Ɛksadɔso 32:4 - AHYERƐLƐ KRONGRON

⁴ Olele sikaa kɔkorɛ bɔ bɛfa bɛbrɛle ye ne, ohurole ye, na ɔfa yɔle nandwie ba amoen. Na bɛhane kyɛ, “O Yisrael, wɔ nyameɛ mɔ bɔ bɛyele wɔ befili Misraim aseɛ so bɛwale ne ɛhe!”

Ɛksadɔso 32:4 Iomraidhean Croise

1 Ahemvo 12:28

Yiti Nana Yeroboam fale adwene, na ɔfale esikaa kɔkorɛ yɔle nandwie mmaa nyɔ. Osele maen ne kyɛ, “Ɛmɔahɔ Yerusalem bie a, ɔte paa. Yisrael ee, ɛmɔ nyameɛ mɔ bɔ bɛyele ɛmɔ befili Misraim aseɛ so bɛwale ne, bɛ ɛhe.”

1 Ahemvo 12:32

Aluolue bɔ né bedi ye wɔ Yuda wɔ bosome mmɔtwɛ ne anu, ye kyẽa bɔ ɔtɔ so buru ne nnu ne, Yeroboam hyehyɛle sɔ aluolue ne bie. Na ɔbobɔle afɔleɛ wɔ afɔleɛ bokyea so. Sɔ ala yeɛ ɔyɔle ye wɔ Betel ɔ, na ɔbɔle afɔleɛ mane nandwie mmaa bɔ wayɔ nemɔ. Na asɔneyɛɛ sua bɔ osisili ne, bɛ sɔfo nemɔ, ɔmaa bɛtenane Betel.

2 Ahemvo 10:20

Yehu hyɛle kyɛ, “Ɛ́mɔyia nyianu krongron bɛma Baal.” Yiti bɛbɔle dwaa ne.

2 Ahemvo 10:29

Nakoso bɔne bɔ Nebate awa Yeroboam hwehwene Yisrael hɔle nu, kyɛ ɔmaa bɛsɔnene esikaa kɔkorɛ nandwie mmosoen bɔ ɔwɔ Betel ne Dan ne de, Yehu wanyakyi ye yɔlɛ.

2 Aberɛso Dwirɛ 11:15

Né Yeroboam bɔbɔ deinn wayeye ye asɔfo mɔ bɔ bɛsɔne wɔ asɔneyɛɛ nemɔ aso, ɔne bɔ bɛsɔne mbɔngye mmosoen ne nandwie mmaa mmosoen bɔ ye bɔbɔ Yeroboam wagyinagyina nemɔ ɔ.

2 Aberɛso Dwirɛ 13:8

“Na afei de, ɛmɔdwene kyɛ ɔnate kyɛ ɛmɔte ɛlɔen piri, ná esikaa kɔkorɛ nandwie mmaa nyameɛ mɔ bɔ Yeroboam yɛ mane ɛmɔ ne, begyi ɛmɔ si ne ati, ɛmɔkɔhora bɛkɔho bekotia AWURADE ahennie bɔ Dawide boso ama mɔ bɛla ye noa ne?

Nehemia 9:18

Ye po, mmerɛ bɔ behurole nikyee bɛyɔle nandwie ba amoen bɛfale ná besele kyɛ, ‘Wɔ Nyameɛ bɔ ɔyele wɔ fili Misraim wale ne, ye ɛhe’, ná bɛbɔle musue mbiri mbiri nen,

Ɛksadɔso 20:2

“Me ole AWURADE wɔ Nyameɛ bɔ nyele wɔ mvili Misraim aseɛ so, fili ngoaasolɛ nu ne.

Ɛksadɔso 20:23

Nnɛma ɛmɔfa ɛdwetɛ bɛyɛ nyameɛ foforɛ mɔ bɛboka me so, anaa sikaa kɔkorɛ bɛyɛ nyameɛ foforɛ mɔ bɛfa.

Ɛksadɔso 20:4

“Nnɛyɔ amoen biala ɛso ye, anaa nikyee biala bɔ ye sue te kyɛ ewienu anwuro anwuro nikye, anaa aseɛ so nikye, anaa aseɛ bo dɔ nzue nu nikye.

Ɛksadɔso 28:11

Na kyɛbɔ dwumvoɛ di adwii kolikoli nzɔanoɛ so ne, sɔ ala yeɛ di adwii, ná kolikoli Yisrael mma mmienzua nemɔ dumaa gua nyɔboɛ nyɔ ne aso ɔ. Fa sikaa kɔkorɛ fofa ye nwo bra yia.

Ɛksadɔso 28:9

Nyɔboɛ bɔ bɛfrɛ ye onike ne, fa nyɔ, ná di adwii kolikoli Yisrael mma mmienzua nemɔ dumaa gua so.

Ɛksadɔso 32:1

Mmerɛ bɔ mmenia ne nwuni kyɛ Mose ahyɛ soma wɔ bokaa ne aso, ná ondwu mma nen, mmenia ne boaboale bɛ noa bɛhɔle Aarɔn berɛ, na besele ye kyɛ, “Dwɔso ná yɔ bosoen mɔ bɔ bekoli yɛ nyunu ma yɛ. Ofikyɛ sɔ Mose ne, akoaa he bɔ ɔɔyele yɛ fili Misraim aseɛ so wale ne de, yɛnze bɔ wato ye ɔ.”

Ɛksadɔso 32:24

Na me koso nzele bɛ kyɛ, ‘Ebiala bɔ ole sikaa kɔkorɛ biala ne, ɔye bra!’ Yiti bɛyeyele bɛmane me, na ngyi nguale see nu, yeɛ nandwie ba he fili nu wale ɔ.”

Ɛksadɔso 32:3

Yiti mmenia ne amukoraa yeyele sikaa kɔkorɛ asomade bɔ owurawura bɛ so anu ne, na bɛfa bɛbrɛle Aarɔn.

Ɛksadɔso 32:35

Na AWURADE fale amaneɛ piri tole mmenia ne aso, ɔnate nandwie ba bɔ bɛmane Aarɔn yɔle ne ati.

Ɛksadɔso 32:5

Na mmerɛ bɔ Aarɔn nwuni ye sɔ nen, osili afɔleɛ bokyea wɔ amoen ne nyunu, na obukyele ye noa hane kyɛ, “Ɛhema yɛkoli AWURADE aluolue ne.”

Ɛksadɔso 32:7

Na AWURADE sele Mose kyɛ, “Dwu kɔ aseɛnwo dɔ, ofikyɛ wɔ mmenia bɔ ɛɛyele bɛ fili Misraim aseɛ so wale ne, babɔ musue.

Ɛksadɔso 32:8

Atee bɔ ngyirele bɛ ne, bakwati ye ndɛndɛ so. Bahuro nikyee bafa bayɔ nandwie ba, bakoto ye, yeɛ babɔ afɔleɛ bama ye, na baha kyɛ, O Yisrael, wɔ nyameɛ mɔ bɔ bɛyele wɔ befili Misraim aseɛ so bɛwale ne ɛhe!”

Yesaya 30:22

Na w’amoen mɔ bɔ bafa ɛdwetɛ baboro bɛ nwo, ɔne bɔ bafa sikaa kɔkorɛ baboro bɛ nwo ne, ɛkɔfa efiɛ kɔhã bɛ, ekofindi bɛ kogua kyɛ manzaa asiaa, na ekose bɛ kyɛ, “Ɛ́mɔfi me so bɛhɔ!”

Yesaya 46:6

Mmenia fura sikaa kɔkorɛ befi bɛ bɔtɔ nu, bɛkari ɛdwetɛ wɔ tonyi so, bɛbɔ sikaa kɔkorɛ dwumvoɛ paa maa ɔfa yɔ bosoen, na bebutu berɛ bɛsɔne ye.

Hesekiel 23:8

Ye gyandera bra bɔ ɔbɔle fili mmerɛ bɔ né ɔwɔ Misraim ne, wanyakyi; ofikyɛ ofi ye mmaayaa nu yeɛ mmienzua ne ye bala basosɔ ye ababunu nyɔfone nu, ná bɛ ne ye babɔ adwaman ɔ.

Hosea 10:5

Bete Awen nandwie mmaa nemɔ ati, ahunundetelɛ kɔtɔ Samariafoɛ so. Ofikyɛ ye mmenia koli ye nwo aworabɔlɛ, yeɛ ye ahɔmeɛ mɔ bɔ né bedi ye animnyam nwo ahurusi ne, bɛ koso sɔ ala, ɔnate kyɛ ye animnyam ne watu wamini wafi ye nu.

Hosea 13:2

Afei de, bɛkɔ so bɛyɔ bɔne, na behuro bɛ dwetɛ bɛfa bɛyɔ amoen bɛma bɛ nwo, amoen mɔ bɔ bɛ bɔbɔ bafa ɛdwetɛ bali adwii bayɔ, bɔ ye mukoraa te dwumvoɛ sa noa adwuma ɔ. Bɛkã bɛfa bɛ nwo kyɛ, “Bɛ bɔ bɛbɔ afɔleɛ ne, odi kyɛ bɛfe nandwie nyii akrɔngrɔma nemɔ noa.”

Asomafoɛ 17:29

Na ɔnate kyɛ yɛte Nyameɛ mma ne ati, ɔnzɛ kyɛ yɛdwene kyɛ Nyameɛ sue te kyɛ esikaa kɔkorɛ, anaa ɛdwetɛ, anaa nyɔboɛ bɔ kuro sona afa ye sa ne ye nworɛ wali adwii wayɔ ɔ.

Asomafoɛ 7:41

Sɔ mmerɛ ne anu, bɛyɔle ohoni bie bɔ ye sue te kyɛ nandwie ba, na bɛfa bɛyɛle amoen bɛsɔle, na ɔnate bɛ sa noa adwii ne ati bɛtole poen bedidili bɛnone.

1 Korintofoɛ 10:7

Nnɛma ɛmɔso bosoen kyɛbɔ bɛ nu biemɔ yɔle ne, kyɛbɔ bahyerɛ kyɛ, “Mmenia ne tenane ase bedidili bɛnone ná bedwɔso begole.”

Deuteronomi 9:16

Nneane, na nwuni kyɛ amba ɛmɔayɔ bɔne batia AWURADE ɛmɔ Nyameɛ: ɛmɔhurole nikyee bɛyɔle nandwie ba bɛsole ye, na edwirɛ bɔ AWURADE hyɛle ɛmɔ kyɛ ɛmɔli so nen, ɛmɔhwi bɛfale so ndɛndɛ so.

Maenbulɛfoɛ 8:24

Yeɛ Gideon toale so sele bɛ kyɛ, “Ɛ́mɔma nzrɛ ɛmɔ nikyee ko: Koɛ nu nzesadeɛ asomade bɔ ebiala wanya ye ne, ɔ́ma me ko.” (Né pɔfoɛ nemɔ bele esikaa kɔkorɛ asomade, ofikyɛ bɛte Yismael boso ama.)

Maenbulɛfoɛ 8:27

Gideon fa yɔle amoen bɔ ɔte kyɛ ɔsɔfo ataadeɛ, na ɔsɔle amoen ne wɔ ye kuro Ofra. Yisrael maen amukoraa sɔnene amoen ne, na ɔɔyɛle ngaen mane Gideon ne ye abusuafoɛ.