Ɛksadɔso 33:11 - AHYERƐLƐ KRONGRON

¹¹ Né AWURADE nate sɔ atee he aso ogyina Mose nyunu ɔne ye bedwudwo, kyɛbɔ sona ne obiɛngo bedwudwo ne ala. Na sɛ Mose sá ba asikyeleɛ ne anu a, ye bokafoɛ aberandeɛ Yosua bɔ ɔte Nun awa ne, ye de ɔka ɛtena sua ne anu dɔ.

Ɛksadɔso 33:11 Iomraidhean Croise

Gyenesise 32:30

Yiti Yakob frɛle berɛ Peniɛl, ofikyɛ ɔnwa, “Me nye abɔ Nyameɛ nyunu, nakoso me ngoa tɛ tira me.”

2 Aberɛso Dwirɛ 20:7

Yɛ Nyameɛ, aso nna wɔ yeɛ ɛfoane mmenia bɔ né bɛte aseɛ ye aso fili wɔ maen Yisrael nyunu, ná ɛfa mane wɔ damvo Abraham ye boso ama afebɔɔ ɔ?

YOB NWOMAA NE 16:21

kyɛ okoli sona ne Nyameɛ b’afia dwirɛ ɔ, kyɛbɔ sona di obiɛngo ti dwirɛ ɔ.

Ɛksadɔso 17:9

Na Mose sele Yosua kyɛ, “Yeye yɛ nu mmienzua ne bie, ná ɛne Amalɛkefoɛ bɛɛho. Ngɔfa Nyameɛ pɔmaa ne ngotira ɛhema, na ngɔhɔ ngoogyina bokaa ne ti afia.”

Ɛksadɔso 24:13

Yiti Mose dwɔsole, ɔne ye bokafoɛ Yosua, na Mose hɔle Nyameɛ bokaa ne aso.

Ɛksadɔso 32:17

Na mmerɛ bɔ Yosua tele kyɛ mmenia nemɔ bɛ́bɔ ese nen, osele Mose kyɛ, “Koɛ nwo dede bie asi asikyeleɛ berɛ.”

Ɛksadɔso 33:10

Na sɛ mmenia ne amukoraa nwu munungum ningɔnn ne kyɛ ogyi ɛtena sua ne anoa nu berɛ a, bɛ mukoraa bedwɔso begyina, na ebiala bɔ ye ti ase sɔne AWURADE wɔ ye ɛtena sua anoa nu.

Ɛksadɔso 33:9

Mmerɛ biala, sɛ né Mose kɔworo ɛtena sua ne anu a, munungum ningɔnn ne dwu ba ase bagyina ɛtena sua ne anoa nu berɛ, na AWURADE ne Mose bedwudwo.

Yesaya 42:8

Me ole AWURADE, me dumaa ɛne, memva m’animnyam memma ebiala, yeɛ m’ayɛyelɛ koso, memva memma amoen mɔ.

Numeri 11:28

Yeɛ Nun awa Yosua bɔ ɔte Mose bokafoɛ fite ye mmerandeɛ nu, bɔ ɔboka mmienzua bɔ Mose yele bɛ ne aso ne, ɔhane kyɛ, “Me mene Mose, bera bɛ!”

Numeri 12:7

Nakoso Mose deɛ de, ɔtte sɔ; me maen amukoraati wura ye sa.

Numeri 12:8

Ye de megyina ye nyunu me ne ye yɛdwudwo pefee; mendwudwo mengyire ye anyandera nu; na onwu kyɛbɔ AWURADE ye sue te ɔ. Nzu ati yeɛ ɛmɔanzuro kyɛ ɛmɔkodwudwo bekotia me somvoɛ Mose ɔ?”

Yohane 11:11

Yesu hane sɔ dwirɛ nemɔ nen, ye si ye osele bɛ kyɛ, “Yɛ damvo Lasarɔso walafe, nakoso mekwaatingye ye.”

Yohane 3:29

Bɔ atɔmvorɛ braa ne ɔte ye deɛ ne, ye ole atɔmvorɛ biaa ne. Na atɔmvorɛ biaa n’adamvo bɔ ogyina berɛ, ná otie ye ne de, ɔma ye nye gye paa wɔ atɔmvorɛ biaa ne komvi nwo; yiti afei de, m’anigye ne wali mu.

Deuteronomi 31:14

Na AWURADE sele Mose kyɛ, “Ɔngɔhyɛ biala né awu. Frɛ Yosua ná ɛne ye bɛbra ɛtena sua atenaleɛ nu berɛ, ná mva m’adwuma nwura ye sa.” Yiti Mose ne Yosua bɛhɔle ɛtena sua atenaleɛ nu berɛ.

Deuteronomi 34:10

Ngɔmhyɛlɛniɛ foforɛ biala nne berɛ bɔ wadwɔso wɔ Yisrael bɔ ɔte kyɛ Mose ɔ. Ye yeɛ AWURADE maa ogyinane ye nyunu ɔne ye bedwudwole ɔ;

Deuteronomi 5:4

AWURADE gyinane ɛmɔ nyunu dwudwo hyirele ɛmɔ fili see ne anu wɔ bokaa ne aso.

Yakobo 2:23

Na ɛhe mane Ahyerɛlɛ ne wale nu kyɛ, “Abraham lele Nyameɛ lili, na obuli sɔ tenenee mane ye”; na bɛfrɛle ye Nyameɛ damvo.