Ɛksadɔso 4:15 - AHYERƐLƐ KRONGRON

¹⁵ Ka edwirɛ ne kyire ye, ná fa edwirɛ ne tua ye noa; na ngɔmaa ɛne ye ɛmɔ noa kodwu dwaa nu, ná mahyire ɛmɔ bɔ ɛmɔhã ɔ.

Ɛksadɔso 4:15 Iomraidhean Croise

2 Samuel 14:3

Afei kɔ Nana Dawide berɛ kɔha edwirɛ bɔ mebaaha mekyire wɔ ne kyire ye.” Na Yoabo fale edwirɛ ne tuale braa ne noa.

Edwein 25:12

Nwa yeɛ ɔte sona bɔ osuro AWURADE ɔ? Ye yeɛ AWURADE kohyire ye atee bɔ odi kyɛ ɔfa so ɔ.

Edwein 51:15

Ao AWURADE, bukye me noa, na ngɔfa me noa ngɔbɔ dawure ngɔye wɔ ayɛ.

Ɛksadɔso 3:12

Na Nyameɛ sele ye kyɛ, “Ngoli wɔ si. Na bɔ okohyire kyɛ me yeɛ mésoma wɔ ɛhe: sɛ ɛye maen ne fi Misraim ba a, sɔ bokaa he aso yeɛ ɛmɔkɔsɔne Nyameɛ ɔ.”

Ɛksadɔso 4:12

Yiti kɔ, na ngɔma wɔ noa kɔte ná mahyire wɔ bɔ ɛha ɔ.”

Ɛksadɔso 4:28

Mose fale AWURADE dwirɛ bɔ wafa wasoma ye ne amukoraa, ɔne nzɛngyerɛnneɛ bɔ wahyɛ ye kyɛ ɔyɔ ne nwo amaneɛ bɔle Aarɔn.

Ɛksadɔso 4:30

Aarɔn fale edwirɛ amukoraa bɔ Nyameɛ aha ahyire Mose ne tole dwaa, na ɔyɔle nzɛngyerɛnneɛ ne wɔ mmenia ne nyunu berɛ.

Yesaya 51:16

Mafa me dwirɛ matua wɔ noa, mafa wɔ mafea me sa bo fɔnwoo nu, matrɛtrɛ ewienu nu, yeɛ mato aseɛ fapem, na mahã mahyire Sion kyɛ, ‘Ɛte me maen.’ ”

Yesaya 59:21

“Na me de, m’apam bɔ me ne bɛ yayɛ hɔ ɛne, AWURADE noa dwirɛ ɛne: Me sunzum bɔ ɔwɔ wɔ so, yeɛ me dwirɛ bɔ mafa matua wɔ noa ne, ɛngɔyakyi ye hanɛ, wɔ bosofoɛ ngɔyakyi ye hanɛ, yeɛ wɔ bosofoɛ bɛ bosofoɛ ngɔyakyi ye hanɛ, ofi ɛnɛ bɔ ɔkwaadwu afebɔɔ ɔ, AWURADE noa dwirɛ ɛne.”

Yeremia 1:9

Afei, AWURADE tengyɛle ye sa fa hane me noa. Na AWURADE sele me kyɛ, Tie, mafa me dwirɛ matua wɔ noa.

Yeremia 36:32

Yeɛ Yeremia fale nwomaa bɔ babobɔ ɔ foforɛ, na ɔfa mane ahyerɛlɛniɛ Baruku bɔ ye baba ole Neria ne. Ye yeɛ Yeremia hane nwomaa ko bɔ Yuda hene Yehoakim fale see yerale ye ne anu dwirɛ amukoraa maa ɔhyerɛle ɔ, na ɔfale edwirɛ bɔ ɔte kyɛ sɔ dwirɛ nemɔ ɔ pee bokale so.

Numeri 16:28

Yeɛ Mose sele kyɛ, “Ɛhe yeɛ ɔkɔmaa ɛmɔkonwu kyɛ AWURADE yeɛ wasoma me kyɛ mmanyɔ sɔ nningyein he amu ɔ; na mmom nna me bɔbɔ yeɛ medi me ti piri ɔ.

Numeri 22:38

Balaam buale Balake kyɛ, “Kekesaala ye, mawa, nakoso atee nne berɛ kyɛ meka bɔ me bɔbɔ mekuro ɔ. Edwirɛ bɔ Nyameɛ kɔfa kotua me noa ne, ye ala yeɛ odi kyɛ meka ɔ.”

Numeri 23:12

Balaam buale kyɛ, “Aso nna bɔ AWURADE afa atua me noa yeɛ odi kyɛ menea meka ye yé ɔ?”

Numeri 23:16

AWURADE yele ye nwo ali hyirele Balaam, na ɔfale edwirɛ tuale ye noa kyɛ, “Sá kɔ Balake dɔ, na edwirɛ he yeɛ odi kyɛ ɛkã ɔ.”

Numeri 23:5

Na AWURADE fale edwirɛ tuale Balaam noa kyɛ, “Sa kɔ Balake dɔ, na edwirɛ he yeɛ odi kyɛ ɛkã ɔ.”

Mateo 28:20

ná ɛmɔhyirehyire bɛ maa beli nikyee biala bɔ mahyɛ ɛmɔ ne aso. Na ɛ́mɔtie, me ne ɛmɔ wɔ berɛ mmerɛ biala kodwu ewiase ayieleɛ.”

Luka 21:15

ofikyɛ me yeɛ ngɔma ɛmɔ noa ne nworɛ, bɔ ɛmɔ pɔfoɛ amukoraa bɛngɔhora ngotu ngogua anaa bɛngɔhora ngogyina ye noa ɔ.

1 Korintofoɛ 11:23

Ofikyɛ, bɔ nya mvili Awurade berɛ ne yeɛ me koso mva mane ɛmɔ ɔ: kyɛ, kɔngɔen ne bɔ bɛyele Awurade Yesu bɛmane ne, ɔfale paanoo,

1 Korintofoɛ 15:1

Aliɛmaa mɔ, afei mekaye ɛmɔ nzɛmba bɔ nga ngyirele ɛmɔ, bɔ ɛmɔle bɛtole nu, ná ɛmɔ (gyidie) gyi so ne.

Deuteronomi 18:18

Ngɔye ngɔmhyɛlɛniɛ bɔ ɔte kyɛ wɔ, bɔ ofi b’eliɛma nemɔ anu ngɔma bɛ. Ngɔfa me dwirɛ ngotua ngɔmhyɛlɛniɛ ne noa, na ɔkɔha bɔ ngɔhyɛ ye kyɛ ɔha ne amukoraati kohyire bɛ.

Deuteronomi 5:31

Nakoso wɔ de, gyina me nwo wa, na ngɔhã mmeraa dwirɛ ne ahyɛdeɛ ne nhyehyɛleɛ mukoraa bɔ ɛkɔfa kohyirehyire bɛ ɔ ngohyire wɔ, amaa ɔnate so bali so wɔ aseɛ bɔ méfa memaa ɔyɛ bɛ deɛ ne aso.’

1 Samuel 16:3

To wɔ sa frɛ Yese maa ɔbra afɔleɛ ne abo, na me bɔbɔ ngohyire wɔ nikyee bɔ odi kyɛ ɛyɔ ɔ. Sona bɔ ngohyire wɔ ne, fa ɛpopalɛ ngoo gua ye ti so ma me.”