Ɛksadɔso 34:15 - AHYERƐLƐ KRONGRON

¹⁵ Nnɛne aseɛ ne aso ama yɛ apam, amaa sɛ bɛbɔ adwaman bekodi bɛ mmosoen nemɔ asi, ná bɛbɔ afɔleɛ bɛma bɛ mmosoen nemɔ, ná bɛ nu bie to ye sa frɛ wɔ a, angɔanni ye afɔleɛ ne bie.

Ɛksadɔso 34:15 Iomraidhean Croise

1 Aberɛso Dwirɛ 5:25

Nakoso bɛyɔle bɔne betiale bɛ nana mɔ Nyameɛ ne. Aseɛ ne aso mmenia bɔ Nyameɛ huhuni bɛ fili bɛ nyunu ne, bɛ nyameɛ nemɔ, Manasefoɛ nemɔ sɔnene bɛ.

Ɛsra 6:9

Asɔfo bɔ bɛwɔ Yerusalem ne, nikyee biala bɔ bɛkɔhã kyɛ behia ne, kyɛ nandwie akrɔngrɔma oo, mmoaen nyii oo, mmoaen bɔ bɛkɔfa bɛkɔbɔ naen yeralɛ afɔleɛ bɛkɔma nyameɛso Nyameɛ ne oo, atokoɔ oo, ngyee oo, nzaa oo, anaa ngoo oo, kyɛ ɔkɔyɛ biala, ɛ́mɔma bɛ sa hã ye alehyeleɛ biala;

Ɛsra 9:12

Yiti nnɛma ɛmɔfa ɛmɔ mma mmrasua bɛma bɛ mma mmienzua mɔ begya, yeɛ nnɛma ɛmɔgyigya bɛ mma mmrasua bɛma ɛmɔ mma mmienzua. Nnɛma ɛmɔpena bɛ ne asomdwee anaa paa, amaa ɔnate so ɛmɔ nwo ayɛ se, ná ɛmɔali aseɛ ne aso nningyein paa, ná ɛmɔafa bayakyi ɛmɔ mma mɔ maa wayɛ agyapadeɛ afebɔɔ.’

Edwein 106:28

Afei bɛfale bɛ nwo bɛɛbɔle bosoen Baal Peɔ, na belili afɔleɛ mɔ bɔ babɔ bama awufoɛ ɔ.

Edwein 73:27

Ofikyɛ amba, bɛ bɔ bɛtwe bɛ nwo befi wɔ nwo ne, bɛ boso konua, na bɛ bɔ bɛyakyi wɔ si lilɛ bɛtwe bɛ nwo befi wɔ nwo ne, enua bɛ boso.

Ɛksadɔso 22:19

“Sona bɔ ɔne kaka kɔla nen, ɔsɛ kyɛ beku sɔ sona ne.

Ɛksadɔso 22:20

“Sona biala bɔ ɔkɔbɔ afɔleɛ kɔma bosoen, bɔ wammɔ wamma AWURADE ngome twe nen, ɔsɛ kyɛ beku ye korakorakorakora.

Ɛksadɔso 23:32

Nnɛne bɛ, anaa bɛ bosoen mɔ yɛ apam.

Ɛksadɔso 32:8

Atee bɔ ngyirele bɛ ne, bakwati ye ndɛndɛ so. Bahuro nikyee bafa bayɔ nandwie ba, bakoto ye, yeɛ babɔ afɔleɛ bama ye, na baha kyɛ, O Yisrael, wɔ nyameɛ mɔ bɔ bɛyele wɔ befili Misraim aseɛ so bɛwale ne ɛhe!”

Ɛksadɔso 34:10

Na AWURADE hane kyɛ, “Tie, méyɛ apam. Na anwanwadeɛ bɔ mebaayɔ ye wɔ mmenia ne amukoraati nyunu ne, ebie ossili le wɔ aseɛ so nekaa biala, anaa maen biala so. Na mmenia bɔ ɛmɔtete bɛ nu ne konwu AWURADE nnwumaa, ofikyɛ nikyee bɔ ɔyɛ suro yeɛ ngɔfa wɔ so ngɔyɔ ɔ.

Ɛksadɔso 34:12

Aseɛ bɔ ɛ́kɔ so ne, nea yé ná ɛne so ama anyɛ apam, ná wanyɛ wɔ so ngaen.

Yeremia 3:9

Ɔnate kyɛ né ommu adwamanbɔlɛ kyɛ ɔtte mayee ne ati, oguale aseɛ ne anwo fiɛ, na ɔne nyɔboɛ mɔ ne mmakaa yeɛ bɛbɔle adwaman ɔ.

Hosea 4:12

Me maen kɔ bɛ mmakaa berɛ abisa, na bɛ pɔmaa yeɛ ɔye bɛ musue ɔ, ofikyɛ gyanderabɔlɛ sunzum amaa bali makyebu, na bafi bɛ Nyameɛ nwo baabɔ gyandera.

Hosea 9:1

Ao Yisrael, nnɛdi ahurusi! Nnɛma wɔ nye gye kyɛ maen maen nemɔ, ofikyɛ afi wɔ Nyameɛ si aabɔ gyandera. Ahuro gyanderaniɛ akatuaa, wɔ nekaa amukoraa bɔ bɛboro aburoo ɔ.

Lewitikɔso 17:7

Ɔnate ɛhe aso bɛngɔhɔ so bɛngɔbɔ b’afɔleɛ mɔ bɛngɔma mmosoen mɔ bɔ besoma mbɔngye ne, mekyire mmosoen bɔ bafa bɛ nwo bawura bɛ sa ne. Ɛhe kɔyɛ ahyɛdeɛ afebɔɔ kɔma bɛ wɔ b’aworɛ ndoatoasoɛ mukoraati nu.’

Numeri 15:39

Odi kyɛ ɛmɔfa sɔ nningyein ne besinzesinze ye noa, amaa sɛ ɛmɔnwu ye a, ɛmɔakaye AWURADE mmeraa dwirɛ amukoraa ná ɛmɔali so, ná ɛmɔanni ɛmɔ bɔbɔ b’akɔnnɔ ɔne nningyein bɔ ɔyɛ ɛmɔ nyemene si.

Numeri 25:1

Mmerɛ bɔ Yisraelfoɛ bɛɛkyekyele asikyeleɛ bɛtenane Sitim ne, Yisraelfoɛ hyɛle ye bo bɛ ne Moabo mmrasua nemɔ bɛlelale.

Numeri 25:2

Moabo mmrasua nemɔ hwehwene Yisraelfoɛ hɔle Moabo mmosoen sɔnenɛ nu. Yisraelfoɛ lili mmosoen so aleɛ ne bie, na bɛkotole bɛ mmosoen nemɔ.

Asomafoɛ 15:20

Na mmom odi kyɛ yɛkyerɛ krataa yɛkɔma bɛ, kyɛ, onni kyɛ bedi aleɛ biala bɔ bafa babɔ afɔleɛ bama bosoen, bɛhwe bɛ nwo befi adwamanbɔlɛ nwo; yeɛ afei onni kyɛ bedi kaka biala bɔ wawu ye mogya nu, anaakyɛ mogya.

1 Korintofoɛ 10:27

Sɛ ebie bɔ ɔtte gyidiniɛ frɛ ɛmɔ adidie, ná ɛmɔpene so kyɛ ɛmɔkɔhɔ a, bɔ ɔkɔfa kosie ɛmɔ nyunu biala, ɛmɔli. Sona tiboa ti nnɛma ɛmɔbisa ye nwo dwirɛ biala.

1 Korintofoɛ 8:10

Na sɛ sona bie bɔ ye tiboa yɛ mmerɛ nwu wɔ bɔ ele nimdeɛ ne kyɛ edidi bosoen asɔneyɛɛ sua nu a, aso ɛhe ngɔwɔ ye kɔme asi ma ongoli bosoen so aleɛ ne bie?

1 Korintofoɛ 8:4

Na ɔfa bosoen so aleɛlilɛ nwo de, yɛse kyɛ bosoen de, ɔtte huu wɔ wiase wa, na Nyameɛ te komapɛ twe.

1 Korintofoɛ 8:7

Nakoso nna mmenia mukoraa yeɛ bele nimdeɛ he ɔ. Mmenia biemɔ adwene ahɔ bosoensolɛ nu kyengyekyengye bɔ ɔbaadwu ɛnɛ ye po, sɛ bedi sɔ aleɛ ne bie a, b’adwene yɛ bɛ kyɛ amba bedi bosoen so aleɛ, na ɔma bɛ tiboa bɔ ɔyɛ mmerɛ ne gua bɛ nwo fiɛ.

Deuteronomi 31:16

Na AWURADE sele Mose kyɛ, “Ɔngɔhyɛ biala, ɛkɔtoa wɔ mbanyi mɔ. Nakoso mmenia hemɔ de, Amaenmaensofoɛ nyameɛ mɔ bɔ bɛwɔ aseɛ bɔ bɛ́kɔ so ne aso ne, bɛkɔbɔ adwaman bekooli bɛ si. Bɛkɔpo me, yeɛ bekobu m’apam bɔ me ne bɛ yɛyɛle ne aso.

Deuteronomi 31:18

Na ɔnate bɔne amukoraati bɔ bayɔ, bɔ baali nyameɛ foforɛ biemɔ asi ne ati, ngɔye me nye ngofi bɛ so sɔ kyẽa ne.

Deuteronomi 32:37

Afei AWURADE kɔha kyɛ, ‘Bɛ nyameɛ nemɔ wɔ nisua, nyɔbotaen bɔ bɛfale bɛ wora bewurale nu ne,

Deuteronomi 32:38

nyameɛ mɔ bɔ belili b’afɔleɛ so loe, ná bɛnone b’anonneɛ afɔleɛ nzaa nen? Ɛ́mɔma bedwɔso bɛɛboka ɛmɔ e! Ɛ́mɔma bɛ́bɔ ɛmɔ nwo waen e!

Deuteronomi 7:2

ná sɛ AWURADE wɔ Nyameɛ fa bɛ wura wɔ sa, ná edi bɛ so ngonim a, ye de ɔsɛ kyɛ ekuku bɛ bɔkɔɔ. Nnɛne bɛ yɛ apam, yeɛ nnɛnwu bɛ anwumvoin.

Deuteronomi 7:3

Nnɛma ɛmɔ ne bɛ begyigya bɛ nwo. Nnɛfa wɔ mma mmrasua ma bɛ mma mmienzua gya, yeɛ nnɛgya bɛ mma mmrasua ma wɔ mma mmienzua.

Yosua 23:12

Ofikyɛ sɛ ɛmɔanni nahorɛ, ná maen maen hemɔ anu mmenia bɔ baha wɔ ɛmɔ nwo wa ye, ɛmɔ ne bɛ bɔ afɛ, ná ɛmɔgyigya bɛ nwo, bɔ ɛmɔgya bɛ mmrasua ma bɛ koso begya ɛmɔ deɛ a,

Nyekyire 2:20

Nakoso mebɔ wɔ kwaadu kãa, ofikyɛ ɛma braa Yesebɛl bɔ ɔfrɛ ye nwo ngɔmhyɛlɛniɛ ne ate, kyɛ ɔyɛ ngyerɛkyerɛ ná ɔlakalaka me ngoaa mɔ ma bɛbɔ adwaman ná beli bosoen so aleɛ.

Maenbulɛfoɛ 2:17

Nakoso maenbulɛfoɛ nemɔ po, Yisraelfoɛ andie bɛ; ofikyɛ Yisraelfoɛ beelili nyameɛ foforɛ biemɔ si bɛkotole bɛ. Bɛ nana mɔ bɔ belili AWURADE mmeraa dwirɛ so ne, Nyameɛ dwirɛ bɔ belili so ne, wangyɛ yeɛ Yisraelfoɛ lili ye nwo makyebu ɔ. Bɛ de, banni so.

Maenbulɛfoɛ 3:6

Na Yisraelfoɛ gyigyale bɛ mma mmrasua mɔ, yeɛ bɛfale bɛ mma mmrasua deɛ mɔ bɛmomane Kaananfoɛ mma mmienzua agyaa. Afei bɛsole Kanaanfoɛ mmosoen nemɔ.