Ɛksadɔso 32:3 - AHYERƐLƐ KRONGRON

³ Yiti mmenia ne amukoraa yeyele sikaa kɔkorɛ asomade bɔ owurawura bɛ so anu ne, na bɛfa bɛbrɛle Aarɔn.

Ɛksadɔso 32:3 Iomraidhean Croise

Gyenesise 24:22

Afupɔngɔ nemɔ none nzue ne yiele nen, biaa ne fale sikaa kɔkorɛ kaa bɔ nu nonɛ te kilo ko nu ngyɛmuɛ ɛyaa nyɔ wurale ye. Osa fale bɛ sa kɔm sikaa kɔkorɛ ngaa nyɔ bɔ nu nonɛ te kilo ko nu ngyɛmuɛ buru wurale ye.

Gyenesise 35:4

Yiti bɛsesale Amaenmaensofoɛ nyameɛ mukoraa bɔ ɔwɔ bɛ nwo ne, ɔne b’asomade bɔ owura bɛ ne bɛmane Yakob; na Yakob fu wurale eluii bɔ né opingye Sɛkem ne abo.

Ɛksadɔso 32:2

Na Aarɔn buale bɛ kyɛ, “Ɛ́mɔyeye sikaa kɔkorɛ asomade bɔ owurawura ɛmɔ aye mɔ, ɛmɔ mma mmienzua ne mmrasua mɔ, ná ɛ́mɔfa bɛ́brɛ me.”

Ɛksadɔso 32:4

Olele sikaa kɔkorɛ bɔ bɛfa bɛbrɛle ye ne, ohurole ye, na ɔfa yɔle nandwie ba amoen. Na bɛhane kyɛ, “O Yisrael, wɔ nyameɛ mɔ bɔ bɛyele wɔ befili Misraim aseɛ so bɛwale ne ɛhe!”

Ɛksadɔso 33:6

Yiti Yisraelfoɛ puropurole bɛ nwo mbembenanneɛ ne, fite mmerɛ bɔ befili Horebo bokaa ne anwo ne.

Yesaya 3:19

bɛ mbembenanneɛ, bɛ sa kɔm ngaa, yeɛ bɛ kɔme anu duku ne;

Yesaya 46:6

Mmenia fura sikaa kɔkorɛ befi bɛ bɔtɔ nu, bɛkari ɛdwetɛ wɔ tonyi so, bɛbɔ sikaa kɔkorɛ dwumvoɛ paa maa ɔfa yɔ bosoen, na bebutu berɛ bɛsɔne ye.

Yeremia 10:9

Bɛfa ɛdwetɛ bɔ baboro ye taataa ɔ befi Tasise, yeɛ esikaa kɔkorɛ bɔ ofi Yufase ɔ bɛba. Bɛte adwiililɛfoɛ ne esikaa kɔkorɛ dwumvoɛ bɛ sa noa adwuma. Bɛ ndaadeɛ te bibire ne koogyan, ye mukoraa te adwiililɛfoɛ bɛ sa noa adwuma.