Ɛksadɔso 40:10 - AHYERƐLƐ KRONGRON

¹⁰ Asa koso, fa ɛpopalɛ ngoo ne popa afɔleɛ bokyea bɔ bɛyera afɔleɛ so ne, ɔne ye nwo nningyein amukoraa, ná te afɔleɛ bokyea ne nwo maa ɔyɛ nikyee krongron paa.

Ɛksadɔso 40:10 Iomraidhean Croise

Ɛksadɔso 30:29

Te bɛ nwo ma bɛyɛ krongron paa; na nikyee biala bɔ ye nwo kɔha bɛ ne, ɔkɔyɛ krongron.

Ɛksadɔso 40:11

Fa ɛpopalɛ ngoo popa ayaa ne ne ye nyinasoɛ ne, ná te ye nwo.

Yesaya 11:2

AWURADE Sunzum kɔwa ye so, nworɛ ne ndeaseɛ sunzum, foɛtulɛ ne tumi sunzum, nimdeɛ ne AWURADE surolɛ sunzum.

Yesaya 61:1

AWURADE Nyameɛ Sunzum wɔ me so, ɔnate kyɛ AWURADE apopa me ngoo kyɛ nga nzɛmba ngyire bɛ bɔ bɛyɛ anwumvo ɔ; wasoma me kyɛ mmangyekye bɛ bɔ bɛ wora abɔ ɔ bɛ wora, kyɛ nga ngyire bɛ bɔ bahye bɛ nnure ɔ kyɛ banya fawɔnwodi, ɔne bɛ bɔ babɔ bɛ panwu ɔ kyɛ bayakyi bɛ;

Lewitikɔso 6:17

Nnɛmaa bɛfa mɔle harewaa bɛfra ye bɛto; afɔleɛ bɔ bɛbɔ ye see so bɛma me ne, bɛ deɛ bɔ mafa mama bɛ hɔ ɛne. Ɔte krongron paa kyɛ bɔne nwo afɔleɛ ne foɛlilɛ afɔleɛ nemɔ ala.

Lewitikɔso 8:11

Ɔfale ngoo ne bie petene afɔleɛ bokyea ne anwo pɛen nzoo, na ɔpopale afɔleɛ bokyea ne ɔne ye ngukue amukoraa, ayaa ne ɔne ayaa nyinasoɛ ne ngoo, na ɔfa tele bɛ nwo.

Luka 1:35

Na abɔfo ne buale ye kyɛ, “Sunzum Krongron ne kɔwa wɔ so, na Anwuro Anwuroniɛ ne, ye tumi komundu wɔ so; yiti baa krongron bɔ ɛkɔwo ye ne, bɛkɔfrɛ ye Nyameɛ Awa.

Yohane 17:19

Meyɛ me nwo krongron mema bɛ, amaa ɔnate so bɛ koso bayɛ krongron wɔ nahorɛ ne anu.

Yohane 3:34

Na bɔ Nyameɛ asoma ye ne, ɔkã Nyameɛ dwirɛ, ofikyɛ Nyameɛ fa Sunzum ne ɔma mmorosoɛ.

1 Korintofoɛ 1:30

Ngoa bɔ ɛmɔle ye wɔ Yesu nu ne fi Nyameɛ berɛ, na Nyameɛ afa Kristo ayɛ yɛ nworɛ, yɛ tenenee, yɛ fawɔnwodi ne krongronyɛlɛ.

2 Korintofoɛ 5:21

Ofikyɛ bɔ wanyɔ bɔne ne, Nyameɛ maa fale ye kakyili bɔne mane yɛ, amaa ɔnate ye so yanya Nyameɛ tenenee ne bie.

Hebrifoɛ 7:26

Yiti ɔsɔfo panyi paa bɔ ɔte sɔa yeɛ ɔfata kyɛ yɛnya ɔ. Ɔte krongron, mvomsoɛ anaa bɔne biala nne ye nwo, baye ye basie ahameɛ bafi bɔnefoɛ nu, na babɔ ye panyi paa wɔ nyameɛso.