Ɛksadɔso 32:9 - AHYERƐLƐ KRONGRON

⁹ Na AWURADE sele Mose kyɛ, “Manwu sɔ mmenia hemɔ, na bɛte asoserɛfoɛ mmenia.

Ɛksadɔso 32:9 Iomraidhean Croise

2 Ahemvo 17:14

Nakoso bandie, na mmom bɛyɛle asoserɛ kyɛbɔ bɛ nana mɔ bɔ banne AWURADE bɛ Nyameɛ banni ne, bɛyɛle ne ala.

2 Aberɛso Dwirɛ 30:8

Nnɛma ɛmɔyɛ asoserɛ kyɛbɔ ɛmɔ nana mɔ yɛle ne, na mmom ɛ́mɔbrɛ ɛmɔ nwo ase bɛ́ma AWURADE. Ɛmɔbra AWURADE ɛmɔ Nyameɛ nekaa krongron bɔ wate ye nwo afebɔɔ ne anu, ná ɛ́mɔso ye, amaa ɔnate so wayakyi ye yaa piri bɔ wafɛ ye wɔ ɛmɔ so ne.

Nehemia 9:16

“Nakoso bɛ ne yɛ nana mɔ bɛyɛle anwomasoɛ ne asoserɛ, na banni wɔ mmeraa dwirɛ ne aso.

Nehemia 9:17

Bɛyɛle b’adwene kyɛ bengoli so, na anwanwadeɛ bɔ ɛyɔle mane bɛ ne, bangaye, na mmom bɛyɛle asoserɛ, yeɛ bɛyele sona maa ɔlale bɛ noa kyɛ besa bɛkɔ ngoaasolɛ nu wɔ Misraim. Nakoso ɛte Nyameɛ bɔ ɛfa bɔne kyɛ, ɛdo mmenia, yeɛ ɛse anwumvoin, w’ahone nhu ndɛ, wɔ ɔdɔ bɔ onni ngasi sone, na anye wɔ sa amvi bɛ bo.

Edwein 78:8

Ɛhe kɔmaa bɛngɔyɛ kyɛ bɛ nana mɔ, bɔ né bɛte aworɛ ndoatoasoɛ asoserɛfoɛ bɔ bayɛ lɔen ɔ, aworɛ ndoatoasoɛ bɔ bamva bɛ nwo bando Nyameɛ so, bɔ bɛ sunzum wanni nahorɛ wamma Nyameɛ ɔ.

Ɛksadɔso 33:3

Kɔ aseɛ bɔ nyɔfonesue ne woɛ tengyɛ wɔ so ne aso; nakoso me de, me ne wɔ ngɔbɔ agyirɛ ngɔhɔ, annea né mama wɔ boso akyikyi wɔ atunu, ofikyɛ ɛte maen bɔ wɔ so yɛ se ɔ.

Ɛksadɔso 33:5

Ofikyɛ né AWURADE aha ahyire Mose kyɛ, “Ka kyire Yisraelfoɛ kyɛ, ‘Ɛmɔte mmenia bɔ bɛ so yɛ se ɔ; na sɛ me ne ɛmɔ yɛsã nu yɛkɔ kaala po a, ngɔma ɛmɔ boso konua. Yiti ɛ́mɔyeye ɛmɔ nwo mbembenanneɛ ne, amaa mahora manwu nikyee bɔ ngɔfa ngɔyɔ ɛmɔ ɔ.’ ”

Ɛksadɔso 34:9

Na ɔhane kyɛ, “O AWURADE, sɛ alo me a, nzaade AWURADE, mesrɛ wɔ, boka yɛ so ɛne yɛ hɔ. Ɔwɔ nu kyɛ mmenia hemɔ bɛ so yɛ se de, nakoso fa yɛ amumuyɛɛ ne yɛ bɔne kyɛ yɛ, ná fa yɛ wura wɔ kunu.”

Anyandera 29:1

Sona bɔ bɛtaa betwi ye nyunu a ogua ye so asi ne, musue bɔ ɔkɔto ye mvum nu ne, ongonya ye sɔbea.

Yesaya 48:4

Ofikyɛ, mese kyɛ wɔ so yɛ se, ayɛ wɔ kɔme kyeinn kyɛ buralɛ, ɔne wɔ nwoma so kyɛ ayaa.

Yeremia 13:27

Manwu w’agyaasɛkyelɛ ne, wɔ ehurolɛ nu ndeateamuɛ ne, w’animguaseɛ gyandera ne, yeɛ w’akyiwadeɛ yɔleɛ wɔ eburo mmokaa nemɔ aso ne. Ao Yerusalem, wɔ yaakɔ! Ɔkwaadwu kyinzu koraka né wɔ nwo ate.

Hosea 6:10

Manwu anwodwiri nikyee wɔ Yisrael awuro ama nu. Berɛ yeɛ Efraim gyanderabɔlɛ ne wɔ ɔ; Yisrael nwo agua fiɛ.

Numeri 14:11

Na AWURADE sele Mose kyɛ, “Mmenia hemɔ kobu me animtia maa okoodwu kyinzu? Nzɛngyerɛnneɛ amukoraa bɔ mayɔ mama bɛ ye asi ye, kyinzu yeɛ bekole me bekoli ɔ?

Asomafoɛ 7:51

Na Setefano toale so hane kyɛ, “Yisraelfoɛ asoserɛfoɛ, ɛmɔapini b’ahone, yeɛ afei ɛmɔaprapra bɛ so asi wɔ Nyameɛ dwirɛ ne anwo. Ɛmɔte kyɛ ɛmɔ nana mɔ ala, bɔ dáa ɛmɔsi Sunzum Krongron ne ate ɔ!

Deuteronomi 10:16

Yiti odi kyɛ ɛmɔye ɛmɔ ahone nwo bɔne ndwirahoɛ ne, na nnɛma ɛmɔyɛ asoserɛ ko.

Deuteronomi 31:27

Ofikyɛ mese wɔ nye bɔ ɔnzɔ nikye ɔne w’asoserɛ. Me ne ɛmɔ yɛte ase ye po yeɛ ɛmɔahwi bafa AWURADE dwirɛ so sɔa ye, na me wue asi koso ɛ!

Deuteronomi 9:13

“Na AWURADE sá sele me kyɛ, ‘Manwu sɔ mmenia hemɔ, kyɛ amba, bɛ so yɛ se.

Deuteronomi 9:6

“Yiti nwu ye kyɛ, nna wɔ tengyɛlɛ ti yeɛ AWURADE wɔ Nyameɛ ɔ́fa aseɛ paa he ma wɔ kyɛ ɛtena so ɔ, ofikyɛ ɛte maen bɔ ye so yɛ se ɔ.