Ɛksadɔso 34:5 - AHYERƐLƐ KRONGRON

⁵ Na AWURADE dwu wale ase wɔ munungum nu oogyinane ye nwo berɛ, na ɔbɔle ye bɔbɔ ye dumaa YAHWE (AWURADE) ne.

Ɛksadɔso 34:5 Iomraidhean Croise

Edwein 102:21

amaa ɔnate so mmenia babɔ AWURADE dumaa nwo dawure wɔ Sion, ná babɔ ye ayɛyelɛ nwo dawure wɔ Yerusalem,

Ɛksadɔso 19:18

Nwosina katale Sinai bokaa ne aso amukoraati, ofikyɛ AWURADE natele see nu dwu wale so. So nwosina ne tu hɔle anwuro kyɛ foonoo nu nwosina, na bokaa ne amukoraa wosole kikikikikiki.

Ɛksadɔso 19:9

Na AWURADE sele Mose kyɛ, “Tie, mebaafa munungum kumɔnn nu meba wɔ berɛ, amaa sɛ me ne wɔ dwudwo a, mmenia ne ate, ná daa biala bale wɔ bali.” Afei Mose hane mmenia nemɔ noa dwirɛ hyirele AWURADE.

Ɛksadɔso 23:21

Suro ye ná tie ye dwirɛ. Nnɛtwi fa ye dwirɛ so, na ɔngɔfa ɛmɔ mmeraatolɛ ngɔhyɛ ɛmɔ, ofikyɛ me dumaa la ye so.

Ɛksadɔso 33:19

Na AWURADE buale kyɛ, “Ngɔma me paayɛlɛ mukoraati kɔsẽ kɔpɛ nu wɔ wɔ nyunu, ná mabɔ me dumaa AWURADE ne wɔ wɔ nyunu. Ofikyɛ sona bɔ ngɔlo ye ne yeɛ ngɔlo ye ɔ, yeɛ bɔ ngonwu ye anwumvoin ne yeɛ ngonwu ye anwumvoin ɔ.

Ɛksadɔso 33:9

Mmerɛ biala, sɛ né Mose kɔworo ɛtena sua ne anu a, munungum ningɔnn ne dwu ba ase bagyina ɛtena sua ne anoa nu berɛ, na AWURADE ne Mose bedwudwo.

Anyandera 18:10

AWURADE dumaa ne te abandenden pindinn, nu yeɛ teneneeniɛ nwati kɔbɔ ye nwo waen maa onya ye ti didi nu ɔ.

Yesaya 1:10

Mbanyi bɔ bedi Sodom so ɔ, ɛ́mɔtie AWURADE noa dwirɛ! Ɛmɔ Gomorafoɛ, ɛ́mɔyɛ asoɛ bétie yɛ Nyameɛ ngyerɛkyerɛ!

Numeri 11:17

Ngodwu ngɔwa me ne wɔ yɛkoodwudwo wɔ berɛ, na ngɔfa sunzum bɔ ɔwɔ wɔ nu ne bie ngowura bɛ nu. Ɛne bɛ ɛmɔkɔfa mmenia ne anwo fɛɛ bɛkɔto ɛmɔ nwo so, amaa wanna wɔ ngome wɔ so.

Numeri 11:25

Yeɛ AWURADE nate munungum nu dwu wale ase, na ɔne Mose beedwudwole. AWURADE fale sunzum bɔ ɔwɔ Mose nu ne bie wurale mbanyi aburasoo nemɔ anu. Sunzum ne wale bɛ so ne, bɛhyɛle ngɔm. Nakoso ye si ye, banhyɛ ngɔm ko.

Numeri 12:5

AWURADE nate munungum ningɔnn nu dwu wale ase, na oogyinane ɛtena sua ne anoa nu berɛ. Ɔfrɛle Aarɔn ne Miriam, na bɛ munyɔ bɛwale anyunu.

Numeri 14:17

Yiti mesrɛ wɔ AWURADE, wɔ tumi piri ne, maa ɔla ali kyɛbɔ ɛhyɛle bɔ ne, bɔ ɛhane kyɛ,

Deuteronomi 32:3

Ofikyɛ ngɔbɔ AWURADE dumaa dawure. Ɛ́mɔhã kyɛ yɛ Nyameɛ te piri!

1 Samuel 3:18

Yiti Samuel fale ye mukoraa nwo amaneɛ bɔle Eli, na wamva bie wamvea ye. Na Eli sele kyɛ, “Ye yeɛ ɔte AWURADE ɔ, maa ɔyɔ bɔ okuro ɔ.”