Ɛksadɔso 4:1 - AHYERƐLƐ KRONGRON

¹ Na Mose buale kyɛ, “Sɛ banne me banni, anaakyɛ bandie me dwirɛ, ná bɛka kyɛ, ‘AWURADE anye ye nwo ali wangyire wɔ huu’ ɛ?’ ”

Ɛksadɔso 4:1 Iomraidhean Croise

1 Ahemvo 13:3

Sɔ kyẽa ne ala, ngɔmhyɛlɛniɛ ne hyirele sɛngyerɛnneɛ bie bɔ okosi ɔ. Ɔnwa, “Ɛhe ole sɛngyerɛnneɛ bɔ okyire kyɛ AWURADE yeɛ wadwudwo ɔ: Afɔleɛ bokyea ne, okobubu. Na afei, so nzoen ne koso, okohwie kogua ase.”

Ɛksadɔso 2:14

Na obuale kyɛ, “Nwa yeɛ ɔyɛle wɔ yɛ so panyi ne ndɛenbualɛniɛ ɔ? Ɛpena kyɛ eku me kyɛbɔ ehuni Misraimniɛ ne anaa?” Yiti edwirɛ ne mane Mose surole, na ɔhane ye ye ti anu kyɛ, “Eh, edwirɛ ne afite amba!”

Ɛksadɔso 3:15

Nyameɛ sa sele Mose kyɛ, “Kã kyire Yisraelfoɛ kyɛ, ‘AWURADE ɛmɔ nana mɔ Nyameɛ ne, Abraham Nyameɛ ne, Yisake Nyameɛ ne, Yakob Nyameɛ ne yeɛ wasoma me ɛmɔ berɛ ɔ.’ Me dumaa bɔ ɔwɔ berɛ afebɔɔ hɔ ɛne, na ɛhe yeɛ aworɛ ndoatoasoɛ mukoraa bɛkɔfa bɛkɔfrɛ me ɔ.

Ɛksadɔso 3:16

Kɔ! Kɔboaboa Yisrael mbanyi mɔ noa, ná kã kyire bɛ kyɛ, ‘AWURADE ɛmɔ nana mɔ Nyameɛ ne, Abraham Nyameɛ ne, Yisake Nyameɛ ne, Yakob Nyameɛ ne, waye ye nwo ali wahyire me. Ɔnwa: ‘Maanea ɛmɔ, na manwu nikyee bɔ bɛfa bɛyɔ ɛmɔ wɔ Misraim ne.

Ɛksadɔso 3:18

“Bekotie wɔ dwirɛ, na ɛne Yisrael mbanyi bɛhɔ Misraim hene berɛ beese ye kyɛ, ‘AWURADE, Hebrifoɛ Nyameɛ ne, ɔne yɛ ayia. Yiti yɛsrɛ wɔ, ma yɛ ate ma yɛhɔ atee bɔ bɛfa ɛlɛsa bɛpɛ ɔ wɔ ɛserɛ so, ná yɛɛbɔ afɔleɛ yɛma AWURADE yɛ Nyameɛ ne.’

Ɛksadɔso 4:10

Na Mose sele AWURADE kyɛ, “Mesrɛ wɔ, AWURADE. Ofi me tetetete bɔ ɔbaadwu ɛnɛ bɔ ɛne w’akoaa bedwudwo ye, nnde sona bɔ ye noa ate ɔ; me dwudwolɛ te nyaanyaa, na me temverema abutu.”

Ɛksadɔso 4:30

Aarɔn fale edwirɛ amukoraa bɔ Nyameɛ aha ahyire Mose ne tole dwaa, na ɔyɔle nzɛngyerɛnneɛ ne wɔ mmenia ne nyunu berɛ.

Ɛksadɔso 4:31

Mmenia ne le lili. Na bɛtele kyɛ AWURADE aapasa Yisraelfoɛ nwo, ná wanwu b’amaneɛnwunɛ nen, bɛbɔle bɛ ti ase bɛsɔnene ye.

Ɛksadɔso 6:12

Nakoso Mose buale AWURADE kyɛ, “Yisraelfoɛ po bandie me, ɔkɔyɛ sɛɛ né Faro atie me, me bɔ me noa ɔttele ɔ?”

Ɛksadɔso 6:30

Nakoso Mose buale AWURADE wɔ ye nyunu berɛ kyɛ, “Yieee! Me noa ɔttele, ɔkɔyɛ sɛɛ né Faro atie me dwirɛ?”

Yeremia 1:6

Yeɛ ngane kyɛ, “Yieee, AWURADE Nyameɛ! Nahorɛ nu, menze dwudwo, ofikyɛ nde akwadaa.”

Hesekiel 3:14

Sunzum ne mane me so fale me hɔle, na ngɔle ye yealɛlilɛ nu, ɔne sunzum nu anyeborolɛ so, na né AWURADE tumi ne wɔ me so paa.

Asomafoɛ 7:25

Né Mose dwene kyɛ ye bɔbɔ ye mmenia nemɔ konwu ye kyɛ Nyameɛ baafa ye so ode bɛ, nakoso bannwu ye sɔ.

Maenbulɛfoɛ 6:17

Yeɛ Gideon sele AWURADE kyɛ, “Sɛ anya alo me de a, né nzaade maa nwu sɛngyerɛnneɛ bɔ okyire kyɛ wɔ yeɛ ɛne me dwudwo ye.