Ɛksadɔso 4:10 - AHYERƐLƐ KRONGRON

¹⁰ Na Mose sele AWURADE kyɛ, “Mesrɛ wɔ, AWURADE. Ofi me tetetete bɔ ɔbaadwu ɛnɛ bɔ ɛne w’akoaa bedwudwo ye, nnde sona bɔ ye noa ate ɔ; me dwudwolɛ te nyaanyaa, na me temverema abutu.”

Ɛksadɔso 4:10 Iomraidhean Croise

YOB NWOMAA NE 12:2

“Ɔnyɛ nwanwa! Ɛmɔ yeɛ mmenia noa dwirɛ tua ɛmɔ noa ɔ, na ɛmɔwu a, né nworɛ bo apɛ.

Ɛksadɔso 3:11

Nakoso Mose bisale Nyameɛ kyɛ, “Me ole nwa bɔ mékɔ Faro berɛ mekɔye Yisraelfoɛ mefi Misraim ɔ?”

Ɛksadɔso 4:1

Na Mose buale kyɛ, “Sɛ banne me banni, anaakyɛ bandie me dwirɛ, ná bɛka kyɛ, ‘AWURADE anye ye nwo ali wangyire wɔ huu’ ɛ?’ ”

Ɛksadɔso 6:12

Nakoso Mose buale AWURADE kyɛ, “Yisraelfoɛ po bandie me, ɔkɔyɛ sɛɛ né Faro atie me, me bɔ me noa ɔttele ɔ?”

Ɛksadɔso 6:30

Nakoso Mose buale AWURADE wɔ ye nyunu berɛ kyɛ, “Yieee! Me noa ɔttele, ɔkɔyɛ sɛɛ né Faro atie me dwirɛ?”

Yeremia 1:6

Yeɛ ngane kyɛ, “Yieee, AWURADE Nyameɛ! Nahorɛ nu, menze dwudwo, ofikyɛ nde akwadaa.”

Mika 6:4

Ofikyɛ nyele wɔ mvili Misraim aseɛ so mmale, mbɔle wɔ mvili ngoaasolɛ nu, na nzomane Mose, Aarɔn ne Miriam maa belili wɔ nyunu.

Asomafoɛ 7:22

Bɛfale Misraim nworɛ amukoraa yeɛ bɛtetele Mose ɔ, na onyane nimdeɛ wɔ ye dwudwolɛ ne ye brabɔlɛ nu.

2 Korintofoɛ 10:10

ofikyɛ mmenia kekã kyɛ, “Ye ngrataa te anwunanwuna na nu sa yɛ se, nakoso sɛ ɔba wa a, ye noa yɛ mmerɛ, yeɛ ye noa dwirɛ koso mbɛ asue.”

2 Korintofoɛ 11:6

Na sɛ me noa yeɛ ɔttele po a, nimdeɛ nu de mebɔ mmɔden; na nikyee biala nu yala ɛhe ali yahyire ɛmɔ wɔ atee biala so.