Ɛksadɔso 35:3 - AHYERƐLƐ KRONGRON

³ Nnɛma ɛmɔkua see afofikyẽa ne wɔ nekaa biala bɔ ɛmɔte ɔ.

Ɛksadɔso 35:3 Iomraidhean Croise

Ɛksadɔso 12:16

Ɔsɛ kyɛ ɛmɔyɛ nyianu krongron wɔ kyẽa bɔ oli moa ne, yeɛ kyẽa bɔ ɔtɔ so nzoo ne koso ɛ́mɔyɛ nyianu krongron. Nnɛma ɛmɔyɔ adwuma wɔ sɔ ngyẽa ne; sana aleɛ bɔ ebiala koli angome yeɛ ɛ́mɔyɔ ye nwo adwuma ɔ.

Ɛksadɔso 16:23

na Mose buale bɛ kyɛ, “Bɔ AWURADE ahyɛ hɔ ɛne: ‘Ɛhema te nwomelelɛ kyẽa bɔkɔɔ, afofikyẽa krongron ma AWURADE. Yiti bɔ ɛmɔkɔtoto ne, ɛ́mɔtoto, yeɛ bɔ ɛmɔkɔto ne koso, ɛ́mɔto. Na bɔ ɔkɔha ne, odi kyɛ ɛmɔfa besie maa odwu ɛhema ngyerɛmɔ.’ ”

Ɛksadɔso 20:9

Elesia yeɛ fa yɔ adwuma, ná yɔ wɔ nningyein mukoraati ɔ.

Ɛksadɔso 23:12

“Fa elesia yɔ w’adwuma, nakoso kyẽa bɔ ɔtɔ so nzoo ne de, de wɔ nwome; amaa ɔnate so wɔ nandwie ne w’afunum bale bɛ nwome, ná w’afaneɛ awa ne wɔ wɔfoɛ koso bale bɛ nwome.

Ɛksadɔso 31:15

Elesia yeɛ ɔsɛ kyɛ ɛmɔfa bɛyɔ adwuma ɔ, nakoso kyẽa bɔ ɔtɔ so nzoo ne de, ɔte nwomelelɛ kyẽa bɔkɔɔ, bɔ ɔte krongron ma AWURADE ɔ. Na sona biala bɔ ɔkɔyɔ adwuma afofikyẽa nen, ɔsɛ kyɛ beku ye.

Ɛksadɔso 35:4

Na Mose sele Yisrael ɛlɔen ne amukoraati kyɛ, “Edwirɛ bɔ AWURADE ahyɛ hɔ ɛhe:

Yesaya 58:13

“Sɛ ɛhyɛ wɔ nwo so wɔ ɛnatelɛ nu wɔ afofikyẽa ne, ná anyɔ bɔ wɔ bɔbɔ ekuro ɔ wɔ me kyẽa krongron ne, ná mmom ɛfrɛ afofikyẽa ne anigye kyẽa, ɔne AWURADE kyẽa krongron ne kyɛ anidie kyẽa; sɛ edi ye ni, ná anni wɔ bɔbɔ wɔ ti piri, ná anyɔ bɔ wɔ bɔbɔ ekuro ɔ, anaakyɛ angekã edwirɛ mbaen mbaen a,

Lewitikɔso 23:3

Elesia yeɛ ɔsɛ kyɛ ɛmɔfa bɛ́yɔ adwuma ɔ, nakoso kyẽa bɔ ɔtɔ so nzoo ne de, ɔte nwomelelɛ kyẽa bɔkɔɔ. Ɔte nyianu krongron, ná onni kyɛ ɛmɔyɔ adwuma biala; ɔte afofikyẽa ma AWURADE wɔ nekaa biala bɔ ɛmɔkɔtena ɔ.