Ɛksadɔso 33:12 - AHYERƐLƐ KRONGRON

¹² Na Mose sele AWURADE kyɛ, “Tie oo, wɔ ala yeɛ ɛkã kyire me kyɛ, ‘Fa mmenia hemɔ kɔ,’ nakoso ɛmma nnwuni sona bɔ ɛkɔsoma ye maa ɔne me kɔhɔ ɔ. Nakoso wɔ komapɛ ne ala yeɛ aha kyɛ, ‘Mese wɔ paa ne wɔ dumaa, na malo wɔ.’

Ɛksadɔso 33:12 Iomraidhean Croise

Gyenesise 18:19

Mapa nu maye ye, kyɛ ɔ́hyɛ ye mma ne ye boso ama bɔ bɛkɔwa nziɛ ye ma bɛnate AWURADE atee so, ma bɛyɔ bɔ ɔtengyɛ, ɔne bɔ ɔte pɛpɛɛpɛ ɔ; amaa ɔnate so AWURADE ama ɛbɔ bɔ wahyɛ Abraham ne awa nu.”

2 Samuel 15:25

Na Nana Dawide sele Sadoke kyɛ, “Fa Nyameɛ alaka ne sa kɔ kuro ne anu. Sɛ ebiaa AWURADE nwu me anwumvoin a, ɔkɔmaa ngosa ngɔwa ngoonwu alaka ne, ɔne nekaa bɔ ogyi ɔ.

Edwein 1:6

ofikyɛ AWURADE se teneneefoɛ b’atee bɔ bɛnate so ɔ, nakoso bɔnefoɛ de, b’atee bɔ bɛnate so ne, ongoyie bɛ yé.

Ɛksadɔso 3:10

Yiti bra. Mésoma wɔ maa ɛkɔ Faro berɛ ɛkɔye me mmenia Yisraelfoɛ efi Misraim!”

Ɛksadɔso 3:4

Na AWURADE nwuni kyɛ wamakye wafa dɔ ɔkwaanea nen, ɔfrɛle ye fili ngyɛkyerɛ ne anu kyɛ, “Mose! Mose! Na osurole kyɛ, “Me ɛhe.”

Ɛksadɔso 32:34

Nakoso kɔ, ná kɔfa mmenia ne kɔ nekaa bɔ mahã ye nwo dwirɛ mahyire wɔ ne. Tie, m’abɔfo koli wɔ nyunu moa, nakoso kyẽa bie kɔwa bɔ ngɔmaa bekonya bɛ bɔne nwo akatuaa ɔ.”

Ɛksadɔso 33:1

Na AWURADE sele Mose kyɛ, “Fi ɛwa kɔ, ɛne mmenia bɔ ɛɛyele bɛ fili Misraim aseɛ so wale ne. Aseɛ bɔ ndale ndaen mva mɔle Abraham, Yisake ne Yakob anohoba kyɛ, ‘Wɔ bosofoɛ yeɛ ngɔfa ngɔma bɛ ɔ’ ne, kɔ so.

Ɛksadɔso 33:17

Na AWURADE sele Mose kyɛ, “Sɔ dwirɛ he bɔ aha ye, ngɔyɔ; ofikyɛ malo wɔ, na mese wɔ paa ne wɔ dumaa.”

Ɛksadɔso 33:2

Ngɔsoma m’abɔfo maa okoli wɔ nyunu, na ngɔfoa Kanaanfoɛ, Amorifoɛ, Hitifoɛ, Perisifoɛ, Hiwifoɛ ne Yebusifoɛ mɔ ngofi so.

Ɛksadɔso 34:9

Na ɔhane kyɛ, “O AWURADE, sɛ alo me a, nzaade AWURADE, mesrɛ wɔ, boka yɛ so ɛne yɛ hɔ. Ɔwɔ nu kyɛ mmenia hemɔ bɛ so yɛ se de, nakoso fa yɛ amumuyɛɛ ne yɛ bɔne kyɛ yɛ, ná fa yɛ wura wɔ kunu.”

Yesaya 43:1

Na afei, O Yakob, AWURADE bɔ ɔbɔle wɔ, O Yisrael, ye bɔ ɔnwone wɔ ne, ɔnwa nyoo: “Nnɛsuro, ofikyɛ maapɔ wɔ male wɔ, mabɔ wɔ dumaa mafrɛ wɔ, ɛte me deɛ.

Yesaya 45:3

Ngɔfa anwonyadeɛ bɔ ɔwɔ awosii nu, ɔne agyapadeɛ bɔ ɔwɔ mvealeɛ nu ɔ ngɔma wɔ, amaa ɔnate so anwu kyɛ me, AWURADE Yisrael Nyameɛ, me yeɛ mmɔle wɔ dumaa mvrɛle wɔ ɔ.

Yeremia 1:5

“Anzana mebaanwo wɔ wɔ bɛ kunu ne, né mese wɔ, anzana ɛbaafi bɛ kunu ba ne, né mate wɔ nwo; na nduli wɔ nziele berɛ nyɛle wɔ ngɔmhyɛlɛniɛ mane Amaenmaensofoɛ.”

Hagae 2:5

Na kyɛbɔ me ne ɛmɔ yɛyɛle apam wɔ mmerɛ bɔ ɛmɔfili Misraim bɛwale ne, sɔ ala yeɛ me Sunzum te ɛmɔ nu ɔ, yiti nnɛma ɛmɔsuro.

2 Timoteo 2:19

Nakoso Nyameɛ fapem ne, ogyi berɛ pindinn, bɔ nzɔanoɛ he sɔ ye noa ɔ: “Awurade se bɛ bɔ bɛte ye deɛ”, yeɛ “Ma ebiala bɔ ɔbɔ Awurade dumaa ne ɔhwe ye nwo fi amumuyɛɛ nwo.”