Ɛksadɔso 40:15 - AHYERƐLƐ KRONGRON

¹⁵ ná fa ɛpopalɛ ngoo gua bɛ ti so, kyɛbɔ ɛfale ɛpopalɛ ngoo guale bɛ baba ti so ne ala, ná beli sɔfo bɛso me. Na ɛpopalɛ ngoo bɔ ɛkɔfa kogua bɛ ti so ne, ɔkɔma bɛ ne b’aworɛ ndoatoasoɛ mukoraa bekoli sɔfo afebɔɔ.”

Ɛksadɔso 40:15 Iomraidhean Croise

Edwein 110:4

AWURADE ata ndaen, na ɔngɔsesã ye adwene: “Ɛte sɔfo afebɔɔ, kyɛ Mɛlkisɛdɛke deɛ ne ala.”

Ɛksadɔso 12:14

Kyẽa sɔ ne kɔyɛ ngayeɛ kyẽa kɔma ɛmɔ, na ɛ́mɔli ye aluolue bɛma AWURADE; na odi kyɛ ɛmɔdi sɔ aluolue ne afebɔɔ wɔ ɛmɔ aworɛ ndoatoasoɛ mukoraa nu.

Ɛksadɔso 28:41

Ɛkɔfa kowura eliɛma Aarɔn, ɔne ye mma mmienzua mɔ bɔ bɛboka ye so ne. Afei ɛkɔfa ɛpopalɛ ngoo kogua bɛ ti so, ɛkɔyɛ bɛ sɔfo, ná ate bɛ nwo maa bayɛ krongron, ná bali sɔfo baso me.

Ɛksadɔso 29:9

Fa abɔsoɛ bobɔ Aarɔn ne ye mma mmienzua nemɔ nu, ná fa kyerɛ wurawura bɛ. Na ɔnate ahyɛdeɛ afebɔɔ so, ɔsɔfolilɛ kɔyɛ b’adwuma. Sɔ yeɛ hyɛ Aarɔn ne ye mma mmienzua mɔ sɔfo ɔ.

Ɛksadɔso 30:31

Na se Yisraelfoɛ kyɛ, ‘Ɛhe kɔyɛ ɛpopalɛ ngoo krongron kɔma me wɔ ɛmɔ aworɛ ndoatoasoɛ amukoraati nu.

Ɛksadɔso 30:33

Ebiala bɔ ɔkɔfrafra nningyein kɔyɔ bie, anaakyɛ ɔkɔfa kogua sona bɔ ɔtte sɔfo nwo nen, bɛkɔpɛ ye asue bekofi ye maen nu.’ ”

Ɛksadɔso 40:14

Fa ye mma mmienzua nemɔ koso bra, ná fa ataadeɛ aguasoɛ wurawura bɛ,

Ɛksadɔso 40:16

Mose yɔle nikyee biala pɛpɛɛpɛ, kyɛbɔ AWURADE hyɛle ye ne ala.

Sakaria 4:14

Afei osele kyɛ, “Ɛhemɔ ole abɔdeɛ nyɔ bɔ bapopa bɛ ngoo bɔ begyigyi aseɛ amukoraa Mene ne nwo berɛ ne.”

Numeri 25:13

Na ɛhe kɔyɛ daa sɔfolilɛ nwo apam kɔma ye ne ye boso ama, ofikyɛ wagyina ye gya nu pindinn wama ye Nyameɛ, na wapata wama Yisraelfoɛ.”

Hebrifoɛ 7:3

Olle niɛ, olle seɛ, olle abusua biala, ye ngyẽa olle ahyɛaseɛ, yeɛ ye ngoa koso olle ayieleɛ. Ɔte kyɛ Nyameɛ Awa ne, na ɔte sɔfo afebɔɔ.

Hebrifoɛ 7:7

Na aporowaa biala nne ye nwo kyɛ bɔ odi mu ne yeɛ oyira bɔ ɔte kãa ɔ.