Ɛksadɔso 38:3 - AHYERƐLƐ KRONGRON

³ Ɔyɔle afɔleɛ bokyea ne nwo nningyein amukoraati: ngukue mɔ, sofi mɔ, ayaa mɔ, ateɛ anoa tworɔntworɔn mɔ, ɔne ye ngukue bɔ bɛfa see begua nu ɔ. Kɔɔbere yeɛ ɔfa yɔle ye nwo nningyein ne amu ɔ.

Ɛksadɔso 38:3 Iomraidhean Croise

2 Aberɛso Dwirɛ 4:16

Ngukue nemɔ, sofi nemɔ, ateɛ anoa tworɔntworɔn nemɔ, ɔne nningyein amukoraa bɔ adwiililɛ hene Huram yɔ mane Nana Solomon maa ɔfa siesiele AWURADE awuro berɛ ne, ɔfale kɔɔbere bɔ wahwi ye nwo hyɛmhyɛm yeɛ ɔyɔle ɔ.

2 Aberɛso Dwirɛ 4:2

Afei ohurole kɔɔbere fa yɔle nzim ne. Ofi ye noa kɔka ye noa ne, ɔte agyirɛ buru, yeɛ nu kuronn te agyirɛ nnu. Sɛ ɛfa ye nwo amukoraa bra yia a, ɔte agyirɛ aburasa.

Ɛksadɔso 27:3

Fa kɔɔbere yɔ ye nwo nningyein hemɔ amukoraati: ngukue mɔ, ye sofi mɔ, ayaa mɔ, ateɛ anoa tworɔntworɔn mɔ, ɔne ngukue bɔ bɛfa see bekogua nu ɔ.

Ɛksadɔso 38:2

Ɔyɔle mmɛen fa tuatuale ye ndweaso nna ne aso. Ye mmɛen nemɔ, ɔfale sɔ bakaa kundunzii komapɛ ne ala yeɛ ɔyɔle ɔ, na ɔfale kɔɔbere borole ye anwo.

Ɛksadɔso 38:4

Ɔfale kɔɔbere nwone afɔleɛ bokyea ngandanganda bɔ ɔbeabea nu ne, wɔ ye simbini ne abo, fite aseɛnwo kodwu ye afia.

1 Samuel 2:13

asɔfo asɛdeɛ bɔ bɛyɔ bɛma maen ne koso, né bɛtoto ye ase. Sɛ ebie ba bɔ afɔleɛ, ná naen ne gyi see so a, ɔyɛ a somvoɛ bɔ ɔso ɔsɔfo ne, ɔfa ateɛ anoa tworɔntworɔn bie tira ba,