Ɛksadɔso 40:36 - AHYERƐLƐ KRONGRON

³⁶ Na Yisraelfoɛ ateetulɛ ne anu amukoraa, sɛ munungum ne fi nyianu sua ne aso ɔkɔ anwuro a, né bɛ koso batu bɛ bo bahɔ moa;

Ɛksadɔso 40:36 Iomraidhean Croise

Nehemia 9:19

ɔnate w’anwumvoinnwunɛ kandinga ne ati, anyakyi bɛ nu wɔ ɛserɛ ne aso. Munungum ningɔnn bɔ olili bɛ nyunu wɔ atee ne aso ne, wanyakyi bɛ nu eyia; yeɛ see ningɔnn bɔ ɔtale kɔngɔen ne, ɔmaa benwuni ase bɛhɔle nekaa bɔ bɛkɔ ɔ.

Edwein 105:39

Ɔtrɛle munungum nu maa ɔyɛle ngatasoɛ, yeɛ ɔmane see yɛle bɛ kanea kɔngɔen.

Edwein 78:14

Alehyeleɛ nu, né ɔfa munungum di bɛ nyunu, na alesaleɛ nu amukoraa, né ɔfa see bɔ ogye wuronyiwuronyi yeɛ odi bɛ nyunu ɔ.

Numeri 9:17

Mmerɛ biala bɔ munungum ne kɔma ye nwo so kofi ɛtena sua ne aso ne yeɛ Yisraelfoɛ betu bɛ bo ɔ; na nekaa biala bɔ munungum ne kogyina ne, berɛ yeɛ Yisraelfoɛ fa yɛ b’asikyeleɛ ɔ.

Numeri 9:22

Na sɛ munungum ne toa so mundu nyianu sua ne aso elenyɔ, anaa bosome, anaa mmerɛ tendenn biala a, Yisraelfoɛ kɔ so tena asikyeleɛ berɛ bɔ bendu bɛ bo ɔ. Nakoso sɛ munungum ne ma ye nwo so a, né batu bɛ bo.

1 Korintofoɛ 10:1

Aliɛmaa mɔ, mepena kyɛ ɛmɔnwu ye fa yɛ nana mɔ nwo kyɛbɔ munungum ne munduni bɛ mukoraa bɛ so, ná bɛ mukoraa bɛfale ɛpo ne anu ne.