Ɛksadɔso 40:20 - AHYERƐLƐ KRONGRON

²⁰ Ɔfale Adanzeɛ ne tole apam alaka ne anu, ɔfale mbuna nemɔ wurawurale apam alaka ne anwo, na ɔfale mbata bia ne siele alaka ne aso.

Ɛksadɔso 40:20 Iomraidhean Croise

Ɛksadɔso 16:34

Na kyɛbɔ AWURADE hyɛle Mose nen, sɔ ala yeɛ Aarɔn fa siele Adanzeɛ ne anu, kyɛ bɛ́fa bésie ɔ.

1 Yohane 2:2

Ɔte yɛ bɔne nwo mbata; nna yɛ ngome yɛ deɛ nwo; na mmom ɔte wiase amukoraa koso bɔne nwo mbata.

Hebrifoɛ 9:4

Né sɔ nningyein hemɔ wɔ nu: esikaa kɔkorɛ afɔleɛ bokyea bɔ bɛyera ɛyɛɛ so, apam alaka bɔ bafa sikaa kɔkorɛ baboro ye nwo amu ɔ, sikaa kɔkorɛ kutusi bɔ mana wɔ nu ɔ, Aarɔn pɔmaa bɔ ɔfefɛle ne, ɔne nyɔboɛ nyɔ bɔ bahyerɛ apam ne bagua so ne.

Hebrifoɛ 4:16

Yiti ɛ́mɔma yɛsi y’ahone yɛbra adom ahennie bia ne nyunu, amaa ɔnate so wanwu yɛ anwumvoin, ná yanya adom bɔ ɔkɔboka yɛ ɔ wɔ mmerɛ bɔ ɔsɛ ɔ nu.

Romanfoɛ 10:4

Na ɔnate kyɛ Kristo di mu tra mmeraa ne ati, amaa ɔnate so ebiala bɔ ode di ne babua ye be.

Romanfoɛ 3:25

Ye yeɛ Nyameɛ afa ye wasie berɛ kyɛ mbata nikye bɔ ɔnate ye mogya nu gyidie so, bɔ wafa wahyire ye tenenee kyɛ bɔne bɔ bayɔ ye daa ne, wakyikyi wafi berɛ wɔ Nyameɛ aboterɛ nu;

Mateo 3:15

Yeɛ Yesu buale ye kyɛ, “Ma ate maa yɛyɔ ye sɔ kekesaala ye, na yɛyɔ bɔ Nyameɛ ahyehyɛ ne.” Yiti Yohane penene so.

Edwein 40:8

Ao me Nyameɛ, bɔ mekuro ole kyɛ ngɔyɔ w’apɛdeɛ ɔ; wɔ mmeraa ne wɔ me ti anu.”

1 Ahemvo 8:9

Né nikye fee nne alaka ne anu, sana nyɔboɛ taataa nyɔ bɔ Mose fa guale nu wɔ Horebo, nekaa bɔ AWURADE ne Yisraelfoɛ bɛyɛle apam mmerɛ bɔ befili Misraim aseɛ so bɛwale ne.

Deuteronomi 10:5

Afei ngakyili me nwo mvili bokaa ne aso ndwu male ase, mvale nyɔboɛ taataa nemɔ nguale alaka bɔ mobɔle ne anu, na begua nu, kyɛbɔ AWURADE hyɛle me ne.

Ɛksadɔso 40:3

Fa Adanzeɛ alaka ne sie nu, ná fa mbɛmuɛ tena ne nwi alaka ne nyunu.

Ɛksadɔso 31:18

Na mmerɛ bɔ Nyameɛ ne Mose bedwudwole beyiele wɔ Sinai bokaa ne aso nen, ɔfale Adanzeɛ nyɔboɛ taataa nyɔ ne mane Mose, nyɔboɛ taataa bɔ Nyameɛ afa ye sa mmɛseka wahyerɛ so ne.

Ɛksadɔso 26:34

Fa mbata bia ne sie Adanzeɛ alaka ne aso wɔ krongron nu krongron ne anu.

Ɛksadɔso 40:19

Afei ɔfale nwomaa ne kuruli nyianu sua ne aso, na ɔfale ɛtena sua ngatasoɛ ne katale so, kyɛbɔ AWURADE hyɛle Mose nen.

1 Aberɛso Dwirɛ 15:3

Dawide mane Yisrael maen ne amukoraa bɛbɔle dwaa wɔ Yerusalem kyɛ bɛɛfa AWURADE alaka ne bɛbra nekaa bɔ basiesie bama ye ne.

2 Aberɛso Dwirɛ 5:10

Né nikye fee nne alaka ne anu, sana nyɔboɛ taataa nyɔ bɔ Mose fa guale nu wɔ Horebo, nekaa bɔ AWURADE ne Yisraelfoɛ bɛyɛle apam mmerɛ bɔ befi Misraim bɛwale ne.