Ɛksadɔso 40:34 - AHYERƐLƐ KRONGRON

³⁴ Afei munungum ne ɔɔkatale ɛtena sua atenaleɛ ne aso, na AWURADE animnyam yili nyianu sua ne tɛkyɛ.

Ɛksadɔso 40:34 Iomraidhean Croise

2 Samuel 7:6

Ofi kyẽa bɔ nyele Yisraelfoɛ mvili Misraim mmale bɔ ɔbaadwu ɛnɛ ɔ, nndenane awuro nu le; na mmom medi tutena wɔ ɛtena sua ne nyianu sua nu.

2 Aberɛso Dwirɛ 5:13

Totorobɛndohulɛfoɛ ne edweintolɛfoɛ nemɔ, b’adwuma ole kyɛ bɛkɔbɔ nu bɛkɔye AWURADE ayɛ bɛkɔla ye ase ɔ. Na sɛ bɛkenga edwein ne a, bɛfa totorobɛndo ne firikyiwa ne edweintolɛ nningyein ahoroɔ besuro so bɛye AWURADE ayɛ kyɛ, “Ɔte paa, na ye ɔdɔ bɔ onni ngasi ne, ɔwɔ berɛ daa.” Sɔ mmerɛ ne, munungum yili AWURADE awuro berɛ tɛkyɛ.

2 Aberɛso Dwirɛ 7:2

Asɔfo nemɔ, bangora AWURADE awuro berɛ wura, ofikyɛ AWURADE animnyam yili AWURADE awuro berɛ tɛkyɛ.

Edwein 26:8

Ao AWURADE, awuro bɔ ɛte nu ne, ɔla m’ahone nwo, nekaa bɔ w’animnyam te ne.

Ɛksadɔso 14:24

Na alebahyene ne, AWURADE tole ye nye fale see ningɔnn ne munungum ne anu neane Misraim asraafoɛ ne, na ɔmane Misraim asraafoɛ nemɔ nye so tanene bɛ.

Ɛksadɔso 16:10

Na Aarɔn noa wɔ so bɔ odwudwo kyire Yisrael ɛlɔen nen, bɛtole bɛ nye bɛneane ɛserɛ ne aso dɔ, na mvum nu, AWURADE animnyam yele ye nwo ali wɔ munungum ne anu.

Ɛksadɔso 25:8

Maa besi nekaa krongron bɛma me, ná matena b’afia.

Ɛksadɔso 29:43

Berɛ yeɛ me ne Yisraelfoɛ yɛkoyia ɔ, na m’animnyam kɔma berɛ kɔyɛ krongron.

Ɛksadɔso 33:9

Mmerɛ biala, sɛ né Mose kɔworo ɛtena sua ne anu a, munungum ningɔnn ne dwu ba ase bagyina ɛtena sua ne anoa nu berɛ, na AWURADE ne Mose bedwudwo.

Yesaya 57:15

Ofikyɛ Anwuro Anwuroniɛ ne, bɔ ɔwɔ berɛ afebɔɔ, bɔ ye dumaa ole Krongron ne, ɔnwa nyoo: “Anwuro ne nekaa krongron berɛ yeɛ nde ɔ, na sona bɔ wanya nnuhoɛ ne anwobrɛaseɛ ne, me ne ye yeɛ yɛte ɔ, amaa ɔnate so mama anwobrɛaseɛfoɛ bɛ sunzum anya ngoa, ná mama bɛ bɔ banya nnuhoɛ ne b’ahone anya ngoa.

Yesaya 6:4

Bɛ komvi bɔ bɛfa bɛteane nu ne, ɔmane anoa nemɔ bɛ nyinasoɛ ne wosole, na nwosina yili sua ne anu tɛkyɛ.

Hesekiel 10:4

Yeɛ AWURADE animnyam ne mane ye nwo so fili kɛrubim nemɔ aso hɔle awuro ne anoa nu dɔ, munungum ne yili awuro berɛ tɛkyɛ, na AWURADE animnyam ne yili aluo berɛ tɛkyɛ mane berɛ tale hyireinn.

Lewitikɔso 16:2

Na AWURADE sele Mose kyɛ, “Ka kyire eliɛma Aarɔn kyɛ, nekaa krongron bɔ ɔwɔ mbɛmuɛ tena ne asi dɔ ne, mbata bia bɔ ɔwɔ apam alaka ne aso ne, nnɛmaa ɔba ye nyunu mmerɛ biala bɔ okuro ɔ. Sɛ ɔyɔ sɔ a okowu, ofikyɛ meye me nwo ali mekyire wɔ munungum bɔ ɔwɔ mbata bia ne aso ne anu.

Hagae 2:7

ngɔwoso maen maen mukoraa; na maen maen mukoraa b’anwonya kɔwa wa, na ngɔfa animnyam ngoyi awuro he tɛkyɛ, Asafo AWURADE noa dwirɛ ɛne.

Hagae 2:9

Na awuro he, ye nziɛ ye animnyam ne, ɔkɔyɛ piri kɔtra ye daa deɛ ne, Asafo AWURADE noa dwirɛ ɛne; na ɛwa yeɛ ngɔma asomdwee ɔ, Asafo AWURADE noa dwirɛ ɛne.’ ”

Numeri 7:89

Sɛ né Mose kɔ ɛtena sua ne anu kyɛ ɔne AWURADE bɛkwaadwudwo a, né ɔte komviɛ ne kyɛ odwudwo kyire ye fi Adanzeɛ alaka ne aso mbata bia bɔ ɔwɔ kɛrubim nyɔ ne b’afia ne, ye anwuro ɔ; né komviɛ ne ɔne Mose bedwudwo.

Romanfoɛ 9:4

Bɛte Yisraelfoɛ bɔ baayɛlɛ, animnyam, apam nemɔ, mmeraahyehyɛlɛ, ɛsɔnenɛ ne bɔhyɛ nemɔ bɛte bɛ deɛ ɔ.

Nyekyire 15:8

Na nwosina bɔ ofi Nyameɛ animnyam nu ɔne ye tumi nu ne, ɔyɛle asɔneyɛɛ sua ne anu munguu, na ebiala angora anwura asɔneyɛɛ sua ne anu kɔpem kyɛ abɔfo nzoo nemɔ bɛ hawo ne bo pɛle ɔ.

Nyekyire 21:3

Na ndele kyɛ komviɛ piri bie fi ahennie bia ne anu ɔkã kyɛ, “Tie, Nyameɛ ɛtena sua ne ɔwɔ adasa mmaa nu, na ɔkɔtena nu wɔ bɛ nu, bɛkɔyɛ ye maen, na Nyameɛ bɔbɔ ɔne bɛ kɔtena, [ná wayɛ bɛ Nyameɛ.]”