Ɛksadɔso 4:31 - AHYERƐLƐ KRONGRON

³¹ Mmenia ne le lili. Na bɛtele kyɛ AWURADE aapasa Yisraelfoɛ nwo, ná wanwu b’amaneɛnwunɛ nen, bɛbɔle bɛ ti ase bɛsɔnene ye.

Ɛksadɔso 4:31 Iomraidhean Croise

Gyenesise 17:3

Afei Abram fale ye nyunu butuli berɛ, na Nyameɛ sele ye kyɛ,

Gyenesise 24:26

Na biaa ne bɔle ye ti ase sɔnene AWURADE

Gyenesise 29:32

Lea nwonzɛle, na ɔwole baa bienzua, na ɔtole ye dumaa Ruben. Na ɔhane kyɛ, “AWURADE anwu m’amaneɛ bɔ méfa nu ne ati, kekesaala ye de me hu kohuro me.”

Gyenesise 50:24

Yeɛ Yosef sele oliɛma nemɔ kyɛ, “Mebaawu, nakoso Nyameɛ kɔɔnea ɛmɔ. Na aseɛ bɔ ɔtale ye nwo ndaen hyirele Abraham ne Yisake ne Yakob ne, ɔkɔye ɛmɔ kofi aseɛ he aso ɔkɔfa ɛmɔ kɔhɔ so.”

1 Aberɛso Dwirɛ 29:20

Afei Dawide sele maen ne amukoraa kyɛ, “Ɛ́mɔye AWURADE ɛmɔ Nyameɛ ayɛ.” Na mmenia amukoraa bɔ babɔ dwaa ne, bɛyele AWURADE bɛ nana mɔ Nyameɛ ne ayɛ, na bɛbɔle bɛ nu ase bɛsɔnene AWURADE, yeɛ bɛkotole Nana Dawide koso.

2 Aberɛso Dwirɛ 20:18

Yeɛ Yehosafate bɔle ye nu ase fale ye nyunu butuli ase. Na Yudafoɛ ne Yerusalemfoɛ amukoraa bɛfale bɛ nyunu bebutuli ase wɔ AWURADE nyunu bɛsɔnene AWURADE.

2 Aberɛso Dwirɛ 32:8

Ye de, kuro sona yeɛ ogyi ye si ɔ. Nakoso yɛ de, AWURADE yɛ Nyameɛ yeɛ ogyi yɛ si ɔ, bɔ ɔkɔboka yɛ maa yɛkɔho yɛ koɛ mɔ ɔ.” Edwirɛ bɔ Yuda hene Hesekia hane ne, ɔhyɛle maen ne nguraen.

2 Aberɛso Dwirɛ 7:3

Na Yisraelfoɛ amukoraa benwuni kyɛ see ɔtɔ gua ase, ɔne kyɛ AWURADE animnyam amundu asɔneyɛɛ sua ne aso nen, bɛkotole bɛfale bɛ nyunu bebutuli ase, na bɛsɔnene AWURADE bɛlale ye ase kyɛ, “Ɔte paa, na ye ɔdɔ bɔ onni ngasi ne, ɔwɔ berɛ daa.”

Nehemia 8:6

Na Ɛsra yele AWURADE, Nyameɛ piri ne ayɛ, na mmenia ne amukoraa bɛmomane bɛ sa so besurole so kyɛ, “Amen, Amen!” Na bɛfale bɛ nyunu bebutubutuli ase bɛsɔnene AWURADE.

YOB NWOMAA NE 1:20

Yeɛ Yob dwɔsole, osunzuale ye bɔbɔ ye ndaadeɛ nu, ɔpoane ye ti, na ɔtole ye nwo yele aseɛnwo berɛ sɔnene (Nyameɛ).

Ɛksadɔso 12:27

Ɛmɔhã kyɛ, ‘Ɔte Abɔtra afɔleɛ bɔ yɛbɔ yɛma AWURADE bɔ ohuhuni Misraimfoɛ ne. Nakoso odwuli Yisraelfoɛ awuro mɔ nwo wɔ Misraim nen, ɔpɛle nu hɔle maa yɛnyane yɛ ti yɛdidili nu.’ ” Na mmenia ne bɔle bɛ ti ase bɛsɔne (Nyameɛ).

Ɛksadɔso 14:31

Yisraelfoɛ nwuni tumi piri bɔ AWURADE fa ho tiale Misraimfoɛ ne. Yiti Yisraelfoɛ surole AWURADE, na belele AWURADE ne ye somvoɛ Mose belili.

Ɛksadɔso 19:8

Yisraelfoɛ amukoraa bɛ noa yɛle ko, na bebuale kyɛ, “Bɔ AWURADE aha ne amukoraa, yɛkɔyɔ.” Na Mose fale mmenia nemɔ mmuayɛɛ ne tole AWURADE nyunu.

Ɛksadɔso 19:9

Na AWURADE sele Mose kyɛ, “Tie, mebaafa munungum kumɔnn nu meba wɔ berɛ, amaa sɛ me ne wɔ dwudwo a, mmenia ne ate, ná daa biala bale wɔ bali.” Afei Mose hane mmenia nemɔ noa dwirɛ hyirele AWURADE.

Ɛksadɔso 2:25

Nyameɛ neane Yisraelfoɛ nemɔ, na bɛyɛle ye anwumvo.

Ɛksadɔso 3:16

Kɔ! Kɔboaboa Yisrael mbanyi mɔ noa, ná kã kyire bɛ kyɛ, ‘AWURADE ɛmɔ nana mɔ Nyameɛ ne, Abraham Nyameɛ ne, Yisake Nyameɛ ne, Yakob Nyameɛ ne, waye ye nwo ali wahyire me. Ɔnwa: ‘Maanea ɛmɔ, na manwu nikyee bɔ bɛfa bɛyɔ ɛmɔ wɔ Misraim ne.

Ɛksadɔso 3:18

“Bekotie wɔ dwirɛ, na ɛne Yisrael mbanyi bɛhɔ Misraim hene berɛ beese ye kyɛ, ‘AWURADE, Hebrifoɛ Nyameɛ ne, ɔne yɛ ayia. Yiti yɛsrɛ wɔ, ma yɛ ate ma yɛhɔ atee bɔ bɛfa ɛlɛsa bɛpɛ ɔ wɔ ɛserɛ so, ná yɛɛbɔ afɔleɛ yɛma AWURADE yɛ Nyameɛ ne.’

Ɛksadɔso 3:7

Na AWURADE hane kyɛ, “Me mmenia bɔ bɛwɔ Misraim ne, manwu b’amaneɛnwunɛ ne, na mate awuye bɔ b’adwuma so mbanyi mɔ maa bɛbɔ ne. Manwu b’amaneɛnwunɛ ne.

Ɛksadɔso 33:10

Na sɛ mmenia ne amukoraa nwu munungum ningɔnn ne kyɛ ogyi ɛtena sua ne anoa nu berɛ a, bɛ mukoraa bedwɔso begyina, na ebiala bɔ ye ti ase sɔne AWURADE wɔ ye ɛtena sua anoa nu.

Ɛksadɔso 34:8

Na Mose yɛle ndɛndɛ bɔle ye ti ase sɔnene AWURADE.

Ɛksadɔso 4:5

Na AWURADE sele kyɛ, “Ɛhe kɔmaa bekole bekoli kyɛ AWURADE, bɛ nana mɔ Nyameɛ ne, Abraham Nyameɛ ne, Yisake Nyameɛ ne, Yakob Nyameɛ ne yeɛ waye ye nwo ali wahyire wɔ ɔ.”

Sefania 2:7

Mboanoa aseɛ ne kɔyɛ Yuda awuro ama bɔ banya bɛ ti badidi nu ɔ bɛ deɛ, bɔ bɛkɔfa ngaka bɛkɔhɔ so adidie ɔ, na Asekelɔn awuro mɔ nu yeɛ bekobutubutu nɔsoa ɔ; ofikyɛ AWURADE bɛ Nyameɛ kɔpɛ ye nye kɔnea bɛ, na ɔkɔfa bɛ bɔ bahye bɛ nnure nemɔ kosa kɔwa.

Luka 1:68

“Animnyam hã Awurade, Yisrael Nyameɛ ne, ɔnate kyɛ waapasa ye maen nwo, na wapɔ ye wale ye,

Luka 8:13

Nyɔbotaen so deɛ ne ole mmenia bɔ bɛte dwirɛ ne a, bede bɛto nu anigye so; nakoso bendira ndii, bede bedi mmerɛ kãa bie, na sɛ nzɔhwɛ mmerɛ ba a, bɛyakyi bɛ gyidie nu.

Rutu 1:6

Naomi tele ye wɔ Moabo aseɛ so kyɛ AWURADE alo ye maen maa banya aleɛ. Yiti ɔne ye sia mmrasua nemɔ besili nu kyɛ befi Moabo aseɛ so besa bɛkɔ ye kuro.