Ɛksadɔso 4:18 - AHYERƐLƐ KRONGRON

¹⁸ Mose sá hɔle ye sia Yɛtro berɛ, na osele ye kyɛ; “Mesrɛ wɔ, maa nza ngɔ nniɛma mɔ berɛ wɔ Misraim, ná ngɔnea sɛ bɛtɛ te ase a.” Na Yɛtro sele Mose kyɛ, “Kɔ asomdwee nu oo.”

Ɛksadɔso 4:18 Iomraidhean Croise

Gyenesise 45:3

Yeɛ Yosef sele oliɛma nemɔ kyɛ, “Me ole Yosef; aso me baba tɛ te ase?” Nakoso oliɛma nemɔ angora ye noa ye, ofikyɛ bɛ nwo dwirili bɛ kyɛ banwu ye ɔ.

2 Ahemvo 5:10

Yeɛ Elisa somane sona maa ɔɔhã hyirele ye kyɛ, “Kɔ na kobia asue Yɔɔdan nu pɛen nzoo, na wɔ nwonaen kosa kɔyɛ kyɛ ye daa ne ala, na wɔ nwo kɔte.”

2 Ahemvo 5:19

Na Elisa sele Naaman kyɛ, “Fa asomdwee kɔ.” Nakoso Naaman fili Elisa nyunu berɛ hɔle moa kãa ne,

Ɛksadɔso 2:21

Mose penene so ɔne biaa ne bɛtenane, na ɔfale ɔwa brasua Sipora mane Mose gyale.

Ɛksadɔso 3:1

Né Mose yeɛ ɔnea ye sia Yɛtro, bɔ ɔte Midian sɔfo ne mmoaen so ɔ. Ɛlɛho bie, ɔhane mmoaen ne hɔle dedeede wɔ ɛserɛ ne noa dɔ paa, na oodwuli Nyameɛ bokaa Horebo nye abo.

Luka 7:50

Na osele braa ne kyɛ, “Wɔ gyidie ale wɔ, kɔ asomdwee nu!”

Asomafoɛ 15:36

Ngyẽa kãa asi ne, Pɔɔlo sele Banaba kyɛ, “Maa yɛsa yɛɛsra aliɛmaa mɔ bɔ bɛwɔ kuro biala bɔ yɛhane Awurade dwirɛ ne wɔ so ne, na yɛnea kyɛbɔ bɛ nwo si te ɔ.”

Asomafoɛ 16:36

Yiti biaa ne sele Pɔɔlo kyɛ, “Ndɛenbualɛfoɛ nemɔ asoma maa baase me kyɛ nyakyi ɛmɔ ma ɛmɔhɔ. Yiti ɛmɔfite bɛhɔ asomdwee nu.”

1 Timoteo 6:1

Bɛ bɔ bɛwɔ ngoaasolɛ nu amukoraa, maa bebu bɛ mene mɔ kyɛ anidie amukoraa fata bɛ, amaa ɔnate so Nyameɛ dumaa ne ngyerɛkyerɛ ne nwo angua fiɛ.

Maenbulɛfoɛ 18:6

Na ɔsɔfo ne buale bɛ kyɛ, “Ɛmɔhɔ asomdwee nu. Atee bɔ ɛmɔkɔ ye, AWURADE gyi ɛmɔ si.”

1 Samuel 1:17

Yeɛ Eli sele kyɛ, “Fa asomdwee kɔ, na abisadeɛ bɔ afa ato Yisrael Nyameɛ nyunu ne, mesrɛ kyɛ ɔ́yɔ ma wɔ.”