Ɛksadɔso 34:29 - AHYERƐLƐ KRONGRON

²⁹ Mose fili Sinai bokaa ne aso dwuli ase. Mmerɛ bɔ né ódwu fi bokaa ne aso ba ase, bɔ né otira Adanzeɛ nyɔboɛ taataa nyɔ nen, né Mose nze kyɛ ɔnate Nyameɛ bɔ ɔne ye bali ngɔmɔ ne ati, ye nyunu ata ɔ.

Ɛksadɔso 34:29 Iomraidhean Croise

Ɛksadɔso 16:15

Na Yisraelfoɛ nwuni ye sɔ nen, bebisabisale bɛ nwo ngoko ngoko kyɛ, “Nzikyɛ nikyee ɛhe?” Ofikyɛ né bɛnze nikye horɛ. Na Mose sele bɛ kyɛ, “Aleɛ bɔ AWURADE afa ama ɛmɔ kyɛ ɛmɔli hɔ ɛne.

Ɛksadɔso 31:18

Na mmerɛ bɔ Nyameɛ ne Mose bedwudwole beyiele wɔ Sinai bokaa ne aso nen, ɔfale Adanzeɛ nyɔboɛ taataa nyɔ ne mane Mose, nyɔboɛ taataa bɔ Nyameɛ afa ye sa mmɛseka wahyerɛ so ne.

Ɛksadɔso 32:15

Yiti Mose kakyili ye nwo, na ɔfale Adanzeɛ nyɔboɛ taataa nyɔ ne tirale ye sa nu torotorole bokaa ne dwuli ase: nyɔboɛ taataa bɔ bahyerɛ ye bue nyɔ ne aso ne, bɔ bahyerɛ ye nyunu ne ye si ne.

Ɛksadɔso 34:35

Yisraelfoɛ nwu kyɛ Mose nyunu ata. Na ɔyɛ a, Mose sá fa ngatanyunu ne puro ye nyunu kɔpem kyɛ ɔkɔhɔ nu ɔne AWURADE bekoodwudwo ɔ.

Nworɛ Dwirɛhanɛniɛ 8:1

Nwa yeɛ ɔte kyɛ nworɛniɛ ne ɔ? Nwa yeɛ ɔse edwirɛ bo kyire ɔ: Sona nworɛ ma ye nyunu yɛ gyenegyene, na ye nyunu kusuu ne sesã.

Mateo 17:2

Na ɔsesane wɔ bɛ nyunu berɛ, ye nyunu tale kyɛ eyia, na ye ndaadeɛ yɛle hyɛnn kyɛ kanea.

Marko 14:40

Na osa wale bɛ nwo berɛ nen, onwuni bɛ kyɛ balafe bieku; né bɛ nye twaa so, na bannwu mmuayɛɛ bɔ bɛ́fa bɛ́ma ye ɔ.

Marko 9:6

Né Petro nnwu edwirɛ bɔ ɔhã ɔ, ofikyɛ né ɛserɛ piri paa ahã bɛ.

Luka 2:49

Na obuale bɛ kyɛ, “Nzu ati yeɛ ɛmɔpena me ɔ? Aso ɛmɔnze kyɛ ɔsɛ kyɛ metena me Baba awuro anaa?”

Luka 9:29

Na ogu so ɔbɔ mbaeɛ nen, ye nyunu sue ne sesane, ye ataadeɛ yɛle hyɛnn, na ɔtale.

Yohane 5:13

Na biaa bɔ ye nwo asa ne, né ɔnze sona horɛ, ofikyɛ né Yesu ahwe ye nwo wafi berɛ, yeɛ afei né mmenia pee wɔ berɛ.

Asomafoɛ 12:9

Na ofitele lili ye si; na né ɔnze kyɛ bɔ abɔfo ne yɔle ne ɔte edwirɛ bɔ osi amba, na né ɔdwene kyɛ onwu nyekyire.

Asomafoɛ 23:5

Na Pɔɔlo buale kyɛ, “Aliɛmaa mɔ Yisraelfoɛ, né menze kyɛ ɔte ɔsɔfo panyi paa ɔ; ofikyɛ bahyerɛ kyɛ, ‘Ɔnzɛ kyɛ ɛkã wɔ maen panyi nwo dwirɛ tɛɛ ɔ.’ ”

Asomafoɛ 6:15

Badwafoɛ ne amukoraa neane Setefano haa, na benwuni kyɛ ye nyunu ayɛ kyɛ abɔfo nyunu.

2 Korintofoɛ 3:13

Yɛ de, yɛtte kyɛ Mose bɔ ɔfale ngatanyunu katale ye nyunu, kyɛbɔ ɔkɔyɛ ná Yisraelfoɛ bangora bangyene bɛ nye bannea ye nyunu animnyam bɔ né okyikyi ne ɔ.

Deuteronomi 10:5

Afei ngakyili me nwo mvili bokaa ne aso ndwu male ase, mvale nyɔboɛ taataa nemɔ nguale alaka bɔ mobɔle ne anu, na begua nu, kyɛbɔ AWURADE hyɛle me ne.

Yosua 2:4

Nakoso né braa ne afa mmienzua nyɔ ne wafea. Na obuale kyɛ, “Ɔte amba, mmienzua biemɔ wale me wa, nakoso menze nekaa bɔ befi bɛwale ɔ.

Yosua 8:14

Mmerɛ bɔ Aye hene nwuni edwirɛ bɔ ɔ́kɔ so nen, ɔne ye mmenia mukoraati, kuro berɛ mmienzua ne, bɛyɛle ndɛndɛ ngyerɛmɔ tutuutu kyɛ bɛkwaafa koɛ bɛtetale Yisrael wɔ Araba ndendeneɛ so, nakoso né ɔnze kyɛ Yisraelfoɛ baatetɛ ye wɔ kuro ne asi.

Nyekyire 1:16

Né otira nzramaa nzoo wɔ ye sa famaa nu, na sɛpɔ nnaennaen fili ye noa nu fitele, na ye nyunu te kyɛ eyia bɔ ɔbɔ gyireingyirein ɔ.

Nyekyire 10:1

Afei nwuni abɔfo foforɛ anwoserɛniɛ bie kyɛ ofi nyameɛso odwu ba ase; né wafa munungum wahera, nyangondoen wɔ ye ti so, ye nyunu te kyɛ eyia, na ye gya te kyɛ see bonima.

Maenbulɛfoɛ 16:20

Na afei Delila sele kyɛ, “Samson, Filistifoɛ nemɔ awa wɔ so oo!” Yeɛ Samson fili nnaa nu dwɔsole, na ɔyɛle ye adwene kyɛ, “Ngofite ná mawoso me nwo male me nwo kyɛbɔ meyɔ ye daa ne.” Nakoso né Samson nze kyɛ AWURADE aye ye sa ye bo ɔ.