Ɛksadɔso 4:5 - AHYERƐLƐ KRONGRON

⁵ Na AWURADE sele kyɛ, “Ɛhe kɔmaa bekole bekoli kyɛ AWURADE, bɛ nana mɔ Nyameɛ ne, Abraham Nyameɛ ne, Yisake Nyameɛ ne, Yakob Nyameɛ ne yeɛ waye ye nwo ali wahyire wɔ ɔ.”

Ɛksadɔso 4:5 Iomraidhean Croise

Gyenesise 12:7

Na AWURADE yele ye nwo ali hyirele Abram, na osele kyɛ, “Wɔ bosofoɛ yeɛ ngɔfa sɔ aseɛ he ngɔma bɛ ɔ.” Yiti Abram sili afɔleɛ bokyea berɛ mane AWURADE bɔ ɔyele ye nwo ali hyirele ye ne.

Gyenesise 17:1

Mmerɛ bɔ Abram lili afoɛ aburahona ne ngona ne, AWURADE yele ye nwo ali hyirele ye, na osele ye kyɛ, “Me ole Tuminiɛ Nyameɛ, di me dwirɛ so, ná ma wɔ bra yɛ sannwuu.

Gyenesise 18:1

Ɛlɛho bie eyia ketee, né Abraham te ye ɛtena sua ne anoa nu, na AWURADE yele ye nwo ali hyirele ye wɔ nekaa bie bɔ opingye Mamre eluii mmakaa ne.

Gyenesise 26:2

Yeɛ AWURADE yele ye nwo ali hyirele Yisake sele ye kyɛ, “Nnɛkɔ Misraim, na mmom tena aseɛ bɔ mebaahyire wɔ ye aso.

Gyenesise 28:13

Ɛlaleɛ ne anu, né AWURADE gyi ye ti sorɔ, na osele kyɛ, “Me ole AWURADE, wɔ nana Abraham ye Nyameɛ bɔ ɔte Yisake koso ye Nyameɛ ne. Ngɔfa aseɛ he bɔ yeɛ ɛla so kekesaala ye ngɔma wɔ ne wɔ bosofoɛ.

Gyenesise 48:15

Na oyirale Yosef kyɛ, “Nyameɛ bɔ me mbanyi mɔ Abraham ne Yisake bɛsole ye ne, Nyameɛ bɔ wagyina me si me wiase bɔ mmale maa waadwu ɛne ye,

Gyenesise 48:3

Na Yakob sele Yosef kyɛ, “Ɛdangama Nyameɛ yele ye nwo ali hyirele me wɔ Luse bɔ ɔwɔ Kanaan aseɛ so. Oyirale me,

1 Ahemvo 18:36

Mmerɛ bɔ bɛfa bɛbɔ aburoo afɔleɛ ne dwuli ne, ngɔmhyɛlɛniɛ Elia pingyele berɛ, na osele kyɛ, “Ao AWURADE, Abraham, Yisake ne Yisrael Nyameɛ, ɛnɛ maa benwu ye kyɛ wɔ yeɛ ɛte Nyameɛ wɔ Yisrael ɔ, na nde wɔ somvoɛ, na wɔ noa dwirɛ so yeɛ ngyi bɔ mayɔ ɛhe amukoraati ye.

2 Aberɛso Dwirɛ 20:20

Koɛhonɛfoɛ nemɔ dwɔsole ngyerɛmɔ tutuutu bɛhɔle Tekoa ɛserɛ ne aso. Bɛkɔ ne, Yehosafate dwɔsole sele kyɛ, “Yuda ne Yerusalemfoɛ, ɛ́mɔtie me! Ɛ́mɔle AWURADE ɛmɔ Nyameɛ ne beli, na okoyie ɛmɔ yé. Ɛ́mɔle ye ngɔmhyɛlɛfoɛ ne beli.”

Ɛksadɔso 19:9

Na AWURADE sele Mose kyɛ, “Tie, mebaafa munungum kumɔnn nu meba wɔ berɛ, amaa sɛ me ne wɔ dwudwo a, mmenia ne ate, ná daa biala bale wɔ bali.” Afei Mose hane mmenia nemɔ noa dwirɛ hyirele AWURADE.

Ɛksadɔso 3:15

Nyameɛ sa sele Mose kyɛ, “Kã kyire Yisraelfoɛ kyɛ, ‘AWURADE ɛmɔ nana mɔ Nyameɛ ne, Abraham Nyameɛ ne, Yisake Nyameɛ ne, Yakob Nyameɛ ne yeɛ wasoma me ɛmɔ berɛ ɔ.’ Me dumaa bɔ ɔwɔ berɛ afebɔɔ hɔ ɛne, na ɛhe yeɛ aworɛ ndoatoasoɛ mukoraa bɛkɔfa bɛkɔfrɛ me ɔ.

Ɛksadɔso 3:16

Kɔ! Kɔboaboa Yisrael mbanyi mɔ noa, ná kã kyire bɛ kyɛ, ‘AWURADE ɛmɔ nana mɔ Nyameɛ ne, Abraham Nyameɛ ne, Yisake Nyameɛ ne, Yakob Nyameɛ ne, waye ye nwo ali wahyire me. Ɔnwa: ‘Maanea ɛmɔ, na manwu nikyee bɔ bɛfa bɛyɔ ɛmɔ wɔ Misraim ne.

Ɛksadɔso 3:18

“Bekotie wɔ dwirɛ, na ɛne Yisrael mbanyi bɛhɔ Misraim hene berɛ beese ye kyɛ, ‘AWURADE, Hebrifoɛ Nyameɛ ne, ɔne yɛ ayia. Yiti yɛsrɛ wɔ, ma yɛ ate ma yɛhɔ atee bɔ bɛfa ɛlɛsa bɛpɛ ɔ wɔ ɛserɛ so, ná yɛɛbɔ afɔleɛ yɛma AWURADE yɛ Nyameɛ ne.’

Ɛksadɔso 3:4

Na AWURADE nwuni kyɛ wamakye wafa dɔ ɔkwaanea nen, ɔfrɛle ye fili ngyɛkyerɛ ne anu kyɛ, “Mose! Mose! Na osurole kyɛ, “Me ɛhe.”

Ɛksadɔso 3:6

Na ɔfa sɔle so kyɛ, “Me ole wɔ baba Nyameɛ ne, Abraham Nyameɛ ne, Yisake Nyameɛ ne Yakob Nyameɛ ne. Na Mose fale ye nyunu feale, ofikyɛ né osuro kyɛ ɔkɔnea Nyameɛ ɔ.

Ɛksadɔso 4:1

Na Mose buale kyɛ, “Sɛ banne me banni, anaakyɛ bandie me dwirɛ, ná bɛka kyɛ, ‘AWURADE anye ye nwo ali wangyire wɔ huu’ ɛ?’ ”

Ɛksadɔso 4:31

Mmenia ne le lili. Na bɛtele kyɛ AWURADE aapasa Yisraelfoɛ nwo, ná wanwu b’amaneɛnwunɛ nen, bɛbɔle bɛ ti ase bɛsɔnene ye.

Ɛksadɔso 4:4

Na AWURADE sele Mose kyɛ, “Tengyɛ wɔ sa sɔ ye dua ne anu.” Ɔtengyɛle ye sa sɔle ye nu, na ɔkakyili pɔmaa wɔ ye sa nu.

Yesaya 7:9

Efraim ahenguro ole Samaria, yeɛ Remalia awa ne yeɛ ɔla Samaria noa ɔ. Na sɛ ɛmɔanne banni a, nahorɛ nu, ɛmɔngɔhora ɛmɔ gya nu gyina.”

Yeremia 31:3

AWURADE yele ye nwo ali hyirele me fili dedeede kyɛ, amba, ɔdɔ bɔ ɔwɔ berɛ afebɔɔ yeɛ mafa mahuro wɔ dwirɛ ɔ, maye m’ahone nu yeɛ mahwe wɔ mapingye ɔ.

Yohane 11:15

na ɛmɔ ti ɔyɛ me fɛ kyɛ né nne dɔ ɔ, amaa ɔnate so ɛmɔale bali. Nakoso ɛmɔma yɛhɔ ye dɔ!”

Yohane 11:42

Me de, mese kyɛ etie me daa; na mmenia bɔ begyigyi wa ye ati yeɛ ɔmaa mahã sɔ ɔ, amaa ɔnate so bale bali kyɛ wɔ yeɛ ɛsomane me ɔ.”

Yohane 20:27

Yeɛ osele Tɔmase kyɛ, “Fa wɔ sa mmɛseka bra wa, ná nea me sa nu; ná fa wɔ sa baahã me mvenu, na nnɛsu aporowaa, na mmom dedi!”

Yohane 20:31

Nakoso ɛhemɔ yeɛ bahyerɛ ɔ, kyɛbɔ ɛmɔkole bekoli kyɛ Yesu ole Kristo ne, Nyameɛ Awa ne, na ɛmɔde bedi a, ɛmɔanya ngoa wɔ ye dumaa nu.

Yohane 5:36

Na me de, m’adanzeɛ ne ɔtra Yohane deɛ ne; ofikyɛ nnwumaa bɔ Baba ne wafa wama me kyɛ nyɔ nyie nen, sɔ nnwumaa hemɔ ala bɔ meyɔ ne, bedi me nwo adanzeɛ kyɛ Baba ne yeɛ wasoma me ɔ.

Asomafoɛ 7:2

Na Setefano buale kyɛ, “Aliɛmaa mɔ ne me baba mɔ, ɛ́mɔtie me! Animnyam Nyameɛ ne ɔyele ye nwo ali hyirele yɛ nana Abraham mmerɛ bɔ né ɔwɔ Mesopotamia ne, koraka yeɛ ɔbaahɔ kɔtena Haran ɔ,

Hebrifoɛ 11:16

Nakoso afei, maen paa bɔ ɔte nyameɛso maen yeɛ bɛpena ɔ. Yiti ɔnyɛ Nyameɛ nya kyɛ bɛkɔfrɛ ye bɛ Nyameɛ ɔ, ofikyɛ wasiesie kuro bie wama bɛ.