Ɛksadɔso 34:24 - AHYERƐLƐ KRONGRON

²⁴ Ofikyɛ ngɔfoa maen maen ngofi wɔ nyunu, ná mama w’aseɛ wɛen so atrɛ. Na sɛ afoɛ biala ɛfo kɔ AWURADE wɔ Nyameɛ ne nyunu pɛen nza a, sona biala nye ngɔboro w’aseɛ.

Ɛksadɔso 34:24 Iomraidhean Croise

Gyenesise 15:18

Na sɔ kyẽa ne ala, AWURADE ne Abram yɛle apam, na ɔhane kyɛ, “Wɔ boso ama yeɛ méfa sɔ aseɛ he méma bɛ ɔ: ofi Misraim asue noa bɔ ɔkwaadwu asue piri Yufreti noa,

Gyenesise 35:5

Na besili nu bɔ bɛ́kɔ ne, Nyameɛ mane esuronyi kandinga tɔle nguro bɔ né bapɛ bɛ nwo bayia ne aso, yiti bangora bamvoa Yakob mma mmienzua nemɔ.

1 Ahemvo 5:1

Tiro hene Hiram tele kyɛ bapopa Solomon ngoo maa wali ye baba bia. Na ɔsomane ye somvoɛ mɔ wɔ Solomon berɛ, ofikyɛ né Hiram te Dawide obiɛngo fi tete.

1 Aberɛso Dwirɛ 4:10

Yabese sũ frɛle Yisrael Nyameɛ kyɛ, “Ao, ahaa né ayira me, ná amaa manya aseɛ piri; ná agyina me si, ná abɔ me nwo waen afi amaneɛ ne asane nu!” Na Nyameɛ yɔle ye abisadeɛ mane ye.

2 Aberɛso Dwirɛ 17:10

Maen maen bɔ bapɛ Yuda nwo bayia ne, AWURADE nwo suronyi tɔle b’ahennie amukoraa so, na bamva koɛ bandoa Yehosafate ko.

YOB NWOMAA NE 1:10

Ye nwo waen, ye abusua nwo waen, ɔne nikyee biala bɔ ole ye ɔ nwo waen bɔ abɔ abra ayia ne, aso nna ye ti ɔ? Ayira ye sa noa adwuma so, na ye nyɛmmoa bata pee wɔ aseɛ ne aso.

Edwein 120:1

Mesu mefrɛ AWURADE wɔ m’amaneɛnwunɛ mmerɛ nu, na otie me.

Edwein 78:55

Ɔfoane maen maen mɔ fili bɛ nyunu; ɔhyɛle b’aseɛ maa bɛfa bɛyɛle b’agyapadeɛ, na ɔmane Yisrael mmusua kure nemɔ bɛtenatenane b’ɛtena sua nemɔ anu.

Edwein 80:8

Etuli bobe bo fili Misraim wale, ɛfoane amaen maen mɔ fili aseɛ ne aso, na eluale.

Ɛksadɔso 33:2

Ngɔsoma m’abɔfo maa okoli wɔ nyunu, na ngɔfoa Kanaanfoɛ, Amorifoɛ, Hitifoɛ, Perisifoɛ, Hiwifoɛ ne Yebusifoɛ mɔ ngofi so.

Ɛksadɔso 34:11

Di bɔ ɛnɛ méhyɛ wɔ ne aso. Tie, ngɔfoa Amorifoɛ, Kanaanfoɛ, Hitifoɛ, Perisifoɛ, Hiwifoɛ ne Yebusifoɛ ngofi wɔ nyunu.

Anyandera 16:7

Sɛ sona atee ɔsɔ AWURADE nye a, ɔma ye pɔfoɛ mɔ po bɛ ne ye tena asomdwee nu.

Lewitikɔso 18:24

“Nnɛma ɛmɔyɔ ɛhemɔ anu biala begua ɛmɔ nwo fiɛ, ofikyɛ maen maen bɔ méfoa bɛ méfi ɛmɔ nyunu ne, ɔnate sɔ yɔleɛ hemɔ aso yeɛ beguale bɛ nwo fiɛ ɔ,

Asomafoɛ 18:10

ofikyɛ ngyi wɔ si, na ebiala ngɔwa wɔ so ngɔyɔ wɔ hwee, ɔnate kyɛ nne mmenia pee wɔ kuro ye anu.”

Deuteronomi 12:20

“Na sɛ AWURADE wɔ Nyameɛ ma wɔ maen ne trɛ, kyɛbɔ wahyɛ wɔ bɔ ne, ná ɛkã kyɛ, “ ‘Ngoli naen’ a, ɔnate kyɛ wɔ komvi wɔ naen so ne ati, ye de ɛkora di naen mmerɛ biala bɔ ekuro ɔ.

Deuteronomi 16:16

“Afoɛ biala, ɔsɛ kyɛ wɔ mmienzua mukoraati ba AWURADE wɔ Nyameɛ nyunu pɛen nza, wɔ nekaa bɔ okohyire ne: wɔ Paanoo Kabrɛdi aluolue ne, Dapɛn Dapɛn aluolue ne, yeɛ Asese aluolue ne anu. Nnɛmaa bɛfa bɛ sa mbaen bɛba AWURADE nyunu.

Deuteronomi 19:8

“Sɛ AWURADE wɔ Nyameɛ ma wɔ maen ne trɛ, kyɛbɔ ɔtale ndaen hyirele wɔ nana mɔ ne a, ɔkɔfa aseɛ amukoraati bɔ ɔfa hyɛle wɔ nana mɔ bɔ ne kɔma wɔ,

Deuteronomi 7:1

“Na sɛ AWURADE wɔ Nyameɛ fa wɔ kodwu aseɛ bɔ ɛkwaafa tena so ne aso, ná ɔfoa maen maen pee fi wɔ nyunu a, mekyire Hitifoɛ, Gɛgasifoɛ, Amorifoɛ, Kanaanfoɛ, Perisifoɛ, Hiwifoɛ ne Yebusifoɛ: maen nzoo bɔ bɛ somaa ne b’anwoserɛ tra wɔ ɔ,