Ɛksadɔso 33:19 - AHYERƐLƐ KRONGRON

¹⁹ Na AWURADE buale kyɛ, “Ngɔma me paayɛlɛ mukoraati kɔsẽ kɔpɛ nu wɔ wɔ nyunu, ná mabɔ me dumaa AWURADE ne wɔ wɔ nyunu. Ofikyɛ sona bɔ ngɔlo ye ne yeɛ ngɔlo ye ɔ, yeɛ bɔ ngonwu ye anwumvoin ne yeɛ ngonwu ye anwumvoin ɔ.

Ɛksadɔso 33:19 Iomraidhean Croise

Nehemia 9:25

Na bɛho bɛfale nguro bɔ bato bɛ nwo fasue ne aseɛ bɔ ɔkye aleɛ ɔ. Na bɛfale awuro mɔ bɔ nningyein paa ayi bɛ tɛkyɛ ɔ, abura mɔ bɔ batutu ɔ, bobe boo mɔ, olive boo mɔ ne mmakaa bɔ basu biribiraa ɔ bɛyɛle bɛ deɛ. Yiti bedidili ma bɛ ko yili na bɛyɛle mbiri, na wɔ paa kandinga bɔ ɛyɛle bɛ ne ati bɛgyele bɛ nye.

Edwein 25:13

Ye kra kɔtena asomdwee nu, na ye boso ama konya aseɛ ne maa ɔkɔyɛ b’agyapadeɛ.

Edwein 65:4

Bɛ bɔ ɛneanea nu ɛtwe bɛ bata wɔ nwo, kyɛ bɛɛtena w’abrannaa nu ne, benya saleɛ. W’awuro bɔ yeɛ ole w’asɔneyɛɛ sua krongron ne, nu nningyein paa ne, ɔma yɛ nwo tɔ yɛ.

Yesaya 12:4

Na sɔ kyẽa ne, ɛmɔkose kyɛ, “Ɛ́mɔfa asennaa bɛ́ma AWURADE, ɛ́mɔbɔ ye dumaa, ɛ́mɔbɔ ye anwanwadeɛ ne dawure wɔ maen maen mɔ nu, ɛ́mɔbɔ ye dawure kyɛ ye dumaa ne te piri.

Yesaya 7:14

Yiti AWURADE bɔbɔ kɔma ɛmɔ sɛngyerɛnneɛ. Ɛ́mɔtie! taluwa bie kɔnwonzɛ kɔwo baa bienzua, na ɔkɔto ye dumaa Yimanuel.

Yesaya 9:6

Ofikyɛ bawo akwadaa bama yɛ, bama yɛ baa bienzua, ye yeɛ ahennie ne kowura ye sa ɔ, na ye dumaa ne, bɛkɔfrɛ ye kyɛ, “Foɛtulɛniɛ Nwanwaniɛ, Nyameɛ Tuminiɛ, Seɛ bɔ ɔwɔ berɛ Afebɔɔ, Asomdwee Hene.”

Yeremia 31:12

Yiti bɛkɔwa bɛkɔɔto dwein wɔ Sion bokaa ne ti afia, na bɛ nye kɔgye, ɔnate AWURADE paayɛlɛ ne ati, ɔne aleɛ, nzaa ne ngoo ne ati, yeɛ mmoaen akrɔngrɔma mɔ ne nandwie akrɔngrɔma mɔ ti. B’asetena nu kɔyɛ kyɛ eboo bɔ onya nzue ɔ, na bɛ wora ngɔbɔ ko koraa.

Yeremia 31:14

Ngɔfa aleɛ fɛɛ ngɔma asɔfo nemɔ bɛ kra ko koyi, na me maen konya me nningyein paa kɔma bɛ ko koyi, AWURADE noa dwirɛ ɛne.”

Sakaria 9:17

Ah, kyɛbɔ osi te paa ɔ, kyɛbɔ ye nwo si yɛ nyemene ɔ! Aburoo kɔma mmerandeɛ mɔ kɔyɛ tukutukuu, na nzaa monɛ koso kɔma ndaluwa kɔyɛ sɔ ala.

Romanfoɛ 2:4

Aso ɛmva Nyameɛ paayɛlɛ mmorosoɛ ne ye aboterɛ pee ne nyɛ hwee hɔ ɔ? Ɛnze kyɛ Nyameɛ paayɛlɛ ne ɔboka wɔ maa ɛsakyera w’adwene hɔ ɔ?

Romanfoɛ 9:23

Afei koso ɔyɛle kyɛ ɔkɔla ye animnyam mmorosoɛ ne ali kohyire bɛ bɔ wanwu bɛ anwumvoin ne, ofikyɛ wasiesie bɛ wasie berɛ dada kyɛ bɛfata ye animnyam ne.

Deuteronomi 32:3

Ofikyɛ ngɔbɔ AWURADE dumaa dawure. Ɛ́mɔhã kyɛ yɛ Nyameɛ te piri!