Ɛksadɔso 34:13 - AHYERƐLƐ KRONGRON

¹³ Ɛ́mɔbubu b’afɔleɛ bokyea nemɔ bégua, ɛ́mɔbubu bɛ bonima nemɔ, ná ɛ́mɔpepɛ bɛ bosoen Asera dosii nemɔ begua.

Ɛksadɔso 34:13 Iomraidhean Croise

1 Ahemvo 14:15

“AWURADE kɔwoso Yisrael ahennie, kyɛbɔ nzue woso elemmire ɔ. Aseɛ paa he bɔ ɔfa mane bɛ nana mɔ ne, ɔkɔpɛ bɛ asue kofi so, na ɔkɔbɔ bɛ aya maa bɛkɔhɔ asue Yufreti asi, ofikyɛ bagyinagyina bosoen Asera dosii mɔ bafa bawura AWURADE apue maa wafɛ yaa.

2 Ahemvo 10:27

Bɛsɛkyele Baal bonima ne. Baal asɔneyɛɛ sua ne, bedwirili beguale ase, na bɛfa bɛkakyili nekaa bɔ bɛkɔ bondua ɔ maa waadwu ɛnɛ.

2 Ahemvo 18:4

Otutuli asɔneyɛɛ nemɔ abo, obubuli bonima nemɔ, na ɔpepɛle Asera dosii nemɔ guale. Kɔɔbere ewoo bɔ Mose yɔle ne, obubuli nu. Ofikyɛ ɔbaadwu sɔ mmerɛ ne, né Yisraelfoɛ bɛyera ɛyɛɛ wɔ kɔɔbere ne aso bɛsɔne ye: né bɛfrɛ ye Nehustan.

2 Ahemvo 23:14

Obubuli bonima nemɔ anu, yeɛ ɔpepɛle Asera dosii nemɔ anu, na ɔsesale sona mmowue guale nekaa bɔ né mmosoen nemɔ begyigyi ne.

2 Aberɛso Dwirɛ 14:3

Asa tutuli maen maen mmosoen afɔleɛ bokyea nemɔ ne asɔneyɛɛ nemɔ abo. Obubuli mmosoen bonima nemɔ, yeɛ ɔpepɛle Asera dosii nemɔ guale ase.

2 Aberɛso Dwirɛ 15:16

Nana Asa tuli ye bɔbɔ oni Maaka fili ɛhemmaa bia ne aso, ofikyɛ ɔyɔle Asera bosoen bɔ ɔte akyiwadeɛ ɔ. Asa pɛle Asera dosii ne tole ase, obubuli ye, na ɔyerale ye wɔ Kidron bɔnza ne anwo.

2 Aberɛso Dwirɛ 17:6

Otuli ye nwo siele berɛ paa lili AWURADE dwirɛ so, yeɛ osa tutuli asɔneyɛɛ nemɔ ne bosoen Asera dosii nemɔ abo fili Yuda.

2 Aberɛso Dwirɛ 24:18

AWURADE bɔ ɔte bɛ nana mɔ Nyameɛ ne, ye awuro ne, bɛyakyili nu sɔnenɛ, na bɛsɔnene Asera dosii mɔ ne mmosoen mɔ. Na sɔ bɔne bɔ Yuda ne Yerusalem bɛyɔle ne ati, AWURADE fɛle bɛ so yaa piri.

2 Aberɛso Dwirɛ 31:1

Afei belili aluolue ne beyiele ne, Yisraelfoɛ bɔ né bayia berɛ ne amukoraa, bɛhɔle Yuda nguro nemɔ aso beebubuli mmosoen bonima nemɔ beguale, bɛpepɛle Asera dosii nemɔ beguale, na bɛsɛkyele asɔneyɛɛ nemɔ ne afɔleɛ bokyea nemɔ wɔ Yuda ne Benyamin ne Efraim ne Manase amukoraa, kɔpem kyɛ bɛsɛkyele bɛ mukoraa ɔ. Afei Yisraelfoɛ amukoraa besa bɛhɔle bɛ nguro nemɔ aso, na bɛ nu biala hɔle ye aseɛ so.

2 Aberɛso Dwirɛ 33:19

Ye mbaeɛ bɔ ɔbɔle, kyɛbɔ Nyameɛ tiele ye sufrɛ, ye bɔne amukoraa, ye nahorɛlilɛ, nekaa bɔ osisili asɔneyɛɛ mɔ gyinagyinane Asera dosii mɔ ne amoen mɔ, koraka yeɛ ɔsakyera ne, bahyerɛ ye wɔ mmenia bɔ bɛse ase ne b’abakɔsɛm nwomaa ne anu.

Ɛksadɔso 23:24

Nnɛbɔ wɔ ti ase ma bɛ mmosoen nemɔ, nnɛsɔne bɛ, yeɛ nnɛyɔ bɛ yɔleɛ ne bie. Na mmom sɛkyesɛkye bɛ bosoen nemɔ bɔkɔɔ, ná bubu bɛ bonima nemɔ nu gɔsɔgɔsɔ.

Yesaya 17:8

Ɔngɔfa ye nwo ngɔto afɔleɛ mmokyea bɔ ɔte ye sa noa adwuma ne aso. Yeɛ Asera dosii anaa ɛyɛɛ afɔleɛ mmokyea bɔ wafa ye sa mmaa wayɔ ne koso, ɔngɔfa ye nye ngɔto so.

Yesaya 27:9

Yiti ɔnate ɛhe aso, okokyikyi Yakob amumuyɛɛ kofi berɛ, na ye bɔne bɔ baye bafi berɛ ne, so mmaa mukoraa bɔ okosu ɛhe: Okobubu afɔleɛ bokyea nyɔboɛ ne amukoraa, okofurofuro bɛ koti bɛ muhumuhu kyɛ nnɛterɛ, bɔ Asera dosii ne ɛyɛɛ bokyea biala ngogyinagyina berɛ ko ɔ.

Yeremia 17:2

wɔ aberɛ bɔ bɛ mma mɔ bɛkaye b’afɔleɛ mmokyea ne b’Asera dosii wɔ mmakaa monɛ mɔ anwo ne pambaa ndendenn mɔ so ɔ.

Mika 5:14

Ngotutu w’Asera dosii nemɔ abo ngofi wɔ nu, na ngɔbɔ wɔ nguro nemɔ pasaa.

Numeri 33:52

ye de ɛ́mɔfoa aseɛ ne aso ama mukoraa béfi ɛmɔ nyunu. Bɛ mmosoen bɔ bafa nyɔboɛ base ɔne b’amoen mɔ bɔ bahuro nikyee bafa bayɔ amukoraa, ɛ́mɔsɛkye bɛ. Ɛ́mɔbubu b’asɔneyɛɛ amukoraa bégua,

Deuteronomi 16:21

“Nnɛdua bakaa biala fa kakyi bosoen Asera dosii wɔ AWURADE wɔ Nyameɛ afɔleɛ bokyea bɔ ekosi ne anwo;

Deuteronomi 16:22

yeɛ nnɛfa nyɔboɛ biala pena berɛ kyɛ ɔte bosoen atenaleɛ, bɛte nningyein bɔ AWURADE wɔ Nyameɛ kyi ɔ.

Deuteronomi 7:5

Nakoso bɔ ɔsɛ kyɛ ɛmɔfa bɛyɔ bɛ hɔ ɛhe: Ɛ́mɔdwiri b’afɔleɛ bokyea nemɔ bégua, ná ɛ́mɔbubu bɛ bonima nemɔ nu gɔsɔgɔsɔ; ɛ́mɔpepɛ bosoen Asera dosii nemɔ bégua, ná ɛ́mɔfa see bɛ́yera b’amoen nemɔ.

Maenbulɛfoɛ 2:2

Ɛmɔ koso, nnɛma ɛmɔ ne aseɛ he aso ama bɛyɛ apam. Ɛ́mɔdwiri b’afɔleɛ bokyea nemɔ begua.’ Nakoso ɛmɔanni m’ahyɛdeɛ so. Ɛmɔanwu bɔ ɛmɔayɔ ɔ!

Maenbulɛfoɛ 6:25

Sɔ kyẽa ne kɔngɔen, AWURADE sele Gideon kyɛ, “Fa wɔ baba nandwie nyii bɔ ɔtɔ so nyɔ, bɔ wali afoɛ nzoo ne. Bubu wɔ baba ye Baal afɔleɛ bokyea ne gua, ná pɛ bosoen Asera dosii bɔ ɔwɔ ye ngyɛnu berɛ ne to.

Maenbulɛfoɛ 6:26

Si afɔleɛ bokyea ma AWURADE wɔ Nyameɛ wɔ bokaa he ti afia, ná hyehyɛ afɔleɛ bokyea nyɔboɛ ne pɛpɛɛpɛ. Afei fa nandwie nyii bɔ ɔtɔ so nyɔ ne, ná fa bosoen Asera dosii bɔ ɛkɔpɛ ne boka so bɔ naen yeralɛ afɔleɛ.”