Ɛksadɔso 34:25 - AHYERƐLƐ KRONGRON

²⁵ “Mogya bɔ ɛfa bɔ afɔleɛ ma me ne, nnɛfa paanoo harewaa boka so; yeɛ naen bɔ ɛfa bɔ Abɔtra aluolue afɔleɛ ne, nnɛma ebie ka ma aleɛ kye so.

Ɛksadɔso 34:25 Iomraidhean Croise

Ɛksadɔso 12:10

Nnɛma ɛmɔfa ebie besie ma aleɛ kye so; na sɛ ebie ka ma aleɛ kye so a, odi kyɛ ɛmɔyera ye.

Ɛksadɔso 12:20

Nnɛma ɛmɔdi nikyee harewaa biala. Ɛ́mɔli paanoo kabrɛdi wɔ nekaa biala bɔ ɛmɔkɔtena ɔ.”

Ɛksadɔso 12:8

Ɔsɛ kyɛ bɛtoto naen ne bedi ye sɔ kɔngɔen ne, ná bɛfa paanoo kabrɛdi ne awɔwee nyaa bɛboka so.

Ɛksadɔso 23:18

“Mogya bɔ ɛfa bɔ afɔleɛ ma me ne, nnɛfa paanoo harewaa boka so; yeɛ nnɛma aleɛ kye ɛloe bɔ ɔwɔ m’afɔleɛ nu ne aso.

Ɛksadɔso 29:34

Na sɛ ɔsɔfohyɛlɛ naen ne bie, anaa paanoo ne bie ka ma aleɛ kye so a, ye de fa see yera bɔ waha ne. Ɔnzɛ kyɛ bedi, ofikyɛ ɔte krongron.

Lewitikɔso 2:11

“Aburoo afɔleɛ biala bɔ ɛmɔbɔ bɛma AWURADE ne, onni kyɛ ɛmɔfa mɔle harewaa bɛbɔ; ofikyɛ onni kyɛ ɛmɔfa mɔle harewaa anaa woɛ bɛbɔ see so afɔleɛ bɛma AWURADE.

Lewitikɔso 7:15

Na wɔ asennaa asomdwee afɔleɛ naen ne de, odi kyɛ edi ye kyẽa bɔ ɛkɔbɔ afɔleɛ ne ala; onni kyɛ ɛma aleɛ kye ebie so.

Numeri 9:12

Nnɛmaa bɛyakyi bie ma aleɛ kye so, yeɛ nnɛmaa bɛbɔ naen ne bowue nu. Beli ye kyɛbɔ Abɔtra aluolue ne nwo nhyehyɛleɛ amukoraa te ɔ.

Mateo 13:33

Yesu buli bɛ anyandera foforɛ bieku kyɛ, “Nyameɛso ahennie ne, ɔte kyɛ mɔle harewaa bɔ braa bie fa forale esam kongo nza maa odwuli kyɛ ye mukoraa tuli ɔ.”

Deuteronomi 16:3

Nnɛfa paanoo harewaa bɔ naen ne aso di. Fa paanoo kabrɛdi bɔ naen ne aso di ye ɛlɛsoo. Ɔte amaneɛnwunɛ paanoo, ofikyɛ ndɛndɛ so yeɛ etu fili Misraim aseɛ so ɔ; amaa ɔnate so mmerɛ biala bɔ ɛte ngoa nu ne, akaye kyẽa bɔ etu fili Misraim aseɛ so ɔ.

Deuteronomi 16:4

Ɛlɛsoo, ɔnzɛ kyɛ benwu mɔle harewaa wɔ w’aseɛ so nekaa biala; yeɛ naen bɔ ekohu ye kyẽa bɔ oli moa ne nɔsoa ne, nnɛma ebie ka ma aleɛ kye so.