Ɛksadɔso 33:4 - AHYERƐLƐ KRONGRON

⁴ Na mmerɛ bɔ mmenia ne tele sɔ aworabɔlɛ dwirɛ nen, belili yealɛ; na ebiala amva ye mbembenanneɛ wanziesie ye nwo.

Ɛksadɔso 33:4 Iomraidhean Croise

2 Samuel 19:24

Sɔɔlo anomaa Mefibosɛte hɔle ooyiale Nana Dawide. Né wayakyi ye gya boen maa wafu, wama ye kanza afu funyaenn, na ye ndaadeɛ koso né ɔppole, fite kyẽa bɔ Nana Dawide fili Yerusalem maa oodwuli kyẽa bɔ osa wale asomdwee nu ɔ.

1 Ahemvo 21:27

Ahabo tele sɔ dwirɛ ne nen, osunzuale ye bɔbɔ ye ndaadeɛ nu, na ɔherale ɛsɛen tena. Ɔyɔle akɔngyere, ɛsɛen tena yeɛ ɔfa gurɔle ye nwo ɔ, na olili aworabɔlɛ.

2 Ahemvo 19:1

Nana Hesekia tele sɔ dwirɛ nen, osunzuale ye bɔbɔ ye ndaadeɛ nu, ɔherale ɛsɛen tena, na ɔhɔle AWURADE awuro berɛ.

Ɛsra 9:3

Ndele sɔ dwirɛ nen, nzunzuale m’ataadeɛ ne m’ataadeɛ aguasoɛ nu, ndutuli me ti nwiaa ne me kanza nwiaa, na mvale aworabɔlɛ mbofole aseɛnwo berɛ.

YOB NWOMAA NE 1:20

Yeɛ Yob dwɔsole, osunzuale ye bɔbɔ ye ndaadeɛ nu, ɔpoane ye ti, na ɔtole ye nwo yele aseɛnwo berɛ sɔnene (Nyameɛ).

YOB NWOMAA NE 2:12

Bɛwɔ dedeede ná bɛtole bɛ nye bɛneane ye nen, bannwu ye sona horɛ. Yiti besuni hahii, besunzuale bɛ ndaadeɛ nu, na betuli mvuture bɛhɔle anwuro beguale bɛ ti so.

Ɛksadɔso 33:6

Yiti Yisraelfoɛ puropurole bɛ nwo mbembenanneɛ ne, fite mmerɛ bɔ befili Horebo bokaa ne anwo ne.

Yesaya 32:11

Ɛmɔ, mmrasua bɔ ɛmɔ so anu atɔ ɛmɔ ɔ, ɛ́mɔma ɛmɔ nwo wosowoso ɛmɔ, ɛmɔ, mmrasua bɔ ɛmɔ nwo atɔ ɛmɔ ɔ, ɛ́mɔma ɛmɔ kunu tete ɛmɔ, ɛ́mɔdwa ɛmɔ tena bégua bɛ́ma ɛmɔ nwo la so, ná ɛmɔfa ɛsɛen tena bɛ́pɛ ɛmɔ bo.

Hesekiel 24:17

Gua anwongokoɔ konn, yeɛ nnɛsũ sona bɔ wawu ne. Bɔ w’abotire, ná fa wɔ mbaboa wura. Nnɛfa nikyee kata wɔ noa, yeɛ nnɛdi ɛsɛenvoɛ aleɛ.”

Hesekiel 24:23

Ɛmɔkɔbɔ ɛmɔ abotire, yeɛ ɛmɔkowura ɛmɔ mbaboa. Ɛmɔngɔbɔ awuye, yeɛ ɛmɔngosu, na mmom ɛmɔkoli aworabɔlɛ bekonwu ɛmɔ amumuyɛɛ nwo amaneɛ, na ɛmɔkɔpenepene bekohyirehyire ɛmɔ nwo ngoko ngoko.

Hesekiel 26:16

Na afei, ɛpo so ahemvo amukoraa bekodwu ase bekofi b’ahennie bia so, bekopuropuro bɛ ndaadeɛ aguasoɛ, na bekodwa bɛ ndena bɔ bali adwii bagua nu ɔ bekogua berɛ. Ahunundetelɛ kɔtɔ bɛ so, bekopofo aseɛnwo, bɛ nwo kɔwoso bɛ mmerɛ biala, na ɔnate wɔ ti, bɛ nwo kodwiri bɛ.

Hosea 7:14

Bemvi b’ahone nu benzu bɛmvrɛ me, na mmom bɛbɔ awuye wɔ bɛ bɛen so; bɛpepɛ bɛ nwo naen bɛpena aburoo ne nzaa, na bɛyɛ me nwo lɔen.

Lewitikɔso 10:6

Na Mose sele Aarɔn, ɔne Aarɔn mma mmienzua Eleasa ne Yitama kyɛ, “Nnɛmɔma ɛmɔ ti nwiaa fu gua ye nwo fusaa, yeɛ nnɛma ɛmɔsunzua ɛmɔ ndaadeɛ nu. Sɛ ɔba ye sɔ a, ɛmɔkowu, na AWURADE ɛyaafɛlɛ piri kɔwa maen ne amukoraa so. Nakoso ɛmɔ aliɛma mɔ, Yisrael awuro ama mukoraa de, bɛkɔhora bekosu bɛ bɔ AWURADE afa see wayera bɛ ne.

Yona 3:6

Na Ninewe hene tele edwirɛ bɔ wasi nen, ofili ye ahennie bia so dwɔsole, odwale ye ataadeɛ aguasoɛ guale, ɔfale ɛsɛen tena herale, na ɔtenane nzoen nu.

Sakaria 7:3

ná bebisa Asafo AWURADE awuro berɛ asɔfo mɔ ne ngɔmhyɛlɛfoɛ nemɔ kyɛ, “Aso nni aworabɔlɛ ná ngye hɔen wɔ bosome bɔ ɔtɔ so nnu ne anu, kyɛbɔ mayɔ ye afoɛ worawora ye anu ye anaa?”

Sakaria 7:5

“Bisa aseɛ ne aso ama mukoraa ne asɔfo nemɔ kyɛ: Mmerɛ bɔ ɛmɔhyele hɔen ná ɛmɔlili aworabɔlɛ wɔ bosome bɔ ɔtɔ so nnu, ɔne nzoo ne anu, bɔ afoɛ aburasoo ɛhe ne, aso me ti yeɛ ɛmɔhyele hɔen ne ɔ?

Numeri 14:1

Yisraelfoɛ amukoraati bɛteateane nu serɛserɛ, na besuni sɔ kɔngɔen ne.

Numeri 14:39

Mose hane edwirɛ hemɔ hyirele Yisraelfoɛ amukoraa ne, besuni hahii.

1 Samuel 6:19

Nyameɛ huni Bete Semesefoɛ nemɔ bie, ofikyɛ bɛneane AWURADE alaka ne anu. Ohuni maen ne anu mmenia aburasoo, na mmenia ne lili aworabɔlɛ, ofikyɛ AWURADE huni maen ne anu mmenia pee paa.