Ɛksadɔso 38:17 - AHYERƐLƐ KRONGRON

¹⁷ Bonima nemɔ nyinasoɛ te kɔɔbere, nakoso bonima nemɔ bɛ ndɔkorɔ, ɔne bɔ ɔbeabea nu ne de, ɔte ɛdwetɛ. Besa bɛfale ɛdwetɛ bɛborole bɛ ti afia, na bɛfale ɛdwetɛ bɛborole aluo berɛ bonima mukoraati nwo.

Ɛksadɔso 38:17 Iomraidhean Croise

1 Ahemvo 7:16

Osa hurole kɔɔbere fa yɔle abotire nyɔ siesiele bonima nemɔ aso. Abotire ko biala, fi ye aseɛnwo bɔ ɔkwaadwu ye anwuro ne, ɔte agyirɛ nnu, yeɛ abotire ko ne koso, fi ye aseɛnwo bɔ ɔkwaadwu ye anwuro ne, ɔte agyirɛ nnu.

Ɛksadɔso 27:10

Fa kɔɔbere yɔ ye bonima aburanyɔ ne, ɔne ye nyinasoɛ aburanyɔ ne. Nakoso bonima nemɔ bɛ ndɔkorɔ, ɔne bɔ ɔbeabea nu ne de, maa ɔ́yɛ ɛdwetɛ.

Ɛksadɔso 38:16

Mbɛmuɛ tena mukoraati bɔ bɛfa bɛpɛle aluo berɛ nwo beyiale ne, bɛfale gyese yeɛ bɛnwone ɔ.

Ɛksadɔso 38:18

Na ɛtena bɔ onwi aluo berɛ pambim ne noa ne, bɛfale bibire, koogyan, adaabene ne gyese belili adwii beguale nu. Ye tɛtrɛtɛɛ nu te agyirɛ aburanyɔ, yeɛ ye aseɛnwo bɔ ɔkwaadwu ye anwuro ne te agyirɛ nnu. Ye piri te kyɛ aluo berɛ mbɛmuɛ tena ne ala.

Numeri 3:36

Adwuma bɔ bɛfa bewurale Merari boso ama nemɔ sa ole kyɛ, bɛnea ɛhemɔ aso: nyianu sua ndaboa nemɔ, ye kwatena nemɔ, ye bonima nemɔ, ye nyinasoɛ, ɔne bɛ nwo nningyein amukoraati, ɔne adwuma biala bɔ ɔfa sɔ nningyein nemɔ anwo ɔ;

Numeri 4:32

bonima mɔ bɔ bapɛ aluo berɛ amukoraa nwo bayia ne, bɛ nyinasoɛ, pɛmbɛen nemɔ, nyamaa nemɔ, ɔne bɛ nwo nningyein amukoraati, ɔne adwuma bɔ ɔboka so amukoraati. Na ɛ́mɔhyire ebiala nningyein bɔ odi kyɛ ɔsoa ɔ.