Ɛksadɔso 39:21 - AHYERƐLƐ KRONGRON

²¹ Bɛfale nyamaa bibire bɛkyekyele ahone so aguasoɛ nu kaa nemɔ bɛsosɔle ɔsɔfo ataadeɛ nu kaa nemɔ; yiti ɔsosɔle ɔsɔfo ataadeɛ abɔsoɛ bɔ bali adwii bagua nu ne anu, na ahone so aguasoɛ ne amburo amvi ɔsɔfo ataadeɛ ne aso, kyɛbɔ AWURADE hyɛle Mose nen.

Ɛksadɔso 39:21 Iomraidhean Croise

Ɛksadɔso 25:7

nyɔboɛ bɔ bɛfrɛ ye onike, mbembenanneɛ bɔ bɛfa bɛteta ɔsɔfo ataadeɛ nu, ɔne ye ahone so aguasoɛ nu ɔ.

Ɛksadɔso 28:8

Ye abɔsoɛ bɔ bali adwii bagua nu ne, ɔsɛ kyɛ nningyein komapɛ ne ala yeɛ bɛfa bɛyɔ ɔ: sikaa kɔkorɛ, bibire, koogyan, adaabene ne gyese.

Ɛksadɔso 39:20

Bɛbɔle sikaa kɔkorɛ kaa nyɔ bieku, na bɛfa bewurawurale ɔsɔfo ataadeɛ ne nyunu, wɔ ye bati so nyamaa nyɔ ne anu, wɔ ye aseɛnwo, bɔ opingye ye mbaleɛ so, wɔ ɔsɔfo ataadeɛ abɔsoɛ bɔ bali adwii bagua nu ne anwuro.

Ɛksadɔso 39:22

Osa fale nyamaa bibire ngome nwone ɔsɔfo ataadeɛ aguasoɛ tendenn ne.

Mateo 16:24

Na Yesu sele ye asuafoɛ nemɔ kyɛ, “Sɛ ebie kuro kyɛ odi me si a, maa ɔpa ye nwo si, ná ɔfa ye mmeamudua, ná oli me si.

1 Korintofoɛ 1:25

Ɔnate kyɛ Nyameɛ nhyehyɛleɛ bɔ bebu ye ngwaseasɛm ne, nworɛ wɔ nu tra adasammaa nworɛ; yeɛ bɔ bebu ye kyɛ ɔte Nyameɛ mmerɛyɛlɛ nen, anwoserɛ wɔ nu tra adasammaa anwoserɛ.

1 Korintofoɛ 1:27

Nakoso Nyameɛ fale bɔ ewiase bu ye kyɛ ɔte ngwaseasɛm ne kyɛ ɔfa gua ewiase nworɛfoɛ nyunu ase; na ɔfale bɔ ewiase bu ye kyɛ ɔyɛ mmerɛ ne, kyɛ ɔfa gua anwoserɛfoɛ nyunu ase,