Na mmom bɛ bɔ belili wɔ nyunu bebuli maen ne, ali bɔne atra bɛ mukoraa. Ɔnate kyɛ ayɔ nyameɛ foforɛ mɔ afa, agyina amoen afa awura me apue, ná apo me ne ati,
Atee bɔ ngyirele bɛ ne, bakwati ye ndɛndɛ so. Bahuro nikyee bafa bayɔ nandwie ba, bakoto ye, yeɛ babɔ afɔleɛ bama ye, na baha kyɛ, O Yisrael, wɔ nyameɛ mɔ bɔ bɛyele wɔ befili Misraim aseɛ so bɛwale ne ɛhe!”
Ebiala te kwaseaa, na olle nimdeɛ; esikaa kɔkorɛ dwumvoɛ biala ye mmosoen mɔ gua ye nyunu ase, ofikyɛ ye mmosoen mɔ te nnakannaka, na nwomeɛ biala nne bɛ nu.
Na ɔnate kyɛ yɛte Nyameɛ mma ne ati, ɔnzɛ kyɛ yɛdwene kyɛ Nyameɛ sue te kyɛ esikaa kɔkorɛ, anaa ɛdwetɛ, anaa nyɔboɛ bɔ kuro sona afa ye sa ne ye nworɛ wali adwii wayɔ ɔ.
Na ɛmɔnwu ye, yeɛ ɛmɔte kyɛ sɔ Pɔɔlo ne nwa, nyameɛ mɔ bɔ kuro sona afa ye sa wayɔ ne de bɛtte nyameɛ mɔ koraa; na watu mmeni pee foɛ wasesã b’adwene: nna Ɛfeso wa angome ɔ, na mmom Asia mbɔtam amukoraa.
“ ‘Musue to sona biala bɔ ɔkɔyɔ amoen anaa okohuro nikyee kɔyɔ amoen ɔ: AWURADE akyiwadeɛ biala, bɔ ɔte dwumvoɛ sa noa adwuma, bɔ ɔkɔfa kosie mvealeɛ nu kɔsɔne ye ɔ’. Na mmenia ne amukoraa kosuro so kyɛ, ‘Amen!’
Yeɛ Mika sa fale ɛdwetɛ apee ko ɛyaa ko ne brɛle ye maame; na ye maame sele kyɛ, “Ngyi mma ye gya nu yeɛ métu ɛdwetɛ ne mesie berɛ mema AWURADE ɔ, kyɛ béhuro ye bɛ́fa bɛ́yɔ buralɛ amoen.”
