Ɛksadɔso 4:21 - AHYERƐLƐ KRONGRON

²¹ Na AWURADE sele Mose kyɛ, “Sɛ esa kɔ Misraim a, nea kyɛ anwanwadeɛ mukoraa bɔ mama wɔ tumi kyɛ ɛyɔ ne, ɛkɔyɔ ye Faro nyunu. Nakoso ngɔma ye so kɔyɛ se, bɔ ɔnate so ɔngɔma me mmenia nemɔ ngɔhɔ ɔ.

Ɛksadɔso 4:21 Iomraidhean Croise

Gyenesise 6:3

Na AWURADE hane kyɛ, “Me sunzum ngɔtena kuro sona nu afebɔɔ, ofikyɛ ɔte anwoɔnaen, ye afoɛ mukoraa bɔ okoli ɔ kɔyɛ ɛyaa ko ne aburanyɔ.”

1 Ahemvo 22:22

Na AWURADE bisale ye kyɛ: Ɛyɛ sɛɛ né alakalaka ye?’ Na obuale kyɛ, ‘Ngɔɔyɛ anoanu sunzum wɔ ye ngɔmhyɛlɛfoɛ ne amukoraa bɛ noa nu maa bɛkɔpɛ anoanu.’ Yeɛ AWURADE sele kyɛ, ‘Kɔ na kɔlakalaka ye, na wɔ sa kɔhã yeɛ kɔ na kɔyɔ ye sɔ ala.’

Edwein 105:25

Ɔmane pɔfoɛ nemɔ adwene sesane maa bɛpɔle ye mmenia nemɔ. Na bɛfale nworɛ atee so bɛhyɛle ye somvoɛ nemɔ aso.

Edwein 78:43

mmerɛ bɔ ɔyɔle ye nzɛngyerɛnneɛ wɔ Misraim, ɔne ye anwanwadeɛ wɔ Soan aseɛ pralaa so ne.

Ɛksadɔso 10:1

Afei AWURADE sele Mose kyɛ, “Kɔ Faro berɛ, ofikyɛ me yeɛ mamaa ɔne ye mbanyi mɔ babubu mmakaa batuatua bɛ so ɔ, amaa ɔnate so mala me nzɛngyerɛnneɛ hemɔ ali wɔ bɛ berɛ.

Ɛksadɔso 10:20

Nakoso AWURADE mane Faro bubuli mmakaa tuale ye so, na wamma Yisraelfoɛ ate ma bangɔ.

Ɛksadɔso 10:27

Nakoso AWURADE mane Faro bubuli mmakaa tuale ye so, na wamma bɛ ate maa bangɔ.

Ɛksadɔso 11:10

Mose ne Aarɔn yɔle anwanwadeɛ he amukoraa wɔ Faro nyunu; AWURADE mane Faro bubuli mmakaa tuale ye so, na wamma Yisraelfoɛ ate ma bamvi ye aseɛ so bangɔ.

Ɛksadɔso 11:9

Na AWURADE sele Mose kyɛ, “Faro ngɔtɛ ɛmɔ so, na ɔnate so m’anwanwadeɛ kɔsone pee wɔ Misraim aseɛ so.”

Ɛksadɔso 14:17

Me de, ngɔma Misraimfoɛ kobubu mmakaa kotua bɛ so, amaa ɔnate so bapo Yisraelfoɛ so. Na ɔnate Faro ne ye asraafoɛ amukoraa so, ye teaseɛnam mɔ ne ye pɔngɔhanɛfoɛ so, ngɔhyɛ me nwo animnyam.

Ɛksadɔso 14:4

Ngɔma Faro kobubu mmakaa kotua ye so. Ɔkɔpo bɛ so, nakoso ɔnate Faro ne ye lɔen amukoraa so ngɔhyɛ me nwo animnyam; na Misraimfoɛ konwu ye kyɛ me ole AWURADE.” Na sɔ ala yeɛ Yisraelfoɛ yɔle ɔ.

Ɛksadɔso 14:8

Na AWURADE mane Misraim hene Faro bubuli mmakaa tuale ye so, yiti ɔpole Yisraelfoɛ so, wɔ mmerɛ bɔ né Yisraelfoɛ nate atunu bɛ́kɔ ngonimlilɛ so ɔ.

Ɛksadɔso 3:19

Me de, mese kyɛ Misraim hene ngɔma ɛmɔ ate ma ɛmɔngɔhɔ, sana tumi piri bie hyɛ ye so koraka.

Ɛksadɔso 3:20

Yiti ngɔtengyɛ me sa ngɔfa anwanwadeɛ mukoraati bɔ ngɔyɔ ye Misraim ne ngotia Misraim, na ɛhe asi ne, ɔkɔma ɛmɔ kɔhɔ.

Ɛksadɔso 7:13

Bekye po yeɛ Faro bubuli mmakaa tuale ye so ɔ, na wandɛ bɛ so, kyɛbɔ AWURADE hane ne ala.

Ɛksadɔso 7:3

Nakoso ngɔma Faro kɔyɛ asobrakyeɛ. Ɔwɔ nu kyɛ ngɔma me nzɛngyerɛnneɛ ne anwanwadeɛ kɔsone pee wɔ Misraim aseɛ so de,

Ɛksadɔso 8:11

Mborohyɛen nemɔ kofi wɔ ne w’awuro mɔ nu kɔhɔ, wɔ mbanyi ne wɔ mmenia so kɔhɔ, maa ɔkɔha bɛ bɔ bɛwɔ asue Naele nu angome.”

Ɛksadɔso 8:15

Faro nwuni kyɛ bɛ nwo atɔ bɛ kãa, yiti obubuli mmakaa tuale ye so, na wandɛ bɛ so, kyɛbɔ AWURADE hane ne ala.

Ɛksadɔso 8:32

Nakoso Faro sá bubuli mmakaa tuale ye so sɔ mmerɛ ne, na wamma mmenia ne ate ma bangɔ.

Ɛksadɔso 9:12

Nakoso AWURADE mane Faro bubuli mmakaa tuale ye so, na wandɛ bɛ so, kyɛbɔ AWURADE ha hyirele Mose ne ala.

Ɛksadɔso 9:35

Yiti Faro bubuli mmakaa tuale ye so, na wamma Yisraelfoɛ nemɔ ate maa bangɔ, kyɛbɔ AWURADE nate Mose so hane ne ala.

Yesaya 6:10

Ma maen he b’adwene ɔla, ma bɛ so anu yɛ se, ná ma bɛ nye si; wamma ye sɔ a, bɛkɔfa bɛ nye bekonwu nikye, bɛkɔfa bɛ so bɛkɔte dwirɛ, bɛkɔfa b’adwene bɛkɔte dwirɛ bo, ná basakyera maa masa bɛ anwonyerɛ.”

Yesaya 63:17

O AWURADE, nzu ati yeɛ amaa yali w’atee nwo makyebu, bɔ yayɛ asoserɛ maa yiti yɛnzuro wɔ e? Sa bra, ɔnate wɔ ngoaa ti, w’agyapadeɛ mmusua kure nemɔ ati.

Yohane 12:40

“Wasi bɛ nye, na wama b’adwene ala, ná bamva bɛ nye bannwu nikye, ná bamva b’adwene bande ye bo, na banza bamma ma manza bɛ anwonyerɛ.”

Romanfoɛ 1:28

Bɛpole kyɛ bekonwu Nyameɛ nwo nimdeɛ, yiti Nyameɛ pole bɛ bɔbɔ b’adwene fiɛ ne mane bɛ, maa bɛyɔle nningyein bɔ ɔmvata ɔ.

Romanfoɛ 9:18

Na sɛ sɔ yeɛ ɔte de a, nzaade sona biala bɔ Nyameɛ kuro ye dwirɛ yeɛ onwu ye anwumvoin ɔ; yeɛ sona biala bɔ Nyameɛ kuro ne, yeɛ opini ye ahone ɔ.

2 Korintofoɛ 2:16

Sɔ ayirefona ne te ewue pambaen bɔ ɔkɔ wue nu ma ebiemɔ; nakoso ebiemɔ de, ɔte ngoa fona bɔ ɔkɔ ngoa nu ɔ. Na nwa yeɛ ɔfata ɛhemɔ ɔ?

Deuteronomi 2:36

Fite Aroye bɔ ɔwɔ Anɔn bɔnza ne noa dɔ, ɔne kuro bɔ ɔwɔ bɔnza ne anu ne, bɔ ɔkwaadwu Gileade ne, kuro biala nne berɛ bɔ yangora yanni so ngonim ɔ. AWURADE yɛ Nyameɛ fale nikyee biala wurale yɛ sa.

Yosua 11:20

Ofikyɛ AWURADE yeɛ ɔmaa bɛyɛle asoserɛ ɔ, kyɛbɔ ɔkɔyɛ bɔ bɛ ne Yisraelfoɛ bɛkɔho koɛ ɔ, amaa ɔnate so Yisraelfoɛ ahũhũ bɛ bɔkɔɔ bama bɛ boso anua, bɔ bengonwu bɛ anwumvoin ɔ, kyɛbɔ AWURADE hyɛle Mose nen.

1 Petro 2:8

yeɛ ɔte sundidua nyɔboɛ ne sundiduatolɛ nyɔbotaen ma bɛ.” Na befi ase, ofikyɛ bɛyɛ edwirɛ ne nwo asoserɛ, kyɛbɔ b’ayieleɛ nhyehyɛleɛ te ne ala.