Ɛksadɔso 4:12 - AHYERƐLƐ KRONGRON

¹² Yiti kɔ, na ngɔma wɔ noa kɔte ná mahyire wɔ bɔ ɛha ɔ.”

Ɛksadɔso 4:12 Iomraidhean Croise

Edwein 105:26

Ɔsomane ye somvoɛ Mose, yeɛ Aarɔn bɔ ɔneaneane nu yele ye ne.

Edwein 143:10

Kyirekyire me maa nyɔ w’apɛdeɛ, ofikyɛ wɔ yeɛ ɛte me Nyameɛ ɔ. Ma wɔ Sunzum paa ne oli me nyunu, maa ɔfa me fa atimbire frɛtɛɛ so.

Edwein 32:9

Nnɛma ɛmɔyɛ kyɛ pɔngɔ anaa afunum bɔ olle nimdeɛ, bɔ odi kyɛ ɛfa nyamaa ne buralɛ ewura ye noa nu koraka né watena wɔ nwo ɔ.

Ɛksadɔso 3:12

Na Nyameɛ sele ye kyɛ, “Ngoli wɔ si. Na bɔ okohyire kyɛ me yeɛ mésoma wɔ ɛhe: sɛ ɛye maen ne fi Misraim ba a, sɔ bokaa he aso yeɛ ɛmɔkɔsɔne Nyameɛ ɔ.”

Ɛksadɔso 4:13

Nakoso Mose sele kyɛ, “Yieee! AWURADE, mesrɛ wɔ ala, soma sona foforɛ.”

Ɛksadɔso 4:15

Ka edwirɛ ne kyire ye, ná fa edwirɛ ne tua ye noa; na ngɔmaa ɛne ye ɛmɔ noa kodwu dwaa nu, ná mahyire ɛmɔ bɔ ɛmɔhã ɔ.

Ɛksadɔso 4:16

Okogyina wɔ gya nu kodwudwo kohyire mmenia ne, wɔ noa dwirɛ kotua ye noa, ná wɔ wora ayɛ kyɛ Nyameɛ ama ye.

Yesaya 49:2

Ɔmane me noa dwirɛ yɛle kyɛ ngrandɛ nnaennaen, ɔfale me feale ye sa bo fɔnwoo nu, ɔfale me yɛle agyaen anoa tworɔntworɔn, na ɔfale me siele ye ndokue nu.

Yesaya 50:4

AWURADE Nyameɛ ama me suaniɛ ye noa bɔ bɛfa bedwudwo ɔ, kyɛ nwu edwirɛ bɔ ɔfata ɔ, bɔ ngɔhã ngɔkyekye sona bɔ wafɛ ɔ ye wora ɔ. Ngyerɛmɔ biala, otingye me maa me so te dwirɛ, kyɛ mva ndie, kyɛ bɛ bɔ banya nimdeɛ ne ala.

Yeremia 1:9

Afei, AWURADE tengyɛle ye sa fa hane me noa. Na AWURADE sele me kyɛ, Tie, mafa me dwirɛ matua wɔ noa.

Numeri 16:28

Yeɛ Mose sele kyɛ, “Ɛhe yeɛ ɔkɔmaa ɛmɔkonwu kyɛ AWURADE yeɛ wasoma me kyɛ mmanyɔ sɔ nningyein he amu ɔ; na mmom nna me bɔbɔ yeɛ medi me ti piri ɔ.

Marko 13:11

Na sɛ bɛkye ɛmɔ bɛfa ɛmɔ bɛkɔ badwa nyunu a, nnɛma ɛmɔdi moa bɛdwenedwene bɔ ɛmɔkɔhã ɔ nwo. Na bɔ bɛkɔfa bɛkɔma ɛmɔ sɔ mmerɛ ne ala nu ne, ye ala yeɛ odi kyɛ ɛmɔkã ɔ; ofikyɛ nna ɛmɔ yeɛ ɛmɔdwudwo ɔ, na mmom Sunzum Krongron ne ɔ.

Luka 11:1

Na ɔwale kyɛ, né Yesu wɔ nekaa bie ɔbɔ mbaeɛ, na oyiele nen, ye asuafoɛ nemɔ anu ko sele ye kyɛ, “Awurade, kyire yɛ mbaeɛbɔlɛ, kyɛbɔ Yohane koso ohyirele ye asuafoɛ nemɔ ne.”

Yohane 14:26

Na Aworakyekyerɛniɛ ne, bɔ ye ole Sunzum Krongron ne, bɔ Baba ne kɔsoma ye wɔ me dumaa nu ne, ye yeɛ okohyirehyire ɛmɔ nikyee biala ɔ, na ɔkɔkaye ɛmɔ bɔ mahã mahyire ɛmɔ ne amukoraa.

Ɛfesofoɛ 6:19

yeɛ ɛ́mɔsrɛ bɛ́ma me koso, amaa sɛ mebukye me noa kyɛ medwudwo a, bama me dwirɛ bɔ nga ɔ, ná mahora masi m’ahone mabɔ nzɛmba ne anu mvealeɛ nu dwirɛ ne dawure;

Deuteronomi 18:18

Ngɔye ngɔmhyɛlɛniɛ bɔ ɔte kyɛ wɔ, bɔ ofi b’eliɛma nemɔ anu ngɔma bɛ. Ngɔfa me dwirɛ ngotua ngɔmhyɛlɛniɛ ne noa, na ɔkɔha bɔ ngɔhyɛ ye kyɛ ɔha ne amukoraati kohyire bɛ.