Ɛksadɔso 34:21 - AHYERƐLƐ KRONGRON

²¹ “Fa elesia yɔ adwuma, nakoso kyẽa bɔ ɔtɔ so nzoo ne de, de wɔ nwome; sɛ eboosonɛ anaa mmakaammaa telɛ mmerɛ po a, de wɔ nwome.

Ɛksadɔso 34:21 Iomraidhean Croise

Gyenesise 45:6

Ɛhɔen piri ne wale maen ye anu ɔ, afoɛ nyɔ ɛhe; nakoso waha afoɛ nnu bɔ yeɛ bɛngɔyɔ eboo na banya aleɛ ɔ.

Nehemia 13:15

Sɔ mmerɛ ne, nwuni ye wɔ Yuda kyɛ mmenia betwi nzaa, yeɛ afei bɛsoa aburoo bɛteta afunum mɔ si afofikyẽa. Sɔ ala yeɛ né bɛfa nzaa, bobe, borɔdoma ne nningyein ahoroɔ bɛsoa ngaka nemɔ bɛba Yerusalem afofikyẽa ɔ, na mmɔle bɛ kɔkɔ kyɛ nnɛmaa bɛtɔne nningyein afofikyẽa.

Ɛksadɔso 23:12

“Fa elesia yɔ w’adwuma, nakoso kyẽa bɔ ɔtɔ so nzoo ne de, de wɔ nwome; amaa ɔnate so wɔ nandwie ne w’afunum bale bɛ nwome, ná w’afaneɛ awa ne wɔ wɔfoɛ koso bale bɛ nwome.

Ɛksadɔso 31:15

Elesia yeɛ ɔsɛ kyɛ ɛmɔfa bɛyɔ adwuma ɔ, nakoso kyẽa bɔ ɔtɔ so nzoo ne de, ɔte nwomelelɛ kyẽa bɔkɔɔ, bɔ ɔte krongron ma AWURADE ɔ. Na sona biala bɔ ɔkɔyɔ adwuma afofikyẽa nen, ɔsɛ kyɛ beku ye.

Ɛksadɔso 35:2

Elesia yeɛ ɔsɛ kyɛ ɛmɔfa bɛyɔ adwuma ɔ, nakoso kyẽa bɔ ɔtɔ so nzoo ne de, ɔte afofikyẽa krongron ma ɛmɔ, ɔte nwomelelɛ kyẽa bɔkɔɔ ma AWURADE. Na ebiala bɔ ɔkɔyɔ adwuma sɔ kyẽa nen, ɔsɛ kyɛ beku ye.

Yesaya 30:24

Na nandwie mɔ ne afunum mɔ bɔ bɛyɔ fieso adwuma ne, bekoli aleɛ paa bɔ bafa ɛkorɛ ne kɛndɛen bahuhu so ɔ.

Lewitikɔso 23:3

Elesia yeɛ ɔsɛ kyɛ ɛmɔfa bɛ́yɔ adwuma ɔ, nakoso kyẽa bɔ ɔtɔ so nzoo ne de, ɔte nwomelelɛ kyẽa bɔkɔɔ. Ɔte nyianu krongron, ná onni kyɛ ɛmɔyɔ adwuma biala; ɔte afofikyẽa ma AWURADE wɔ nekaa biala bɔ ɛmɔkɔtena ɔ.

Luka 13:14

Nakoso nyianu sua ne anu panyi ne fɛle yaa kyɛ Yesu asa anwonyerɛ afofikyẽa ɔ, na osele mmenia ne kyɛ, “Elesia yeɛ ɔsɛ kyɛ yɛfa yɛyɔ adwuma ɔ. Sɔ ngyẽa nemɔ yeɛ ɛmɔbra ma bɛsa ɛmɔ anwonyerɛ ɔ, na ɔnzɛ kyɛ ɔyɛ afofikyẽa.”

Luka 23:56

Afei besa bɛhɔle beesiesiele ayirefona ne sakyeɛfona. Na afofikyẽa ne, belele bɛ nwome kyɛbɔ mmeraa ne te ne.

Deuteronomi 21:4

na ɔsɛ kyɛ kuro ne anu mbanyi fa nandwie beleɛ akrɔngrɔma ne bɛkɔ bɔnza bɔ asue la nu ɔ, bɔ bɛssone ye le, anaa bɔ bɛyyɔle nu boo le ɔ nu; na ɔsɛ kyɛ bebu nandwie beleɛ akrɔngrɔma ne kɔme anu wɔ bɔnza ne anu berɛ.

1 Samuel 8:12

Ɛmɔ mma nemɔ, ɔkɔbɔ ebiemɔ safohene maa bɛkɔlela mmenia apee apee noa, ɔne mmenia aburannu aburannu noa. Ɔkɔma ebiemɔ kɔso ye boo, ná wama ebiemɔ abu ye fieso aleɛ. Na ye akodeɛ ne ye teaseɛnam mɔ koso, ɔkɔhyɛ bɛ maa bɛkɔyɔ.