wɔ nwo asie berɛ kyɛ ɛkɔyɔ bɔ ɔte bɔne wɔ AWURADE nyunu ɔ. Ye sɔ ti,

Edwein 119:46

Ngɔhã wɔ noa dwirɛ nwo dwirɛ ngohyire ahemvo mɔ koso, na me nyunu ngogua ase.

Ɛksadɔso 10:3

Yiti Mose ne Aarɔn bɛhɔle Faro berɛ beesele ye kyɛ, “AWURADE, Hebrifoɛ Nyameɛ ne nwa nyoo, ‘Ɛkɔpo kyɛ ɛkɔbrɛ wɔ nwo ase wɔ me nyunu maa okoodwu kyinzu? Ma me mmenia nemɔ ate ma bɛhɔ, ná bɛɛsɔne me.

Ɛksadɔso 10:4

Na sɛ ampene amma me mmenia nemɔ angɔ a, ɛhema ngɔma mmɛbɛ kɔwa wɔ maen ye anu,

Ɛksadɔso 10:9

Na Mose sele kyɛ, “Yɛ ne yɛ ngwadaa ne yɛ mbanyi, yɛ mma mmienzua ne mmrasua, yɛ mmoaen ne yɛ nandwie mɔ yeɛ yɛkɔhɔ ɔ, ofikyɛ, ɔsɛ kyɛ yɛdi aluolue yɛhyɛ AWURADE animnyam.”

Ɛksadɔso 3:18

“Bekotie wɔ dwirɛ, na ɛne Yisrael mbanyi bɛhɔ Misraim hene berɛ beese ye kyɛ, ‘AWURADE, Hebrifoɛ Nyameɛ ne, ɔne yɛ ayia. Yiti yɛsrɛ wɔ, ma yɛ ate ma yɛhɔ atee bɔ bɛfa ɛlɛsa bɛpɛ ɔ wɔ ɛserɛ so, ná yɛɛbɔ afɔleɛ yɛma AWURADE yɛ Nyameɛ ne.’

Ɛksadɔso 33:13

Yiti mesrɛ wɔ, sɛ alo me de a, nzaade maa nwu wɔ ti anu adwene, amaa ɔnate so manwu wɔ, ná alo me. Afei koso, nwu ye kyɛ mmenia hemɔ te wɔ maen.”

Ɛksadɔso 4:23

Na mekã mekyire wɔ kyɛ, “Ma mma ne ɔhɔ ɔɔsɔne me.” Na sɛ amma ye ate ma wangɔ a, ngohũ wɔ bamuɛbaa bienzua.’ ”

Ɛksadɔso 6:11

“Kɔ, kɔha kyire Misraim hene Faro kyɛ ɔyakyi Yisraelfoɛ mɔ ma befi ye aseɛ so bɛhɔ.”

Ɛksadɔso 6:27

Mose ne Aarɔn komapɛ ne ala yeɛ bɛfa bɛtole Misraim hene Faro nyunu kyɛ ɔ́ma Yisraelfoɛ bétu béfi Misraim ɔ.

Ɛksadɔso 7:16

Na ka kyire ye kyɛ, AWURADE, Hebrifoɛ Nyameɛ ne asoma me kyɛ mmanga ngyire wɔ kyɛ, ‘Ma me mmenia nemɔ bɛhɔ bɛɛsɔne me wɔ ɛserɛ so, nakoso abubu mmakaa atua wɔ so maa waadwu bekye.’

Ɛksadɔso 7:2

Ka bɔ mahyɛ wɔ kyɛ ɛha ne amukoraati; na eliɛma Aarɔn kɔha kohyire Faro kyɛ ɔyakyi Yisraelfoɛ ate ma befi ye aseɛ so bɛhɔ.

Ɛksadɔso 8:1

Na AWURADE sele Mose kyɛ, “Kɔ Faro berɛ kose ye kyɛ, ‘AWURADE nwa nyoo: Ma me mmenia nemɔ ate ma bɛhɔ, ná bɛɛsɔne me.

Ɛksadɔso 8:16

Na AWURADE sele Mose kyɛ, “Ka kyire Aarɔn kyɛ, ‘Tengyɛ wɔ pɔmaa ne, ná fa fĩ aseɛnwo mvuture nu ma ɔkakyi ngondia wɔ Misraim aseɛ so amukoraa.’ ”

Ɛksadɔso 8:17

Bɛyɔle sɔ. Aarɔn tengyɛle ye sa nu fale pɔmaa ne fini aseɛnwo mvuture nu, na ngondia te guale mmenia ne ngaka so. Na aseɛnwo mvuture amukoraa bɔ ɔwɔ Misraim kakyili ngondia.

Ɛksadɔso 8:20

Na AWURADE sele Mose kyɛ, “Dwɔso ngyerɛmɔ tutuutu kɔ Faro berɛ, wɔ mmerɛ bɔ ófite kɔ nzue ne anu ɔ, ná ka kyire ye kyɛ, ‘AWURADE nwa nyoo: Ma me mmenia nemɔ ate ma bɛhɔ, ná bɛɛso me.

Ɛksadɔso 8:27

Ɔsɛ kyɛ yɛpɛ atee bɔ bɛfa ɛlɛsa bɛpɛ ɔ wɔ ɛserɛ so yɛkɔbɔ afɔleɛ yɛma AWURADE yɛ Nyameɛ ne, kyɛbɔ wahyɛ yɛ ne ala.”

Ɛksadɔso 9:1

Afei AWURADE sele Mose kyɛ, “Kɔ Faro berɛ kose ye kyɛ, ‘AWURADE, Hebrifoɛ Nyameɛ ne nwa nyoo: Ma me mmenia nemɔ ate ma bɛhɔ, ná bɛɛsɔne me.

Ɛksadɔso 9:2

Ofikyɛ sɛ anyakyi bɛ ate ma bangɔ, ná ɛkye bɛ sie wa a,

Yesaya 25:6

Bokaa he aso yeɛ Asafo AWURADE kɔto poen kɔma maen amukoraa ɔ: Ɔkɔma bɛ aleɛ paa, nzaa paa, naen bɔ bowue nu fonyi wɔ nu, yeɛ nzaa bɔ basongyi so ɔ.

Hesekiel 2:6

Na wɔ, Sona awa, nnɛsuro bɛ, yeɛ nnɛsuro bɛ noa dwirɛ. Ɔwɔ nu kyɛ ɛfone ne agurɛ nu yeɛ ɛla ɔ, yeɛ anyanyangyeleɛ mɔ nu yeɛ ɛte ɔ de, nakoso nnɛsuro bɛ noa dwirɛ, yeɛ nnɛsuro bɛ nyunu, ɔwɔ nu kyɛ bɛte abusua bɔ bayɛ lɔen ɔ de.

Mateo 10:18

Ɔnate me ti bɛkɔfa ɛmɔ bekogyina amrado mɔ ne ahemvo nyunu, na ɔkɔyɛ adanzeɛ kohyire bɛ ne Amaenmaensofoɛ.

Mateo 10:28

Nnɛma ɛmɔsuro bɛ bɔ beku anwoɔnaen ne, ná koso bɛngora bengu ɛkra ne; na mmom ɛ́mɔsuro bɔ ɔkora sɛkye anwoɔnaen ne ɛkra ne amunyɔ wɔ abɔnzam see nu ne.

Asomafoɛ 4:29

Awurade, kekesaala ye de, nea b’anwunanwuna ye ná ma wɔ ngoaa ahoneserɛ bɔ yɛkɔfa yɛkɔhã wɔ dwirɛ ne ɔ.

1 Korintofoɛ 5:8

Yiti nnɛmɔma yɛfa mɔle harewaa daa ne, bɔ ɔte bɔne ne amumuyɛɛ yɛdi aluolue ne, na mmom ɛ́mɔma yɛfa mɔle kabrɛdi bɔ ɔte adwene bɔ nu te ɔne nahorɛlilɛ ne yeɛ yɛli ɔ.