Ɛksadɔso 32:20 - AHYERƐLƐ KRONGRON

²⁰ Ɔfale nandwie amoen bɔ bayɔ ne, ɔfale see yerale ye, otini ye muhumuhu, ɔto guale nzue nye so, na ɔmane Yisraelfoɛ none.

Ɛksadɔso 32:20 Iomraidhean Croise

1 Ahemvo 15:13

Osa tuli ye nana brasua Maaka fili ɛhemmaa bia ne aso, ofikyɛ né Maaka wagyina Asera bosoen dosii bɔ ɔte akyiwadeɛ ɔ. Asa bubuli bosoen ne guale, na ɔyerale ye wɔ Kidron bɔnza ne anu.

2 Ahemvo 23:15

Afei koso, asɔneyɛɛ bɔ ɔwɔ Betel, bɔ Nebate awa Yeroboam sili bɔ ɔnate so ɔfa hwehwene Yisrael hɔle bɔne nu ne, Yosia bubuli sɔ asɔneyɛɛ ne ɔne ye afɔleɛ bokyea ne guale. Ɔyerale asɔneyɛɛ ne, na otini ye muhumuhu. Yeɛ ɔyerale Asera dosii ne koso.

2 Ahemvo 23:6

Yosia tuli Asera amoen bo fili AWURADE awuro berɛ. Ɔfa hɔle Kidron bɔnza ne anu wɔ Yerusalem kuro ne asi dɔ, na ɔyerale ye wɔ Kidron bɔnza ne anu. Otini amoen ne muhumuhu, na ɔto petene maen asieleɛ ne aso.

2 Aberɛso Dwirɛ 34:4

Ye bɔbɔ ɔneane maa bebubuli Baal afɔleɛ mmokyea nemɔ, na ɛyɛɛ afɔleɛ mmokyea bɔ bɛwɔ asɔneyɛɛ nemɔ anwo ne, obubuli bɛ. Obubuli bosoen Asera dosii mɔ ne amoen bɔ base ne amoen bɔ bahuro nikyee bafa bayɔ ɔ pasapasa. Otini bɛ muhumuhu, na ɔto petene mmenia bɔ bɛbɔle afɔleɛ wɔ so nemɔ b’asieleɛ so.

Ɛksadɔso 32:21

Na Mose sele Aarɔn kyɛ “Nzikyɛ yɔleɛ paa yeɛ mmenia hemɔ fa yɔle wɔ ɔ, bɔ yiti amaa bayɔ bɔne pirikua sɔa ye?”

Anyandera 1:31

Yiti, bɛ yɔleɛ nwo akatuaa yeɛ bɛ sa kɔhã ye ɔ, na bɛ porɛ bɔ bɛbɔ ne, ɔkɔbɔ bɛ bɔbɔ bɛ ti so.

Anyandera 14:14

Amumuyɛɛniɛ ye bɔbɔ ye yɔleɛ obu sa ye, yeɛ sona paa wora onya bɔ ɔyɔ ɔ nwo akatuaa.

Deuteronomi 7:25

Amoen mɔ bɔ bafa bayɛ bɛ nyameɛ mɔ ne, ɛ́mɔfa see bɛ́yera bɛ. Nnɛma wɔ nye boro ɛdwetɛ anaa esikaa kɔkorɛ bɔ bafa baboro amoen nemɔ nwo ne, ná amva bie ma wanyɛ ngaen wangye wɔ, ofikyɛ ɔte AWURADE wɔ Nyameɛ akyiwadeɛ.

Deuteronomi 7:5

Nakoso bɔ ɔsɛ kyɛ ɛmɔfa bɛyɔ bɛ hɔ ɛhe: Ɛ́mɔdwiri b’afɔleɛ bokyea nemɔ bégua, ná ɛ́mɔbubu bɛ bonima nemɔ nu gɔsɔgɔsɔ; ɛ́mɔpepɛ bosoen Asera dosii nemɔ bégua, ná ɛ́mɔfa see bɛ́yera b’amoen nemɔ.

Deuteronomi 9:21

Afei mvale nandwie ba ne, bɔ ɔte ɛmɔ bɔne bɔ ɛmɔyɔle ne. Mvale see nyerale ye, mmubuli nu, na ndini ye muhumuhu kyɛ mvuture, na ngyili ye mvuture ne nguale asue ba bɔ ɔtengyɛ fi bokaa ne aso ɔba ne anu.