Ɛksadɔso 4:8 - AHYERƐLƐ KRONGRON

⁸ Na Nyameɛ sele kyɛ, “Sɛ banne wɔ banni, anaakyɛ banne sɛngyerɛnneɛ bɔ oli moa ne bando nu a, bekole bɔ ɔtɔ so nyɔ ne bekoli.

Ɛksadɔso 4:8 Iomraidhean Croise

2 Ahemvo 5:7

Yisrael hene kengale krataa ne yiele pɛ, osunzuale ye bɔbɔ ye ndaadeɛ nu, na ɔhane kyɛ, “Aso nde Nyameɛ né mahora mama ewue anaa ngoa, bɔ yeɛ biaa ye ato me ngraa kyɛ nza biaa he kwata anwonyerɛ ɔ! Aso ɛmɔnea a, ɔmbena me ne ngondii!”

YOB NWOMAA NE 5:18

Ofikyɛ Nyameɛ bɔ opura sona nen, ye ala yeɛ ɔbɔ so borɛ ɔ; ye bɔ ɔbɔ fɛɛ ne, ye sa yeɛ ɔsa anwonyerɛ ɔ.

Ɛksadɔso 4:28

Mose fale AWURADE dwirɛ bɔ wafa wasoma ye ne amukoraa, ɔne nzɛngyerɛnneɛ bɔ wahyɛ ye kyɛ ɔyɔ ne nwo amaneɛ bɔle Aarɔn.

Ɛksadɔso 4:7

Na AWURADE sele ye kyɛ, “Fa wɔ sa wura wɔ hue so bieku.” Ɔfale ye sa wurale ye hue so bieku, na ɔyele ye sa ne fitele nen, né wasa wakakyi kyɛ ye nwonaen ngaa ne ala.

Ɛksadɔso 4:9

Na sɛ banne sɔ nzɛngyerɛnneɛ nyɔ ne po banni, anaa bandie wɔ dwirɛ a, ye de sa asue Naele nzue ne bie, ná hwie gua aseɛ wosee so. Na Naele nu nzue bɔ ɛkɔsa ne kɔkakyi mogya wɔ aseɛ wosee ne aso.”

Yesaya 28:10

Ofikyɛ ahyɛdeɛ tia ahyɛdeɛ, ahyɛdeɛ tia ahyɛdeɛ, edwirɛ tia edwirɛ, edwirɛ tia edwirɛ, ɛwa kãa, yeɛ dɔ kãa”

Yohane 12:37

Ɔwɔ nu kyɛ né wayɔ nzɛngyerɛnneɛ pee wɔ bɛ nyunu de, nakoso banne ye banni.

Deuteronomi 32:39

“Afei de, ɛ́mɔnwu ye kyɛ ME OLE YE, na nyameɛ biala nne berɛ bɔ ɔboka me so ɔ. Me yeɛ meku, ná mesa mema ngoa ɔ; me yeɛ mepura, ná mesa mesa anwonyerɛ ɔ; na sɛ me sa sɔ ebie nu a, ebiala nne berɛ bɔ ɔkɔhora kole ye ɔ.

Maenbulɛfoɛ 6:17

Yeɛ Gideon sele AWURADE kyɛ, “Sɛ anya alo me de a, né nzaade maa nwu sɛngyerɛnneɛ bɔ okyire kyɛ wɔ yeɛ ɛne me dwudwo ye.