Ɛksadɔso 33:9 - AHYERƐLƐ KRONGRON

⁹ Mmerɛ biala, sɛ né Mose kɔworo ɛtena sua ne anu a, munungum ningɔnn ne dwu ba ase bagyina ɛtena sua ne anoa nu berɛ, na AWURADE ne Mose bedwudwo.

Ɛksadɔso 33:9 Iomraidhean Croise

Gyenesise 17:22

Na Nyameɛ ne Abraham dwudwole yiele nen, Nyameɛ yakyili ye berɛ hɔle anwuro.

Gyenesise 18:33

Na AWURADE ne Abraham bedwudwole beyiele nen, ofili berɛ hɔle; na Abraham koso osa hɔle ye awuro.

Edwein 99:7

Odwudwo hyirele bɛ fili munungum ningɔnn ne anu. Belili ye noa dwirɛ ne nhyehyɛleɛ bɔ ɔfa mane bɛ ne aso.

Ɛksadɔso 25:22

Berɛ yeɛ me ne wɔ yɛkoyia ɔ, wɔ mbata bia ne aso anwuro, wɔ kɛrubim nyɔ bɔ bɛwɔ Adanzeɛ alaka ne aso ne b’afia. Na ngɔhã me mmeraa dwirɛ mukoraati bɔ méfa méma Yisraelfoɛ ne ngohyire wɔ.

Ɛksadɔso 31:18

Na mmerɛ bɔ Nyameɛ ne Mose bedwudwole beyiele wɔ Sinai bokaa ne aso nen, ɔfale Adanzeɛ nyɔboɛ taataa nyɔ ne mane Mose, nyɔboɛ taataa bɔ Nyameɛ afa ye sa mmɛseka wahyerɛ so ne.

Ɛksadɔso 33:10

Na sɛ mmenia ne amukoraa nwu munungum ningɔnn ne kyɛ ogyi ɛtena sua ne anoa nu berɛ a, bɛ mukoraa bedwɔso begyina, na ebiala bɔ ye ti ase sɔne AWURADE wɔ ye ɛtena sua anoa nu.

Ɛksadɔso 33:11

Né AWURADE nate sɔ atee he aso ogyina Mose nyunu ɔne ye bedwudwo, kyɛbɔ sona ne obiɛngo bedwudwo ne ala. Na sɛ Mose sá ba asikyeleɛ ne anu a, ye bokafoɛ aberandeɛ Yosua bɔ ɔte Nun awa ne, ye de ɔka ɛtena sua ne anu dɔ.

Ɛksadɔso 33:8

Na mmerɛ biala, sɛ né Mose ɔkɔ ɛtena sua ne anu a, mmenia ne amukoraa dwɔso gyina, ebiala gyina ye tena sua anoa nu, na ɔnea Mose toonn maa ɔkɔworo ɛtena sua ne anu.

Ɛksadɔso 34:3

Nnɛfa sona biala boka wɔ nwo so ɛne ye bɛfo bɛba; ɔnzɛ kyɛ benwu sona biala wɔ bokaa ne anwo nekaa biala; yeɛ nnɛma mmoaen anaa nandwie biala kɔ adidie wɔ bokaa ne nyunu.”

Ɛksadɔso 34:5

Na AWURADE dwu wale ase wɔ munungum nu oogyinane ye nwo berɛ, na ɔbɔle ye bɔbɔ ye dumaa YAHWE (AWURADE) ne.

Ɛksadɔso 34:9

Na ɔhane kyɛ, “O AWURADE, sɛ alo me a, nzaade AWURADE, mesrɛ wɔ, boka yɛ so ɛne yɛ hɔ. Ɔwɔ nu kyɛ mmenia hemɔ bɛ so yɛ se de, nakoso fa yɛ amumuyɛɛ ne yɛ bɔne kyɛ yɛ, ná fa yɛ wura wɔ kunu.”

Hesekiel 3:22

AWURADE tumi ne wale me so wɔ berɛ, na osele me kyɛ, “Dwɔso, si nu kɔ bɔnza ne anu dɔ, na dɔ yeɛ me ne wɔ yɛkodwudwo ɔ.”

Numeri 11:17

Ngodwu ngɔwa me ne wɔ yɛkoodwudwo wɔ berɛ, na ngɔfa sunzum bɔ ɔwɔ wɔ nu ne bie ngowura bɛ nu. Ɛne bɛ ɛmɔkɔfa mmenia ne anwo fɛɛ bɛkɔto ɛmɔ nwo so, amaa wanna wɔ ngome wɔ so.

Numeri 7:89

Sɛ né Mose kɔ ɛtena sua ne anu kyɛ ɔne AWURADE bɛkwaadwudwo a, né ɔte komviɛ ne kyɛ odwudwo kyire ye fi Adanzeɛ alaka ne aso mbata bia bɔ ɔwɔ kɛrubim nyɔ ne b’afia ne, ye anwuro ɔ; né komviɛ ne ɔne Mose bedwudwo.

Deuteronomi 31:14

Na AWURADE sele Mose kyɛ, “Ɔngɔhyɛ biala né awu. Frɛ Yosua ná ɛne ye bɛbra ɛtena sua atenaleɛ nu berɛ, ná mva m’adwuma nwura ye sa.” Yiti Mose ne Yosua bɛhɔle ɛtena sua atenaleɛ nu berɛ.

Deuteronomi 31:15

AWURADE yele ye nwo ali munungum ningɔnn nu wɔ ɛtena sua atenaleɛ nu berɛ, na munungum ningɔnn ne oogyinane ɛtena sua atenaleɛ nu anoa nu berɛ.