Ɛksadɔso 4:13 - AHYERƐLƐ KRONGRON

¹³ Nakoso Mose sele kyɛ, “Yieee! AWURADE, mesrɛ wɔ ala, soma sona foforɛ.”

Ɛksadɔso 4:13 Iomraidhean Croise

Gyenesise 24:7

Ofikyɛ AWURADE, nyameɛso Nyameɛ bɔ ɔfale me fili me baba awuro, ɔne aseɛ bɔ bɛwole me wɔ so ne, odwudwo hyirele me, na ɔtale ndaen hyirele me kyɛ, ‘Wɔ bosofoɛ yeɛ ngɔfa sɔ aseɛ he ngɔma bɛ ɔ.’ Na ye ala yeɛ ɔkɔsoma ye abɔfo maa okoli wɔ nyunu ɔ, ná aagya braa dɔ abrɛ mma ne ɔ.

Gyenesise 41:35

Maa bɛboaboa sɔ afoɛ bɔ aleɛ kobu ne anu aleɛ mukoraa noa. Nana, ma bɛ tumi maa bɛ́fa aburoo ne bégua pata so besie wɔ nguro nemɔ anu, na bɛ́bɔ ye nwo waen.

Gyenesise 48:16

abɔfo bɔ aye me afi musue mukoraa nu ɔ, yira mmɛɛmaa ye; maa ɔnate bɛ so, me dumaa, ɔne me mbanyi mɔ Abraham ne Yisake dumaa otira ndii; ma bɛ boso ama bɛsone na bɛyɛ pee wɔ aseɛ ye aso.”

1 Ahemvo 19:4

Nakoso Elia bɔbɔ de, ɔpɛle atee bɔ bɛfa ɛlɛho yeɛ bɛpɛ ɔ hɔle ɛserɛ so, na ɔɔtenane tanure bie abo. Ɔyɛle ye adwene kyɛ owuli po ahaa okuro. Ɔhane kyɛ, “Afei de wayɛ yé, ao AWURADE, ku me pɛen ko, na nnde paa mendra me nana mɔ.”

Ɛksadɔso 23:20

“Tie, mésoma abɔfo maa odi wɔ nyunu, maa ɔbɔ wɔ nwo waen fa wɔ kɔ nekaa bɔ masiesie ne.

Ɛksadɔso 4:1

Na Mose buale kyɛ, “Sɛ banne me banni, anaakyɛ bandie me dwirɛ, ná bɛka kyɛ, ‘AWURADE anye ye nwo ali wangyire wɔ huu’ ɛ?’ ”

Ɛksadɔso 4:12

Yiti kɔ, na ngɔma wɔ noa kɔte ná mahyire wɔ bɔ ɛha ɔ.”

Ɛksadɔso 4:14

Afei AWURADE fɛle Mose so yaa maa ɔhane kyɛ, “Eliɛma Aarɔn, bɔ ɔte Lewiniɛ ne, ɔnne berɛ hɔ ɔ? Mese kyɛ ye noa ate. Tie, wasi nu ɔbaayia wɔ, na sɛ onwu wɔ a, ɔkɔyɛ ye fɛ soma.

Yeremia 1:6

Yeɛ ngane kyɛ, “Yieee, AWURADE Nyameɛ! Nahorɛ nu, menze dwudwo, ofikyɛ nde akwadaa.”

Yeremia 20:9

Sɛ mekã kyɛ, “Mengɔkaye ye ko, anaa mengodwudwo wɔ ye dumaa nu ko” a, né ye dwirɛ ne ayɛ m’ahone nu kyɛ see bɔ ogye wɔ me mmowue nu ɔ. Mahyɛ me nwo so mafɛ, nakoso mengora.

Yona 1:3

Nakoso Yona dwɔsole kyɛ ɔnwati fi AWURADE nyunu ɔkɔ Tasise. Ɔhɔle Yopa, na onwuni ɛlɛen bie bɔ ɔkɔ Tasise ɔ. Yiti otuale ye ɛlɛen sikaa ne, na ɔfo ɔtenane nu kyɛ ɔnwati fi AWURADE nyunu ɔne bɛ kɔ Tasise.

Yona 1:6

Yiti ɛlɛenhanɛfoɛ nemɔ so panyi ne wale ye berɛ oosele ye kyɛ, Hei! Wɔ bɔ alafe hatee ɔ, nzikyɛ yeɛ ɛpena kyire ye? Dwɔso, sũ frɛ wɔ nyameɛ, na ebiaa nyameɛ ne kɔdwene yɛ nwo ná yanwuwu.

Mateo 13:41

Sona Awa ne kɔsoma ye abɔfo mɔ, na bɛkɔboaboa bɔ ɔte sundidua amukoraa ne bɔnefoɛ amukoraa bekofi ye ahennie ne anu;

Yohane 6:29

Na Yesu buale bɛ kyɛ, “Bɔ ɔte Nyameɛ adwuma ɛhe, kyɛ ɛmɔkole bɔ wasoma ye ne bekoli ɔ.”

Maenbulɛfoɛ 2:1

Afei AWURADE abɔfo fili Gilgal hɔle Bokim oosele Yisraelfoɛ kyɛ, “Me yeɛ nyele ɛmɔ mvili Misraim, ná mvale ɛmɔ mmale aseɛ bɔ mva nhyɛle ɛmɔ nana mɔ bɔ ne aso ɔ. Ngane kyɛ, ‘Mengobu apam bɔ me ne ɛmɔ yayɛ ne aso le.