Ɛksadɔso 33:14 - AHYERƐLƐ KRONGRON

¹⁴ Na AWURADE buale kyɛ, “Me bɔbɔ deinn me ne wɔ kɔhɔ, na ngɔmaa ekole wɔ nwome.”

Ɛksadɔso 33:14 Iomraidhean Croise

YOB NWOMAA NE 34:29

Na sɛ ɔyɛ konn a, nwa yeɛ ɔkɔhora kobua ye fɔ ɔ? Sɛ ɔfa ye nyunu fea a, nwa yeɛ okonwu ye ɔ? Nakoso, kyɛ maen oo, kyɛ sona oo, ɔnea bɛ so,

Edwein 95:11

Yiti mvɛle yaa ndale ndaen kyɛ, “Bengowura me nwomelelɛ ne anu bie.”

Ɛksadɔso 13:21

Alehyeleɛ nu, AWURADE lili bɛ nyunu wɔ munungum ningɔnn nu hyirele bɛ atee. Na alesaleɛ nu koso, ɔtale hyireinn mane bɛ wɔ see ningɔnn nu, kyɛbɔ bɛkɔhora bɛkɔnate eyia ne kɔngɔen ɔ.

Ɛksadɔso 3:12

Na Nyameɛ sele ye kyɛ, “Ngoli wɔ si. Na bɔ okohyire kyɛ me yeɛ mésoma wɔ ɛhe: sɛ ɛye maen ne fi Misraim ba a, sɔ bokaa he aso yeɛ ɛmɔkɔsɔne Nyameɛ ɔ.”

Yesaya 63:9

Bɛ yealɛlilɛ amukoraa nu ne, ɔyɛle ye yea, na ye nyunu abɔfo ne, ɔpepɛ lele bɛ; ɔnate ye dɔ ne ye anwumvoinnwunɛ ne aso ɔpepɛ lele bɛ, ɔpagyale bɛ, na ododole bɛ wɔ daa tete mmerɛ ne amukoraa.

Yeremia 31:2

AWURADE nwa nyoo: Bɛ bɔ benyane bɛ ti bedidili nu befili ngrandɛ noa ne, benyane adom wɔ ɛserɛ so, mmerɛ bɔ mmane Yisrael nyane ye nwome lele ne.

Yeremia 6:16

Bɔ AWURADE kã hɔ ɛhe: “Ɛ́mɔgyina atee nemɔ aso, ná ɛ́mɔnea; ɛ́mɔbisa bɛ́pena tete atimbire nemɔ, nekaa bɔ atee paa ne la ne, ná ɛ́mɔfa so, amaa ɔnate so ɛmɔanya nwomelelɛ bama ɛmɔ kra. Nakoso bɛnwa, ‘Yɛngɔfa so.’

Daniel 12:13

Nakoso wɔ de, kɔ w’atee maa oodwu ayieleɛ ne; ekole wɔ nwome, na ayieleɛ mmerɛ ne dwu a, ekodwɔso konya wɔ kyɛfa bɔ bahyehyɛ bato berɛ bama wɔ ne.”

Mateo 11:28

“Ɛmɔ amukoraa bɔ ɛmɔayɔ adwuma bafɛ ná bafa adesoa nonɛnonɛ basoa ɛmɔ ne, ɛmɔbra me berɛ, na ngɔmaa ɛmɔkole ɛmɔ nwome.

Mateo 28:20

ná ɛmɔhyirehyire bɛ maa beli nikyee biala bɔ mahyɛ ɛmɔ ne aso. Na ɛ́mɔtie, me ne ɛmɔ wɔ berɛ mmerɛ biala kodwu ewiase ayieleɛ.”

Deuteronomi 12:10

Nakoso sɛ ɛmɔpɛ asue Yɔɔdan bɛkɔɔtena aseɛ bɔ AWURADE ɛmɔ Nyameɛ ɔ́fa ma ɛmɔ maa ɔyɛ ɛmɔ deɛ ne aso, ná ɔbɔ ɛmɔ nwo waen fi ɛmɔ pɔfoɛ bɔ bapɛ ɛmɔ nwo bayia ne amukoraati sa nu, maa ɔnate so ɛmɔtena berɛ asomdwee nu a,

Deuteronomi 25:19

Yiti sɛ AWURADE wɔ Nyameɛ ma wɔ nwo tɔ wɔ fi wɔ pɔfoɛ amukoraati bɔ bapɛ wɔ nwo bayia ne sa nu, wɔ aseɛ bɔ AWURADE wɔ Nyameɛ ɔ́fa ma wɔ maa ɔyɛ wɔ deɛ ne aso a, kyikyi Amalɛkefoɛ bɛ boso bɔkɔɔ fi ewiase. Nnɛma wɔ wora fi!

Deuteronomi 3:20

kɔpem kyɛ AWURADE kɔma ɛmɔ aliɛma mɔ konya nekaa kole bɛ nwome, kyɛbɔ wayɔ wama ɛmɔ ne; kɔpem kyɛ bɛ koso bɛ sa kɔha aseɛ bɔ AWURADE ɛmɔ Nyameɛ ɔ́fa ma bɛ wɔ asue Yɔɔdan si dɔ ne ɔ. Na ɛhe asi ne, ebiala kɔhora kosa kɔɔfa ye aseɛ bɔ mafa mama ɛmɔ ne.’

Deuteronomi 31:8

AWURADE yeɛ oli wɔ nyunu ɔ; okoli wɔ si, ongoli wɔ ngasi, yeɛ ɔngɔyakyi wɔ nu. Nnɛsuro, yeɛ nnɛma wɔ kunu tete wɔ.”

Deuteronomi 4:37

Na ɔnate kyɛ ohurole wɔ nana mɔ dwirɛ ne ati, ɔpale nu yele bɛ bosofoɛ. Na ye bɔbɔ deinn ɔnate ye tumi piri so yeɛ ɔyele wɔ fili Misraim ɔ.

Yosua 1:5

Sona biala ngɔhora ngogyina wɔ nyunu, mmerɛ biala bɔ ɛte ase ɔ. Na kyɛbɔ ngyinane Mose si nen, sɔ ala yeɛ ngogyina wɔ si ɔ. Mengoli wɔ ngasi, yeɛ mengɔyakyi wɔ nu.

Yosua 21:44

AWURADE bɔle bɛ atenaseɛ asomdwee nu wɔ aseɛ ne aso nekaa biala, kyɛbɔ ɔtale ye nwo ndaen hyirele bɛ nana mɔ ne. Bɛ pɔfoɛ amukoraa nu ko po wangora bɛ nyunu gyina, ofikyɛ AWURADE maa belili bɛ mukoraa so ngonim.

Yosua 22:4

Afei AWURADE ɛmɔ Nyameɛ wabɔ ɛmɔ aliɛma mɔ atenaseɛ asomdwee nu, kyɛbɔ ɔhyɛle bɛ bɔ ne. Yiti ɛ́mɔsa ɛmɔ si bɛhɔ ɛmɔ kuro, wɔ aseɛ bɔ waayɛ ɛmɔ deɛ ne aso, aseɛ bɔ AWURADE somvoɛ Mose fa mane ɛmɔ wɔ asue Yɔɔdan si dɔ ne.

Yosua 23:1

Afoɛ pee asi ne, mmerɛ bɔ AWURADE mane Yisrael nyane asomdwee fili ye pɔfoɛ amukoraa bɔ bapɛ ye nwo bayia sa nu nen, mmerɛ bɔ né Yosua anyi wayɛ aworowaa ne,