Ɛksadɔso 32:32 - AHYERƐLƐ KRONGRON

³² Nakoso mesrɛ wɔ, fa bɛ bɔne kyɛ bɛ. Na sɛ wamma ye sɔ de a, nzaade kyikyi me (dumaa) fi wɔ nwomaa bɔ ahyerɛ ne anu!”

Ɛksadɔso 32:32 Iomraidhean Croise

2 Samuel 18:33

Edwirɛ ne mane Nana Dawide wora bɔle. Na sua bɔ ogyi pambim ne aso ne, ɔfo hɔle nu oosuni. Ɔkɔ ne, né osũ kyɛ, “Yieee, mma Absalom, mma ye, mma Absalom! Ahaa maa nwu ma ɛtena ase e! Ao Absalom, mma ye, mma ye!”

Edwein 139:16

Mmerɛ bɔ né nde mogya kokrobetoa ne, wɔ nye nwuni me. Me ngyẽa bɔ ahyehyɛ ato berɛ ama me ne, bɛhyerɛle ye mukoraa wɔ wɔ nwomaa ne anu, koraka yeɛ nu ko po ɔhyɛ ye bo ɔ.

Edwein 56:8

Wɔ yeɛ anwu aworabɔlɛ worawora bɔ medi ɔ, fa wɔ towaa ne sɔ me nye moen. Aso ɔnne wɔ ngrataa nu anaa?

Edwein 69:28

Kyikyi bɛ dumaa fi ateasefoɛ nwomaa ne anu; nnɛmaa bɛka bɛ bɛfra teneneefoɛ.

Ɛksadɔso 32:10

Yiti yakyi me maa mvɛ bɛ so yaa piri, ná ngyikyi bɛ boso bɔkɔɔ; nakoso wɔ de, ngɔmaa ɛkɔyɛ maen pirikua.”

Yesaya 4:3

Na ɔkɔwa kyɛ, bɛ bɔ bayakyi bɛ berɛ wɔ Sion bɔ baha Yerusalem ne, ebiala bɔ baha ye baboka ateasefoɛ so wɔ Yerusalem ne, bɛkɔfrɛ ye krongron,

Hesekiel 13:9

Me tumi kɔho kotia ngɔmhyɛlɛfoɛ bɔ bɛbɔ bɛ sɔ nu benwu nyekyire, ná bɛhyɛ ngondombo ngɔm ɔ. Bɛngɔboka me maen badwa ne aso, bɛngɔha bɛ ngɔfra Yisrael awuro ama so, yeɛ bɛ gya baa ngotia Yisrael aseɛ so, amaa ɔnate so ɛmɔanwu kyɛ me ole AWURADE Nyameɛ.

Daniel 12:1

“Sɔ mmerɛ ne, Mikayɛl, bɔ ɔte abɔfo safohene bɔ ogyi wɔ maen mmaa nemɔ asi ne, okodwɔso. Amaneɛnwunɛ mmerɛ kɔwa, bɔ ofi mmerɛ bɔ maen wale bɔ ɔbaadwu sɔ mmerɛ ne ɔ, ebie ɔwwale le ɔ. Nakoso sɔ mmerɛ ne, bɛkɔpepɛ bekole wɔ maen ne, ebiala bɔ bekonwu kyɛ bahyerɛ ye dumaa wɔ nwomaa ne anu ɔ.

Amose 7:2

Na belili aseɛ ne aso ndire amukoraa beyiele nen yeɛ ngane kyɛ, “Ao AWURADE Nyameɛ, mesrɛ wɔ, fa kyɛ! Ɔkɔyɛ sɛɛ né Yakob wahora wagyina ye noa? Ofikyɛ ɔte kãa paa.”

Malaki 3:16

Yeɛ bɛ bɔ besuro AWURADE ne, bedwudwo behyirehyirele bɛ nwo. AWURADE yɛle asoɛ tiele, na ɔtele; na bɛ bɔ besuro AWURADE ná bedi ye dumaa ni ne, bɛhyerɛle bɛ dumaa wɔ ngayeɛ nwomaa nu wɔ AWURADE nyunu.

Malaki 3:17

Asafo AWURADE nwa nyoo: Kyẽa bɔ ngobua ndɛen ne, bɛkɔyɛ me bɔbɔ me deɛ, na ngonwu bɛ anwumvoin kyɛbɔ seɛ onwu ɔwa bɔ ɔso ye ɔ anwumvoin ɔ.

Numeri 11:15

Sɛ sɔ yeɛ ɛfa di me de a, ye de ku me pɛen ko. Nakoso sɛ anya alo me de a, nnɛma aworabɔlɛ to me.”

Numeri 11:25

Yeɛ AWURADE nate munungum nu dwu wale ase, na ɔne Mose beedwudwole. AWURADE fale sunzum bɔ ɔwɔ Mose nu ne bie wurale mbanyi aburasoo nemɔ anu. Sunzum ne wale bɛ so ne, bɛhyɛle ngɔm. Nakoso ye si ye, banhyɛ ngɔm ko.

Numeri 14:19

Wɔ ɔdɔ pindinn ne, kyɛbɔ osi te piri ne, fa wɔ nye to ná fa mmenia ye b’amumuyɛɛ kyɛ bɛ, kyɛbɔ afa ahyɛ bɛ fi Misraim maa waadwu ɛnɛ ye.”

Luka 10:20

Nakoso nnɛma ɛmɔdi ahurusi wɔ ɛhe anwo, kyɛ sunzum mɔ bɛbrɛ bɛ nwo ase bɛma ɛmɔ ɔ; na mmom ɛmɔli ahurusi kyɛ bahyerɛ ɛmɔ dumaa wɔ nyameɛso ɔ!”

Luka 23:34

Na Yesu hane kyɛ, “Baba, fa kyɛ bɛ, ofikyɛ bɛnze bɔ bɛyɔ ɔ!” Na beguale serewa bɛhyɛle ye ndaadeɛ ne bɛfale.

Romanfoɛ 9:3

Ɔhale me ngome a, ahaa mayɛ abusudeɛ sona maa mahwere Kristo, ɔnate ngoalelɛ bɔ m’anwoɔnaen nu aliɛmaa mɔ bɔ bɛte abusuafoɛ ne bekonya ye ne ati.

Deuteronomi 25:19

Yiti sɛ AWURADE wɔ Nyameɛ ma wɔ nwo tɔ wɔ fi wɔ pɔfoɛ amukoraati bɔ bapɛ wɔ nwo bayia ne sa nu, wɔ aseɛ bɔ AWURADE wɔ Nyameɛ ɔ́fa ma wɔ maa ɔyɛ wɔ deɛ ne aso a, kyikyi Amalɛkefoɛ bɛ boso bɔkɔɔ fi ewiase. Nnɛma wɔ wora fi!

Deuteronomi 29:20

ye de AWURADE ngɔfa sɔ sona ne nwo ngɔhyɛ ye, ofikyɛ AWURADE ɛyaafɛlɛ ne nungunɛ kɔyera ye kyɛ see. Musue mukoraati bɔ bahyerɛ ye nwomaa he anu ne kɔto ye, na AWURADE kokyikyi ye dumaa kofi aseɛ ye aso.

Deuteronomi 9:14

Yakyi me ma ngu bɛ, ná ngyikyi bɛ dumaa mvi aseɛ ye aso; na ngɔmaa ɛkɔyɛ maen pirikua bɔ ye nwo yɛ se tra bɛ ɔ.’

Filipifoɛ 4:3

Yeɛ mesrɛ wɔ koso, mmiɛngo konnuasoalɛniɛ nohorɛniɛ, kyɛ boka mmrasua hemɔ, ofikyɛ bɛbokale me so yeɛ yɛyɔle nzɛmba ne nwo adwuma ɔ, bɛne Klɛmente ne mmiɛngo adwumayɔlɛfoɛ ngaa nemɔ bɔ bahyerɛ bɛ dumaa wɔ ngoa nwomaa ne anu ne.

Nyekyire 17:8

Kaka bɔ enwuni ye ne, mmerɛ bie né ɔwɔ berɛ, nakoso afei de, ɔnne berɛ; na ɔbaafi aseɛ bo dɔ kumaa kuronguronn ne anu fite ba, ná wahɔ ɛsɛkyelɛ nu. Na bɛ bɔ bɛte aseɛ so bɔ bamvi wiase ahyɛaseɛ bangyerɛ bɛ dumaa wɔ ngoa nwomaa ne anu ne, sɛ benwu kaka ne a, ɔkɔyɛ bɛ nwanwa, kyɛ mmerɛ bie né ɔwɔ berɛ, ɔnne berɛ, nakoso ɔwɔ berɛ ɔ.

Nyekyire 21:27

Nakoso nikyee biala bɔ ye nwo nde, yeɛ bɔ ɔbɔ akyiwadeɛ bra, anaa bɔ ɔpɛ ngondombo ɔ de, ongowura nu; sana bɛ bɔ bahyerɛ bɛ dumaa wɔ Boaen Ba ne ngoa nwomaa ne anu angome.

Nyekyire 22:19

Yeɛ sɛ ebie ye ngɔmhyɛlɛ nwomaa he anu dwirɛ ne bie fi nu a, Nyameɛ kɔye ye bue deɛ kofi ngoa bakaa ne ne kuro krongron bɔ bahyerɛ bɛ nwo dwirɛ wɔ nwomaa he anu ne anu.

Nyekyire 3:5

Na bɔ odi ngonim ne, bɛkɔfa ataadeɛ fufue sɔ bekowura ye, na mengokyikyi ye dumaa mengofi ngoa nwomaa ne anu; na mmom ngɔbɔ ye dumaa wɔ me Baba ne ye abɔfo mɔ nyunu.