Ɛksadɔso 32:16 - AHYERƐLƐ KRONGRON

¹⁶ Nyameɛ bɔbɔ yeɛ osele nyɔboɛ nemɔ ɔ, yeɛ nyɔboɛ nemɔ so kolikolilɛ bɔ bali adwii bakolikoli bagua so ne, ɔte Nyameɛ ahyerɛlɛ.

Ɛksadɔso 32:16 Iomraidhean Croise

YOB NWOMAA NE 19:24

Sɛ ahaa bɛfa buralɛ pɛn, ɔne sum bekolikoli begua nyɔboɛ so maa ɔtena berɛ afebɔɔ a!

Ɛksadɔso 31:18

Na mmerɛ bɔ Nyameɛ ne Mose bedwudwole beyiele wɔ Sinai bokaa ne aso nen, ɔfale Adanzeɛ nyɔboɛ taataa nyɔ ne mane Mose, nyɔboɛ taataa bɔ Nyameɛ afa ye sa mmɛseka wahyerɛ so ne.

Ɛksadɔso 32:15

Yiti Mose kakyili ye nwo, na ɔfale Adanzeɛ nyɔboɛ taataa nyɔ ne tirale ye sa nu torotorole bokaa ne dwuli ase: nyɔboɛ taataa bɔ bahyerɛ ye bue nyɔ ne aso ne, bɔ bahyerɛ ye nyunu ne ye si ne.

Ɛksadɔso 32:17

Na mmerɛ bɔ Yosua tele kyɛ mmenia nemɔ bɛ́bɔ ese nen, osele Mose kyɛ, “Koɛ nwo dede bie asi asikyeleɛ berɛ.”

Ɛksadɔso 34:1

AWURADE sele Mose kyɛ, “Se nyɔboɛ taataa nyɔ bɔ ɔte kyɛ daa deɛ ne ala, na edwirɛ bɔ ɔwɔ daa deɛ bɔ ebubuli ye ne aso ne, ngɔhyerɛ ngogua so.

Ɛksadɔso 34:4

Yiti Mose sele nyɔboɛ taataa nyɔ bɔ ɔte kyɛ daa deɛ ne ala ɔ; na ɔpɛle aleɛ dwɔsole fo hɔle Sinai bokaa ne aso, kyɛbɔ AWURADE hyɛle ye ne, na ɔfale nyɔboɛ taataa nyɔ ne tirale.

2 Korintofoɛ 3:3

na ɔda ali pefee kyɛ ɛmɔte Kristo krataa bɔ ɔnate yɛ dwumadie so wahyerɛ ɔ. Wamva ayirebire, na mmom ɔfale Nyameɛ teasefoɛ Sunzum yeɛ ɔhyerɛle ɔ. Nna nyɔboɛ poen so, na mmom sona ahone poen so yeɛ ɔhyerɛle ɔ.

2 Korintofoɛ 3:7

Ewue nwo ɛsom bɔ bɛhyerɛ beguale nyɔboɛ so ne mane animnyam kandinga ma yiti Yisraelfoɛ bangora bannea Mose nyunu ɔnate kyɛ né ɔta hyireinn ne, ɔwɔ nu kyɛ né sɔ animnyam ne okyikyi. Sɛ ye sɔ de a,

Deuteronomi 10:1

“Sɔ mmerɛ ne, AWURADE sele me kyɛ, ‘Se nyɔboɛ taataa nyɔ bɔ bɛte kyɛ daa deɛ ne ala ɔ, ná fo bra me nwo wa wɔ bokaa ne aso. Fa bakaa koso bobɔ alaka.

Deuteronomi 9:15

Yiti ngakyili me nwo ndwu mvili bokaa ne aso male ase. Né see la bokaa ne anu, na né ndira apam nyɔboɛ taataa nyɔ ne wɔ me sa nyɔ nu.

Hebrifoɛ 8:10

Na sɔ ngyẽa ne asi ne, apam bɔ me ne Yisrael awuro ama yɛkɔhyehyɛ hɔ ɛhe, Awurade noa dwirɛ ɛne: Ngɔfa me mmeraa ngowura b’adwene nu, na mahyerɛ ye wɔ b’ahone nu, ngɔyɛ bɛ Nyameɛ, na bɛ wora bayɛ me mmenia.