Ɛksadɔso 32:5 - AHYERƐLƐ KRONGRON

⁵ Na mmerɛ bɔ Aarɔn nwuni ye sɔ nen, osili afɔleɛ bokyea wɔ amoen ne nyunu, na obukyele ye noa hane kyɛ, “Ɛhema yɛkoli AWURADE aluolue ne.”

Ɛksadɔso 32:5 Iomraidhean Croise

1 Ahemvo 21:9

Edwirɛ bɔ ɔhyerɛle wɔ ngrataa ne anu ɛhe, “Ɛ́mɔfa bɛto dwaa kyɛ odi kyɛ ebiala yɔ akɔngyere, ná ɛ́mɔma Nabɔto ɔtena atitire bia so wɔ dwaa bɔ bɛkɔbɔ ne abo.

2 Ahemvo 10:20

Yehu hyɛle kyɛ, “Ɛ́mɔyia nyianu krongron bɛma Baal.” Yiti bɛbɔle dwaa ne.

2 Ahemvo 16:11

Ɔsɔfo Yuria sili afɔleɛ bokyea ne. Kyɛbɔ Nana Ahase fa somane fili Damasko brɛle ye ne, osili ye sɛso koraka yeɛ Nana Ahase ofi Damasko ɔba ɔ.

2 Aberɛso Dwirɛ 30:5

Yiti bɛhyɛle mmeraa wɔ Yisrael amukoraa, fi Beɛ Hyeba kɔpem Dan, kyɛ ebiala ɔbra ooli Abɔtra aluolue ne ɔhyɛ AWURADE Yisrael Nyameɛ ne animnyam wɔ Yerusalem; ofikyɛ né mmenia bɛmmɔ nu benni Abɔtra ne kyɛbɔ bahyehyɛ bato berɛ wɔ mmeraa nwomaa ne anu ne.

Ɛksadɔso 10:9

Na Mose sele kyɛ, “Yɛ ne yɛ ngwadaa ne yɛ mbanyi, yɛ mma mmienzua ne mmrasua, yɛ mmoaen ne yɛ nandwie mɔ yeɛ yɛkɔhɔ ɔ, ofikyɛ, ɔsɛ kyɛ yɛdi aluolue yɛhyɛ AWURADE animnyam.”

Ɛksadɔso 12:14

Kyẽa sɔ ne kɔyɛ ngayeɛ kyẽa kɔma ɛmɔ, na ɛ́mɔli ye aluolue bɛma AWURADE; na odi kyɛ ɛmɔdi sɔ aluolue ne afebɔɔ wɔ ɛmɔ aworɛ ndoatoasoɛ mukoraa nu.

Ɛksadɔso 17:15

Yeɛ Mose sili afɔleɛ bokyea, na ɔtole ye dumaa: AWURADE te me frangaa.

Ɛksadɔso 32:4

Olele sikaa kɔkorɛ bɔ bɛfa bɛbrɛle ye ne, ohurole ye, na ɔfa yɔle nandwie ba amoen. Na bɛhane kyɛ, “O Yisrael, wɔ nyameɛ mɔ bɔ bɛyele wɔ befili Misraim aseɛ so bɛwale ne ɛhe!”

Ɛksadɔso 32:6

Bedwɔsole alebahyene bɛbɔle naen yeralɛ afɔleɛ ne asomdwee afɔleɛ. Mmenia ne tenane ase bedidili bɛnone, na bedwɔsole begole.

Hosea 8:11

Efraim asisi bɔne nwo afɔleɛ mmokyea pee, nakoso bakakyi ye so bɔneyɔlɛ afɔleɛ mmokyea.

Hosea 8:14

Ofikyɛ Yisrael wora afi (Nyameɛ) bɔ ɔbɔle ye ɔ, wasisi asɔneyɛɛ sua mɔ; Yuda akyekye nguro pee bɔ bato bɛ nwo fasue ɔ, nakoso ngɔtɔ see ngogua ye nguro nemɔ aso, na ɔkɔyera ye anwoserɛ afealeɛ nemɔ.

Lewitikɔso 23:2

“Ka kyire Yisraelfoɛ kyɛ, Ɛhemɔ ole aluolue ahoroɔ bɔ AWURADE atu asie berɛ ɔ, na ɛ́mɔfa bɛ́to dwaa kyɛ bɛte nyianu krongron; m’aluolue nemɔ mmerɛ ɛne.

Lewitikɔso 23:21

Sɔ kyẽa ne ala, odi kyɛ ɛmɔyia nu; ɔte nyianu krongron. Nnɛma ɛmɔyɔ adwuma biala. Ɛhe te ahyɛdeɛ afebɔɔ ma ɛmɔ wɔ ɛmɔ aworɛ ndoatoasoɛ amukoraati nu, wɔ nekaa biala bɔ ɛmɔkɔtena ɔ.

Lewitikɔso 23:37

“Ɛhemɔ ole AWURADE aluolue ahoroɔ bɔ odi kyɛ ɛmɔyɛ nyianu krongron bedi ɔ. Na kyɛbɔ kyẽa bɔ watu wasie berɛ wama aluolue biala te nen, ɛ́mɔbɔ see so afɔleɛ bɛ́ma AWURADE: naen yeralɛ afɔleɛ, aburoo afɔleɛ, ngaka afɔleɛ ne anonneɛ afɔleɛ.

Lewitikɔso 23:4

“Ɛhemɔ ole aluolue ahoroɔ bɔ AWURADE atu asie berɛ, nyianu krongron bɔ odi kyɛ ɛmɔdi so mmerɛ bɔ mahyehyɛ mato berɛ ne ɔ.

1 Korintofoɛ 5:8

Yiti nnɛmɔma yɛfa mɔle harewaa daa ne, bɔ ɔte bɔne ne amumuyɛɛ yɛdi aluolue ne, na mmom ɛ́mɔma yɛfa mɔle kabrɛdi bɔ ɔte adwene bɔ nu te ɔne nahorɛlilɛ ne yeɛ yɛli ɔ.

1 Samuel 14:35

Yeɛ Sɔɔlo sili afɔleɛ bokyea mane AWURADE. Ɛhe te afɔleɛ bokyea bɔ oli moa bɔ osi mane AWURADE ɔ.