Ɛksadɔso 34:14 - AHYERƐLƐ KRONGRON

¹⁴ Nnɛsɔne bosoen biala, ofikyɛ AWURADE bɔ ye dumaa ole Nungunɛ nen, ɔte Nyameɛ bɔ ɔtwe nungunɛ ɔ.

Ɛksadɔso 34:14 Iomraidhean Croise

1 Ahemvo 14:15

“AWURADE kɔwoso Yisrael ahennie, kyɛbɔ nzue woso elemmire ɔ. Aseɛ paa he bɔ ɔfa mane bɛ nana mɔ ne, ɔkɔpɛ bɛ asue kofi so, na ɔkɔbɔ bɛ aya maa bɛkɔhɔ asue Yufreti asi, ofikyɛ bagyinagyina bosoen Asera dosii mɔ bafa bawura AWURADE apue maa wafɛ yaa.

1 Ahemvo 19:10

Obuale kyɛ, “Matu me nwo masie berɛ kyɛ meko mema AWURADE Asafo Nyameɛ, ofikyɛ Yisraelfoɛ bahwi bafa w’apam ne aso, badwiri w’afɔleɛ bokyea mɔ bagua ase, yeɛ bele ngrandɛ bahũhũ wɔ ngɔmhyɛlɛfoɛ mɔ. Waha me ngome twe, na bɛpena me beku me.”

Ɛksadɔso 33:19

Na AWURADE buale kyɛ, “Ngɔma me paayɛlɛ mukoraati kɔsẽ kɔpɛ nu wɔ wɔ nyunu, ná mabɔ me dumaa AWURADE ne wɔ wɔ nyunu. Ofikyɛ sona bɔ ngɔlo ye ne yeɛ ngɔlo ye ɔ, yeɛ bɔ ngonwu ye anwumvoin ne yeɛ ngonwu ye anwumvoin ɔ.

Yesaya 57:15

Ofikyɛ Anwuro Anwuroniɛ ne, bɔ ɔwɔ berɛ afebɔɔ, bɔ ye dumaa ole Krongron ne, ɔnwa nyoo: “Anwuro ne nekaa krongron berɛ yeɛ nde ɔ, na sona bɔ wanya nnuhoɛ ne anwobrɛaseɛ ne, me ne ye yeɛ yɛte ɔ, amaa ɔnate so mama anwobrɛaseɛfoɛ bɛ sunzum anya ngoa, ná mama bɛ bɔ banya nnuhoɛ ne b’ahone anya ngoa.

Yesaya 9:6

Ofikyɛ bawo akwadaa bama yɛ, bama yɛ baa bienzua, ye yeɛ ahennie ne kowura ye sa ɔ, na ye dumaa ne, bɛkɔfrɛ ye kyɛ, “Foɛtulɛniɛ Nwanwaniɛ, Nyameɛ Tuminiɛ, Seɛ bɔ ɔwɔ berɛ Afebɔɔ, Asomdwee Hene.”

Hesekiel 23:25

Ngɔhwe wɔ nwo nungunɛ maa bɛ ne wɔ koli ye anyeborolɛ so. Bɛkɔpepɛ wɔ bonyi ne wɔ so, na wɔ nu mmenia bɔ baha ne, bɛkɔtotɔ ngrandɛ noa. Bɛkɔhyehye wɔ mma mmienzua ne wɔ mma mmrasua bɛkɔhɔ, na wɔ nu mmenia bɔ baha ne, bɛkɔfa see bɛkɔyera bɛ.

Nahum 1:2

Nyameɛ ɔtwe nungunɛ, na ɔte AWURADE bɔ ɔtɔ wereɛ ɔ. AWURADE tɔ wereɛ, na ye yaafɛlɛ te piri; AWURADE tɔ bɛ bɔ bekyi ye ɔ so wereɛ, na ye ahonehulɛ wɔ berɛ ma ye pɔfoɛ mɔ.

Mateo 4:10

Yeɛ Yesu buale ye kyɛ, “Dwɔso berɛ kɔ dɔ, Satan! Ofikyɛ Bahyerɛ kyɛ, ‘Sɔne Awurade wɔ Nyameɛ, na ye ngome twe yeɛ so ye ɔ!’ ”

1 Korintofoɛ 10:22

Anaa yɛpena kyɛ yɛwura Awurade apue maa ɔtwe nungunɛ hɔ ɔ? Yɛbu ye kyɛ yɛ nwo yɛ se tra ye anaa?

Deuteronomi 29:20

ye de AWURADE ngɔfa sɔ sona ne nwo ngɔhyɛ ye, ofikyɛ AWURADE ɛyaafɛlɛ ne nungunɛ kɔyera ye kyɛ see. Musue mukoraati bɔ bahyerɛ ye nwomaa he anu ne kɔto ye, na AWURADE kokyikyi ye dumaa kofi aseɛ ye aso.

Deuteronomi 32:16

Bɛsole nyameɛ foforɛ biemɔ mane Nyameɛ hwene ye nwo nungunɛ, na bɛfale akyiwadeɛ behuli ye ahone.

Deuteronomi 32:21

Bɛsole bɔ nna Nyameɛ ahɔ ɔ maa ndwene ye nwo nungunɛ, na bɛfale bɛ mmosoen fiɛ nemɔ bɛhane me anyinga. Yiti me koso, ngɔfa mmenia mbaen bie bɔ nna maen ahɔ ɔ maa bɛkɔhwe ye nwo nungunɛ, na ngɔfa ngwaseafoɛ maen ngɔhã bɛ anyinga.

Deuteronomi 4:24

Ofikyɛ AWURADE wɔ Nyameɛ ne, ɔte see bɔ ɔyera motoo ɔ, Nyameɛ bɔ ɔtwe nungunɛ ɔ.

Deuteronomi 5:24

Na ɛmɔsele kyɛ, ‘AWURADE yɛ Nyameɛ waye ye animnyam ne ye tumi piri wahyire yɛ, na yate ye komvi yafi see ne anu. Ɛnɛ de, yanwu ye kyɛ, sɛ Nyameɛ ne sona dwudwo a, saa sɔ sona ne kora nya ngoa.

Deuteronomi 5:7

“ ‘Nnɛnya nyameɛ foforɛ biala ɛboka me so.

Deuteronomi 6:15

ofikyɛ AWURADE wɔ Nyameɛ bɔ ɔne wɔ nate ne, ɔte nungunɛ Nyameɛ. AWURADE wɔ Nyameɛ kɔfɛ wɔ so yaa piri paa, na okohu wɔ kokyikyi wɔ boso kofi aseɛ ye aso.

Yosua 24:19

Nakoso Yosua sele maen ne kyɛ, “Ɛmɔngɔhora ngɔso AWURADE, ofikyɛ ɔte Nyameɛ bɔ ɔte krongron ɔ. Ɔte nungunɛ Nyameɛ; na ɔngɔfa ɛmɔ mmeraatolɛ ne ɛmɔ bɔne ngɔhyɛ ɛmɔ.

Maenbulɛfoɛ 6:10

Na nga ngyirele ɛmɔ kyɛ, ‘Me ole AWURADE ɛmɔ Nyameɛ; Amorifoɛ bɔ ɛmɔte b’aseɛ so ne, nnɛma ɛmɔsɔne bɛ nyameɛ mɔ.’ Nakoso ɛmɔandie me dwirɛ.”