Ɛksadɔso 34:20 - AHYERƐLƐ KRONGRON

²⁰ Fa boaen ba sesã afunum bamuɛbaa biala, nakoso sɛ anzesã ye de a, ye de bu afunum ne kɔme anu. Wɔ mma nemɔ anu bamuɛbaa bienzua biala, odi kyɛ ɛpɔ ye fi AWURADE berɛ. Nnɛma ebiala fa ye sa mbaen ba me nyunu.

Ɛksadɔso 34:20 Iomraidhean Croise

2 Samuel 24:24

Nakoso Nana Dawide buale Arayuna kyɛ, “Daabi! Ɛtɔlɛ yeɛ ngɔtɔ ngofi wɔ berɛ ɔ. Ngotua ye kerɛ, kyɛbɔ bɛ nyɔboɛ te ɔ. Ofikyɛ nikyee bɔ mafa ye mbaen ne, mengɔfa ngɔbɔ naen yeralɛ afɔleɛ ngɔma AWURADE me Nyameɛ.” Yiti Dawide tɔle nekaa bɔ bɛboro aburoo ne, ɔne nandwie nemɔ ɛdwetɛ sekel aburannu.

Ɛksadɔso 13:10

Yiti di sɔ nhyehyɛleɛ he aso wɔ ye mmerɛ so afoɛnoa biala.

Ɛksadɔso 13:12

tu abɔdeɛ biala bɔ okoli moa kofi koɛsɛen nu kɔwa ne sie berɛ ma AWURADE. Wɔ nyɛmmoa mɔ bɛ bamuɛbaa bienzua mukoraa te AWURADE deɛ.

Ɛksadɔso 13:13

Fa boaen ba sesã afunum bamuɛbaa biala, nakoso sɛ anzesã ye de a, ye de bu afunum ne kɔme anu. Yeɛ wɔ mma mɔ bɛ nu bamuɛbaa bienzua biala koso, odi kyɛ ɛpɔ ye fi AWURADE berɛ.

Ɛksadɔso 13:15

Ofikyɛ mmerɛ bɔ Faro bubuli mmakaa tuale ye so kyɛ ɔngɔma yɛngɔhɔ nen, AWURADE huhuni Misraim aseɛ so bamuɛbaa mukoraati, fite mmenia bamuɛbaa mɔ so, maa oodwuli nyɛmmoa bamuɛbaa mɔ so. Na ɔnate sɔ ati yeɛ mefa kaka bamuɛbaa bienzua biala mebɔ afɔleɛ mema AWURADE ɔ. Nakoso me mma mɔ bɛ nu bamuɛbaa bienzua biala de, mepɔ ye (mefi AWURADE berɛ).’

Ɛksadɔso 22:29

“Wɔ fieso nningyein ne wɔ ngoo bɔ beli moa ne, nnɛtwetwe wɔ bo ase kyɛ ɛkɔfa kɔbɔ afɔleɛ kɔma me ɔ. Wɔ mma mmienzua nemɔ nu bamuɛbaa ne, fa ma me.

Ɛksadɔso 23:15

“Di Paanoo Kabrɛdi aluolue ne. Fa ɛlɛsoo di paanoo kabrɛdi, wɔ mmerɛ bɔ mahyɛ ne, wɔ bosome Abibo nu, kyɛbɔ mahyɛ wɔ ne ala. Ofikyɛ sɔ bosome ne anu yeɛ etuli wɔ bo fili Misraim ɔ. Nnɛma ebiala fa ye sa mbaen ba me nyunu.

Numeri 18:15

Abɔdeɛ biala, kyɛ sona oo, kyɛ kaka oo, ye bamuɛbaa bɔ bɛkɔfa bɛkɔma AWURADE ne, ɔte wɔ deɛ. Nakoso kuro sona bamuɛbaa mɔ de, odi kyɛ ɛpɔ bɛ, yeɛ ngaka bɔ bɛ nwo nde mɔ bamuɛbaa mɔ koso, odi kyɛ ɛpɔ bɛ.

Deuteronomi 16:16

“Afoɛ biala, ɔsɛ kyɛ wɔ mmienzua mukoraati ba AWURADE wɔ Nyameɛ nyunu pɛen nza, wɔ nekaa bɔ okohyire ne: wɔ Paanoo Kabrɛdi aluolue ne, Dapɛn Dapɛn aluolue ne, yeɛ Asese aluolue ne anu. Nnɛmaa bɛfa bɛ sa mbaen bɛba AWURADE nyunu.