Ɛksadɔso 34:1 - AHYERƐLƐ KRONGRON

¹ AWURADE sele Mose kyɛ, “Se nyɔboɛ taataa nyɔ bɔ ɔte kyɛ daa deɛ ne ala, na edwirɛ bɔ ɔwɔ daa deɛ bɔ ebubuli ye ne aso ne, ngɔhyerɛ ngogua so.

Ɛksadɔso 34:1 Iomraidhean Croise

Edwein 119:89

Ao AWURADE, wɔ dwirɛ ne wɔ berɛ afebɔɔ, ye bo atimu wɔ nyameɛso.

Ɛksadɔso 24:12

Na AWURADE sele Mose kyɛ, “Fo bra me nwo faen wɔ bokaa ye aso, ná kɔnwondɛ berɛ. Na ngɔfa nyɔboɛ taataa ne, ɔne mmeraa ne mmeraa dwirɛ bɔ mahyerɛ kyɛ bɛfa behyirehyire bɛ ne ngɔma wɔ.”

Ɛksadɔso 31:18

Na mmerɛ bɔ Nyameɛ ne Mose bedwudwole beyiele wɔ Sinai bokaa ne aso nen, ɔfale Adanzeɛ nyɔboɛ taataa nyɔ ne mane Mose, nyɔboɛ taataa bɔ Nyameɛ afa ye sa mmɛseka wahyerɛ so ne.

Ɛksadɔso 32:16

Nyameɛ bɔbɔ yeɛ osele nyɔboɛ nemɔ ɔ, yeɛ nyɔboɛ nemɔ so kolikolilɛ bɔ bali adwii bakolikoli bagua so ne, ɔte Nyameɛ ahyerɛlɛ.

Ɛksadɔso 32:19

Mmerɛ bɔ Mose pingyele asikyeleɛ ne, ná onwuni nandwie ba ne ne abiliegolɛ pɛ, ye ahone huli paa, na ogyili nyɔboɛ taataa (nyɔ) bɔ otira ye ne guale bokaa ne nye abo berɛ maa nu bubuli.

Ɛksadɔso 34:28

Mose lili AWURADE nwo berɛ eleburanna, alehyeleɛ ne alesaleɛ; wannidi, yeɛ wanno hwee. Na ɔhyerɛle apam dwirɛ ne, bɔ ɔte mmeraa dwirɛ buru ne guale nyɔboɛ taataa ne aso.

Ɛksadɔso 34:4

Yiti Mose sele nyɔboɛ taataa nyɔ bɔ ɔte kyɛ daa deɛ ne ala ɔ; na ɔpɛle aleɛ dwɔsole fo hɔle Sinai bokaa ne aso, kyɛbɔ AWURADE hyɛle ye ne, na ɔfale nyɔboɛ taataa nyɔ ne tirale.

Yeremia 36:32

Yeɛ Yeremia fale nwomaa bɔ babobɔ ɔ foforɛ, na ɔfa mane ahyerɛlɛniɛ Baruku bɔ ye baba ole Neria ne. Ye yeɛ Yeremia hane nwomaa ko bɔ Yuda hene Yehoakim fale see yerale ye ne anu dwirɛ amukoraa maa ɔhyerɛle ɔ, na ɔfale edwirɛ bɔ ɔte kyɛ sɔ dwirɛ nemɔ ɔ pee bokale so.

Deuteronomi 4:13

Na ye apam, bɔ ye ole mmeraa dwirɛ buru ne, ɔha hyirele ɛmɔ. Ɔhyɛle ɛmɔ kyɛ ɛmɔli so, na ɔhyerɛle bɛ guale nyɔboɛ taataa nyɔ so.