Ɛksadɔso 38:21 - AHYERƐLƐ KRONGRON

²¹ Nyianu sua ne nwo nningyein ne, ye nwo ngondaa ɛhe: mekyire adanzeɛ ɛtena sua bɔ ɔsɔfo Aarɔn awa Yitama neane Lewifoɛ mɔ so maa bɛhyerɛ bɛtole berɛ, kyɛbɔ Mose hyɛle ne.

Ɛksadɔso 38:21 Iomraidhean Croise

1 Aberɛso Dwirɛ 6:3

Amram mma ole Aarɔn, Mose ne Miriam. Aarɔn mma mmienzua ole Nadabo, Abihu, Eleasa ne Yitama.

2 Aberɛso Dwirɛ 24:6

Yiti Nana Yoase tole ye sa frɛle ɔsɔfo Yehoada bɔ ɔla bɛ noa ne, na obisale ye kyɛ, “Ɛtoɔ bɔ AWURADE somvoɛ Mose pɛ tole berɛ mane Yisraelfoɛ kyɛ bɛfa bɛyɔ apam ɛtena sua ne anwo adwuma ne, nzu ati yeɛ amma Lewifoɛ mɔ bannide bamvi Yuda ne Yerusalem ne?”

YOB NWOMAA NE 11:4

Ofikyɛ ɛnwa: ‘Me ngyerɛkyerɛ te sannwuu, na me nwo te wɔ Nyameɛ nyunu.’

YOB NWOMAA NE 22:23

Sɛ esa kɔ Tuminiɛ ne berɛ a, ɔkɔmaa ekosa kɔpe wɔ daa nu; sɛ etu bra fiɛ bo efi w’awuro kɔ dededede a,

YOB NWOMAA NE 26:1

Yeɛ Yob buale kyɛ,

Edwein 15:1

Ao AWURADE, nwa yeɛ okosikye wɔ tena sua ne anu ɔ? Nwa yeɛ ɔkɔtena wɔ bokaa krongron ne aso ɔ?

Ɛksadɔso 25:16

Fa Adanzeɛ bɔ mebaafa mema wɔ ne to alaka ne anu.

Ɛksadɔso 26:33

Fa mbɛmuɛ tena ne sinze tɔkorɔ nemɔ aso, ná fa Adanzeɛ alaka ne sie mbɛmuɛ tena ne asi. Mbɛmuɛ tena ne yeɛ okonwi nekaa krongron ne ɔne krongron nu krongron ne b’afia kɔma wɔ ɔ.

Ɛksadɔso 38:20

Nyianu sua ne, ye nwo pɛmbɛen, ɔne aluo berɛ pɛmbɛen amukoraati te kɔɔbere.

Ɛksadɔso 38:22

Besalel bɔ ɔse ole Yuri, bɔ ye koso ɔse ole Hure, bɔ ofi Yuda abusua kure nu ne, ɔyɔle nikyee biala bɔ AWURADE hyɛle Mose ne.

Ɛksadɔso 40:3

Fa Adanzeɛ alaka ne sie nu, ná fa mbɛmuɛ tena ne nwi alaka ne nyunu.

Ɛksadɔso 6:23

Aarɔn gyale Aminadabo awa brasua Elihyeba bɔ oliɛma ole Nason ne. Na ɔne ye bɛwole Nadabo, Abihu, Eleasa ne Yitama.

Numeri 1:50

Na mmom, adanzeɛ ɛtena sua ne, nu nningyein amukoraa, ɔne ye nwo nikyee biala, odi kyɛ ɛye Lewifoɛ maa bɛnea so. Odi kyɛ bɛsoa nyianu sua ne, ɔne nu nningyein amukoraa, ná bɛ́nea so, ná bɛkyekye b’asikyeleɛ bɛ́pɛ ye nwo bɛbra beyia.

Numeri 1:53

nakoso Lewifoɛ mɔ de, odi kyɛ besi b’asikyeleɛ maa ɔbra adanzeɛ ɛtena sua ne anwo yia, amaa ɔnate so AWURADE yaafɛlɛ piri ne wamma Yisraelfoɛ so. Odi kyɛ Lewifoɛ mɔ bɛbɔ adanzeɛ ɛtena sua ne anwo waen.”

Numeri 10:11

Befili Misraim ne, afoɛ bɔ ɔtɔ so nyɔ ne, ye bosome bɔ ɔtɔ so nyɔ ne, ye kyẽa bɔ ɔtɔ so aburanyɔ ne, munungum ne mane ye nwo so fili adanzeɛ ɛtena sua ne aso.

Numeri 18:2

Yiti fa eliɛma mɔ bɔ bɛte wɔ nana Lewi abusua kure nu ama ne bra maa bɛɛboka wɔ so, ná bɛso wɔ mmerɛ bɔ yeɛ ɛne wɔ mma mɔ ɛmɔwɔ apam ɛtena sua ne anyunu ɔ.

Numeri 24:5

O Yakob, wɔ ɛtena sua mɔ yɛ nyemene, O Yisrael, w’atenaleɛ mɔ yɛ nyemene!

Numeri 9:15

Kyẽa bɔ besili nyianu sua ne, munungum ne munduni nyianu sua bɔ ɔte adanzeɛ ɛtena sua ne aso, fi nɔsoa maa oodwuli ngyerɛmɔ. Né munungum ne sue te kyɛ see, na omunduni nyianu sua ne aso.

Mateo 17:4

Na Petro sele Yesu kyɛ, “Awurade, ɔte paa kyɛ yɛtena wa ɔ; na sɛ ekuro a, ngɔbɔ asese nza wɔ wa, wɔ deɛ ko, Mose deɛ ko, yeɛ Elia deɛ ko.”

Asomafoɛ 7:44

“Né yɛ nana mɔ le ɛtena sua wɔ ɛserɛ ne aso bɔ okyire kyɛ Nyameɛ ne bɛ bɛwɔ berɛ ɔ. Na kyɛbɔ Nyameɛ hyɛle Mose kyɛ ɔyɔ ɛtena sua nen, kyɛbɔ osi nwuni ye ne ala yeɛ ɔyɔle ye ɔ.

2 Korintofoɛ 5:1

Na yɛse kyɛ sɛ yɛ aseɛ ye aso ɛtena sua ne sɛkye a, yɛkonya awuro bɔ ofi Nyameɛ berɛ, bɔ nna sona yeɛ osili ɔ, bɔ ɔwɔ nyameɛso afebɔɔ.

Hebrifoɛ 8:2

Na odi ye sɔfo ne wɔ nekaa krongron ne anu, ɔne ɛtena sua kaenn bɔ nna dasaniɛ, na mmom Awurade yeɛ osili ɔ nu.

Hebrifoɛ 9:11

Nakoso Kristo de, wawa kyɛ nningyein paa bɔ ɔbaawa ne nwo sɔfo panyi paa, na wafa ɛtena sua bɔ ɔte titire na odi mu tra so ɔ nu. Ɛhe de, nna kuro sona yeɛ osili ɔ, yeɛ ɔbboka ewiase abɔdeɛ so koso,

2 Petro 1:13

Na mmerɛ bɔ nwɔ ɛtena sua ye anu ye de, menea a, ɔte paa kyɛ ngɔbɔ ɛmɔ so maa ɔkɔkanyane ɛmɔ ɔ,

Nyekyire 11:19

Afei bebukyele Nyameɛ asɔneyɛɛ sua ne wɔ nyameɛso, na benwuni ye apam alaka ne wɔ asɔneyɛɛ sua ne anu. Na agralaa tetele, komviɛ mɔ, ɔbobɔle nu kurudududu, aseɛ wosole, na asukɔtwea tɔle piri paa.

Nyekyire 15:5

Na ɛhemɔ asi ne, nneane, na nwuni kyɛ babukye adanzeɛ ɛtena sua asɔneyɛɛ sua ne wɔ nyameɛso.

Nyekyire 21:3

Na ndele kyɛ komviɛ piri bie fi ahennie bia ne anu ɔkã kyɛ, “Tie, Nyameɛ ɛtena sua ne ɔwɔ adasa mmaa nu, na ɔkɔtena nu wɔ bɛ nu, bɛkɔyɛ ye maen, na Nyameɛ bɔbɔ ɔne bɛ kɔtena, [ná wayɛ bɛ Nyameɛ.]”