Ɛksadɔso 32:22 - AHYERƐLƐ KRONGRON

²² Na Aarɔn buale kyɛ, “Me mene, nnɛfɛ yaa; wɔ bɔbɔ ɛse kyɛ bɔne ali mmenia hemɔ ti.

Ɛksadɔso 32:22 Iomraidhean Croise

Gyenesise 44:18

Na Yuda hɔle Yosef nwo berɛ oosele ye kyɛ, “Me mene, mesrɛ wɔ, ma w’akoaa osusu edwirɛ kãa nwo ohyire ye mene; nnɛfɛ w’akoaa so yaa, ofikyɛ wɔ de wɔ diberɛ te kyɛ Faro bɔbɔ deinn.

Edwein 36:4

Ɔla ye bɛen so a, nzɛmmɔne yeɛ osusu ye nwo ɔ; wape bɔne atee so, na ongyi bɔne.

Ɛksadɔso 14:11

Na besele Mose kyɛ, “Asieleɛ mɔ nne Misraim hɔ ɔ, bɔ yiti yeɛ afa yɛ awa kyɛ yɛɛwuwu yɛgua ɛserɛ ye aso ye? Ɛɛyele yɛ fili Misraim ne, bɔ amaa wato yɛ hɔ ɛne?

Ɛksadɔso 15:24

Na mmenia ne penepenene bɛ komvi beguale Mose so kyɛ, “Nzue beni yeɛ yɛ́nya ye yɛ́no ɔ?”

Ɛksadɔso 16:20

Nakoso bandɛ Mose so. Ebiemɔ yakyili bie ma aleɛ hyene so, na ngaka wale nu maa ɔbone mvii. Na Mose fɛle bɛ so yaa.

Ɛksadɔso 16:28

Na AWURADE sele Mose kyɛ, “Kyinzu koraa yeɛ ɛmɔkɔpo me mmeraa dwirɛ ne me mmeraa maa okoodwu ɔ?

Ɛksadɔso 32:1

Mmerɛ bɔ mmenia ne nwuni kyɛ Mose ahyɛ soma wɔ bokaa ne aso, ná ondwu mma nen, mmenia ne boaboale bɛ noa bɛhɔle Aarɔn berɛ, na besele ye kyɛ, “Dwɔso ná yɔ bosoen mɔ bɔ bekoli yɛ nyunu ma yɛ. Ofikyɛ sɔ Mose ne, akoaa he bɔ ɔɔyele yɛ fili Misraim aseɛ so wale ne de, yɛnze bɔ wato ye ɔ.”

Ɛksadɔso 32:21

Na Mose sele Aarɔn kyɛ “Nzikyɛ yɔleɛ paa yeɛ mmenia hemɔ fa yɔle wɔ ɔ, bɔ yiti amaa bayɔ bɔne pirikua sɔa ye?”

Anyandera 4:16

Ofikyɛ bɛ de bɛnna, sana bayɔ bɔne koraka, nnakorɔkorɔ tɔ bɛ so, sana bama ebie afi ase koraka.

Deuteronomi 31:27

Ofikyɛ mese wɔ nye bɔ ɔnzɔ nikye ɔne w’asoserɛ. Me ne ɛmɔ yɛte ase ye po yeɛ ɛmɔahwi bafa AWURADE dwirɛ so sɔa ye, na me wue asi koso ɛ!

Deuteronomi 9:24

Na ɛmɔahwi bafa AWURADE dwirɛ so toonn fite kyẽa bɔ nwuni ɛmɔ ɔ.

Deuteronomi 9:7

Kaye, na nnɛma wɔ wora fi kyɛbɔ ewurale AWURADE wɔ Nyameɛ apue mane ye ahone huli wɔ ɛserɛ so ne, ofi kyẽa bɔ efili Misraim aseɛ so wale, kɔpem kyɛ ɛmɔɔdwuli wa ɔ; AWURADE dwirɛ so alaa yeɛ ɛmɔahwi bafa ɔ.

1 Samuel 15:15

Yeɛ Sɔɔlo buale kyɛ, “Amalɛkefoɛ mɔ dɔ yeɛ koɛhonɛfoɛ nemɔ bɛ ne bɛ fi wale ɔ, ofikyɛ bɛyakyili mmoaen paa ne nandwie paa nemɔ kyɛ bɛbaafa bɛbɔ afɔleɛ bɛma AWURADE wɔ Nyameɛ. Nakoso bɛ ngaa nemɔ de, yahũhũ bɛ bɔkɔɔ.”

1 Samuel 15:21

Nakoso koɛ nu nzesadeɛ ne, bɔ AWURADE atu asie berɛ kyɛ bɛsɛkye ye ne, koɛhonɛfoɛ nemɔ fale mmoaen paa ne nandwie paa ne bie, kyɛ bɛbaafa bɛbɔ afɔleɛ bɛma AWURADE wɔ Nyameɛ wɔ Gilgal.”

1 Samuel 15:24

Yeɛ Sɔɔlo sele Samuel kyɛ, “Mayɔ bɔne kyɛ mabu AWURADE mmeraa ne wɔ noa dwirɛ so ɔ, ofikyɛ nzurole koɛhonɛfoɛ nemɔ, na ndiele bɛ dwirɛ.