Ɛksadɔso 32:31 - AHYERƐLƐ KRONGRON

³¹ Yiti Mose sá hɔle AWURADE berɛ, na ɔhane kyɛ, “Ao, maen he ayɔ bɔne piri paa! Bafa sikaa kɔkorɛ bayɔ nyameɛ mɔ bama bɛ nwo.

Ɛksadɔso 32:31 Iomraidhean Croise

Ɛsra 9:15

O AWURADE Yisrael Nyameɛ, ɛtengyɛ, ofikyɛ ama yɛ ngaa ne yanya yɛ ti yadidi nu, kyɛbɔ kekesaala ye ɔte ye. Yɛ amumuyɛɛ nu yeɛ yɛwɔ wɔ nyunu ɔ, ɔwɔ nu kyɛ ebiala ngɔhora ngɔfa sɔ amumuyɛɛ ne ngogyina wɔ nyunu.”

Nehemia 9:18

Ye po, mmerɛ bɔ behurole nikyee bɛyɔle nandwie ba amoen bɛfale ná besele kyɛ, ‘Wɔ Nyameɛ bɔ ɔyele wɔ fili Misraim wale ne, ye ɛhe’, ná bɛbɔle musue mbiri mbiri nen,

Nehemia 9:33

Amaneɛ bɔ wato yɛ ne amukoraa, edi be, ofikyɛ edi nahorɛ, na yɛ de yayɔ bɔne.

Ɛksadɔso 20:23

Nnɛma ɛmɔfa ɛdwetɛ bɛyɛ nyameɛ foforɛ mɔ bɛboka me so, anaa sikaa kɔkorɛ bɛyɛ nyameɛ foforɛ mɔ bɛfa.

Ɛksadɔso 20:4

“Nnɛyɔ amoen biala ɛso ye, anaa nikyee biala bɔ ye sue te kyɛ ewienu anwuro anwuro nikye, anaa aseɛ so nikye, anaa aseɛ bo dɔ nzue nu nikye.

Ɛksadɔso 32:30

Aleɛ hyene ne, Mose sele maen ne kyɛ, “Ɛmɔayɔ bɔne piri paa. Nakoso ngɔfo ngɔhɔ AWURADE berɛ kekesaala ye; ebiaa né mahora masrɛ ɛmɔ bɔne ne nwo mbata mama ɛmɔ.”

Ɛksadɔso 34:28

Mose lili AWURADE nwo berɛ eleburanna, alehyeleɛ ne alesaleɛ; wannidi, yeɛ wanno hwee. Na ɔhyerɛle apam dwirɛ ne, bɔ ɔte mmeraa dwirɛ buru ne guale nyɔboɛ taataa ne aso.

Daniel 9:11

Amba, Yisrael amukoraa abu wɔ mmeraa ne aso, bali makyebu bɔ bendie wɔ dwirɛ ɔ. Na ɛnomalɛ ne ndaen bɔ bahyerɛ ye wɔ Nyameɛ somvoɛ Mose mmeraa ne anu ne, wawa yɛ so, ofikyɛ yayɔ bɔne yatia ye.

Daniel 9:5

yayɔ bɔne, yayɔ amumuyɛɛ, yayɔ bɔ bɛnyɔ ɔ, yayɛ lɔen, kyɛ yali wɔ mmeraa dwirɛ ne wɔ nhyehyɛleɛ ne anwo makyebu ɔ.

Daniel 9:8

O AWURADE, yɛ ne yɛ hene mɔ, yɛ mbanyi mɔ ne yɛ nana mɔ, animguaseɛ te yɛ deɛ, ofikyɛ yayɔ bɔne yatia wɔ.