Ɛksadɔso 32:17 - AHYERƐLƐ KRONGRON

¹⁷ Na mmerɛ bɔ Yosua tele kyɛ mmenia nemɔ bɛ́bɔ ese nen, osele Mose kyɛ, “Koɛ nwo dede bie asi asikyeleɛ berɛ.”

Ɛksadɔso 32:17 Iomraidhean Croise

1 Aberɛso Dwirɛ 7:27

Nun, bɔ ɔwole Yosua ne.

YOB NWOMAA NE 39:25

Behu totorobɛndo a, ɔtea nu kyɛ, ‘Yieee!’ Koɛ wɔ dedeede a, ɔte ye nwo mverɛ, yeɛ safohene mɔ b’esebɔlɛ ne koɛ esebɔlɛ koso, ɔwɔ dede a, ɔte.

Edwein 47:1

Amaenmaen amukoraa, ɛ́mɔbɔ ɛmɔ sa nu; ɛ́mɔbɔ se bɛto Nyameɛ nwo ahurusi dwein.

Ɛksadɔso 17:9

Na Mose sele Yosua kyɛ, “Yeye yɛ nu mmienzua ne bie, ná ɛne Amalɛkefoɛ bɛɛho. Ngɔfa Nyameɛ pɔmaa ne ngotira ɛhema, na ngɔhɔ ngoogyina bokaa ne ti afia.”

Ɛksadɔso 24:13

Yiti Mose dwɔsole, ɔne ye bokafoɛ Yosua, na Mose hɔle Nyameɛ bokaa ne aso.

Ɛksadɔso 32:16

Nyameɛ bɔbɔ yeɛ osele nyɔboɛ nemɔ ɔ, yeɛ nyɔboɛ nemɔ so kolikolilɛ bɔ bali adwii bakolikoli bagua so ne, ɔte Nyameɛ ahyerɛlɛ.

Ɛksadɔso 32:18

Nakoso Mose buale kyɛ, “Nna ngonimlilɛ nwo esebɔlɛ ɔ, yeɛ nna ngoguo nwo dede koso ɔ, na mmom edweintolɛ gyegyegyegye yeɛ mete ɔ.”

Ɛksadɔso 32:6

Bedwɔsole alebahyene bɛbɔle naen yeralɛ afɔleɛ ne asomdwee afɔleɛ. Mmenia ne tenane ase bedidili bɛnone, na bedwɔsole begole.

Yeremia 51:14

Asafo AWURADE ata ye bɔbɔ ye nwo ndaen kyɛ: Amba, ngɔma mmenia koyi wɔ nu mitimiti kyɛ mmɛbɛ, na bɛkɔbɔ wɔ nwo ese.

Amose 1:14

Yiti ngɔto Raba fasue nu see maa ɔkɔyera ye anwoserɛ afealeɛ nemɔ; na gyegyeegye kɔhɔ so wɔ koɛhonɛ kyẽa ne, ná mvrama piri atu wɔ mvrama bɔ ɔpɛ ye nwo ɔ kyẽa ne.

Amose 2:2

Yiti ngɔto Moabo nu see maa ɔkɔyera Kiriote anwoserɛ afealeɛ nemɔ, na Moabo kowu wɔ bagyabagya nu, wɔ esebɔlɛ ne totorobɛndohulɛ nu.

Yosua 6:10

Na mmenia ne de, Yosua hyɛle bɛ kyɛ, “Nnɛma ɛmɔbɔ ese, nnɛmɔma bɛte ɛmɔ nga, yeɛ nnɛma ɛmɔtɛ bɛ noa nu, kɔpem kyẽa bɔ ngɔhã ngohyire ɛmɔ kyɛ ɛ́mɔbɔ ese ɔ, koraka ná ɛmɔabɔ ese.”

Yosua 6:16

Ye pɛen nzoo ne aso, bɔ asɔfo nemɔ huli totorobɛndo nemɔ nen, Yosua sele mmenia ne kyɛ, “Ɛ́mɔbɔ ese, ofikyɛ AWURADE afa kuro ne wawura ɛmɔ sa.

Yosua 6:20

Yiti mmenia ne bɔle ese, na asɔfo nemɔ huli totorobɛndo nemɔ. Mmerɛ bɔ mmenia ne tele kyɛ bahu totorobɛndo nemɔ pɛ, bɛbɔle ese serɛserɛ, na fasue ne bu guale gyirigorɔɔ. Na mmenia ne amukoraa hɔle bɛ nyunu tee beewura kuro ne anu, na belili so ngonim.

Yosua 6:5

Sɛ behu boaen mmɛen ne anu tendetende ko, ná sɛ ɛmɔte totorobɛndo ne nga pɛ a, ɔsɛ kyɛ mmenia ne amukoraati bɛbɔ ese serɛserɛ. Kuro ne anwo fasue kodwiri kogua gyirigorɔɔ, na ɛmɔ amukoraati bɛ́hɔ bɛ nyunu tee beewura kuro ne anu.”

Maenbulɛfoɛ 15:14

Samson oodwuli Lehi ne, Filistifoɛ bɔle ese beeyiale ye. AWURADE Sunzum wale ye so, na nyamaa bɔ ogua ye sa ne yɛle kyɛ gyese bɔ see atɔ nu ɔ, na nyamaa ne sangye fili ye sa.

1 Samuel 17:20

Dawide dwɔsole alebahyene, ɔfale mmoaen nemɔ wurale ebie sa kyɛ ɔnea bɛ so, na ɔfale aleɛ ne sili nu hɔle, kyɛbɔ Yese hyɛle ye ne. Mmerɛ bɔ oodwuli asikyeleɛ ne anu ne, né Yisrael koɛhonɛfoɛ nemɔ bétu bɛ bo bekogyina koɛ noa, bɔ né bɛteatea nu bɛ́to koɛ dwein ɔ.

1 Samuel 17:52

Yeɛ Yisrael koɛhonɛfoɛ ne Yuda koɛhonɛfoɛ hyɛle ye bo bɛbɔle ese, na bɛfoane Filistifoɛ toonn bedwuli Gate ne Ekron pambim nemɔ. Filistifoɛ bɔ bepurapurale ne, bɛtotɔle atee so fili Saaraim toonn beedwuli Gate ne Ekron.